गलातियनमन 5:3 - सादरी नवाँ नियम

³ मोंय इ गोइठ फिन से कहोना कि हरेक झन जे खतना करुवायला, उके मूसा केर समूचा नियम के मानेक चाही।

गलातियनमन 5:3 Iomraidhean Croise

मत्ती 23:16

हे अंधरा अगुवामन, तोहरे उपरे हाय! तोहरेमन आदमीमन के सिखाला कि अगर केऊ यहूदी मनक मंदिर केर किरिया खाई तो इकर कोनों मोल नी होवी, मगर केऊ यहूदी मनक मंदिर केर सोना केर किरिया खाई तो उकर से उ बंधाय जाई

मत्ती 23:18

तोहरेमन एहो सिखाला कि अगर केऊ बेदी केर किरिया खाई तो इकर कोनों मोल नी होवी, मगर केऊ बेदी उपरे चढ़ाल भेंट केर किरिया खाई तो उ उकर से बंधाय जाई।

लूका 16:28

काले कि मोर पाँच भाई अहैं। आउर मोंय चाहोना कि लाजर जाय के इ सोउब गोइठमन के उमन के बताई ताकि उमन के इ दुःख केर ठाँव में आवेक ना होवोक।’

खास चेलामन केर काम 15:1

थोरेक यहूदी बिसवासी आदमीमन यहूदिया परदेस से अन्ताकिया शहर में आलैं आउर बिसवासी भाईमन के सिखाएक लगलैं, “अगर मूसा केर देवल नियम केर मोताबिक तोहर खतना नी होवी तो तोहरे के छुटकारा नी मिली।”

खास चेलामन केर काम 2:40

पतरस ढेइर गोइठमन से गवाही देई-देई के आउर इ कइह के उमन से बिनती करलक कि इ पीढ़ी केर दुष्ट आदमीमन से खुद के बचाय के रखा।

खास चेलामन केर काम 20:21

मगर यहूदी आदमीमन आउर यूनानी आदमीमन केर सामने गवाही देते रहलों कि उमन पाप काम करेक छोइड़ के परमेश्‍वर बटे घुरोक आउर हमरे केर प्रभु यीशु मसीह केर उपरे बिसवास करोक।

रोमानियनमन 2:25

तोहरे के खतना करल जाएक केर फायदा तब हें अहे जब तोहरे मूसा केर नियम के मानबा। मगर, अगर तोहरेमन मूसा केर नियम जे कहेला उके नी मानाला, तो तोहरे खतना करल यहूदीमन ओहेमन नियर अहा जइसन परजाइतमन अहैं, जे मनक खतना नी होई हे।

गलातियनमन 3:10

से लगिन जेतना आदमीमन मूसा केर नियम के मानेक उपरे भरसा करैना, उमन परमेश्‍वर केर सराप से दबल अहैं, काले कि पवितर किताब में लिखल अहे, “जे केऊ मूसा केर नियम केर किताब में लिखल सोउब गोइठमन के करेक में स्थिर नी रहेला, उकर उपरे सराप अहे।”

गलातियनमन 5:2

मोंय पौलुस तोहरेमन के जे बताथों उके सुना, परमेश्‍वर केर देखेक में धरमी ठहराल जाएक लगिन अगर फिन से खतना करुवाबा, तो मसीह तोहरेमन लगिन जे कुछ काइर हे उकर से तोहरे के कोनों फायदा नी होवी।

गलातियनमन 5:6

अगर तोहरे मसीह यीशु केर चेलामन हेका तो इकर से कोनों फरक नी पड़ेला कि तोहरे केर खतना होई हे या निहीं। मगर खास गोइठ इ हेके कि हमरे मसीह उपरे बिसवास करिला, आउर परमेश्‍वर आउर दोसर आदमीमन से प्रेम करिला।

इफिसियनमन 4:17

इ लगिन मोंय उ अधिकार केर साथ जेके प्रभु मोके देई हे, तोहरे के इ बतावना कि अबिसवासीमन नियर ब्यवहार ना करा, जेमन बेकार गोइठमन केर चिंता करैना।

1थिस्सलुनीकियनमन 4:6

एइसन काइर के तोहरे के अपन बिसवासी भाईमन केर बिरोध में पाप नी करेक चाही आउर ना हें कोनों गलत फायदा उठाएक चाही, काले कि इ सोउब गोइठमन केर बारे में प्रभु पलटा लेवेला, जइसन कि हमरे पहिलेहें तोहरेमन के सफा-सफा कइह के कठोर चेतावनी देई रही।

1 यूहन्ना 4:14

हमरेमन बेटा के देइख ही आउर गवाही देवीला कि आबा परमेश्‍वर बेटा के इ दुनिया केर आदमीमन के पापमन से छुटकारा देवेक लगिन भेजलक।