गलातियनमन 4:5 - सादरी नवाँ नियम

⁵ ताकि उ, जेमन मूसा केर नियम केर वश में अहैं उमन के छुटकारा देओक, आउर उमन परमेश्‍वर केर बालपोस बेटा बाइन जाओक।

गलातियनमन 4:5 Iomraidhean Croise

मत्ती 20:28

काले कि मोंय आदमी केर बेटा इकर लगिन नी आय हों कि मोर एगो महान राजा लेखे सेवा-सुसइर कराल जाई। मगर इकर लगिन आय हों कि मोंय खुद दोसर मनक सेवा-सुसइर करमूँ आउर ढेइर मनक पापमन से छुटकारा लगिन अपन जान देई देमूँ।”

लूका 1:68

इसराइली आदमीमन केर परमेश्‍वर प्रभु केर महिमा होवोक, काले कि उ अपन आदमीमन केर माझे आलक आउर उमन के छोड़ालक।

यूहन्ना 1:12

मगर जेतना आदमीमन उके अपनालैं आउर उकर उपरे बिसवास करलैं, उ सोउबमन के परमेश्‍वर केर संतान बनेक केर अधिकार देलक।

खास चेलामन केर काम 20:28

से लगिन तोहरे खुद केर आउर उ दल केर रखवाली करा जेकर लगिन पवितर आत्मा तोहरे के अगुवा चुइन हे, ताकि तोहरे परमेश्‍वर केर कलीसिया केर देखभाल करबा, जेके उ अपन बेटा केर लोहू देई के कीन लेई हे।

रोमानियनमन 10:4

काले कि यीशु मसीह पहिलेहें मूसा केर नियम केर मकसद के जे लगिन उ देवल जाय हे, पूरा काइर देलक, से लगिन उ सोउब आदमीमन जेमन यीशु मसीह उपरे बिसवास करैना, परमेश्‍वर उमन के धरमी बनायला।

रोमानियनमन 8:14

जेतना आदमीमन परमेश्‍वर केर आत्मा केर चलाल में चलैना, ओहेमन परमेश्‍वर केर संतान हेकैं।

रोमानियनमन 8:15

तोहरेमन के गुलामी केर आत्मा नी मिल हे कि फिन तोहरे परमेश्‍वर से डराबा, मगर पवितर आत्मा तोहरे के परमेश्‍वर केर संतान बनायला, जेकर से हमरे हे आबा कइह के हकाइला।

रोमानियनमन 8:19

काले कि परमेश्‍वर केर सिरजाल चीजमन आसरा भरल नजइर से परमेश्‍वर केर सच्चा संतानमन के दिस्तार होवेक केर डहर देखाथैं।

रोमानियनमन 8:23

आउर सिरिफ सिरजाल चीजमन भइर नी कुंहराथैं, मगर हमरेमन हों जेमन आवेक वाला महिमा केर सवाद के चखेक लगिन पवितर आत्मा के परमेश्‍वर केर पहिला चीज केर रूप में पाय ही खुद हें कुंहराथी, मगर अब हमरे परमेश्‍वर केर आसरा देखाथी कि उ हमरे के अपन नीज संतान केर रूप में अपनाय लेवोक, इ सोउब तब होवी जब परमेश्‍वर हमरे केर इ कायामन के नवाँ काया बनाय के छुटकारा काइर देवी।

रोमानियनमन 9:4

उमन इसराइली आदमी हेकैं जइसन मोंय, उमन परमेश्‍वर केर बालपोस बढ़ाल संतान बनेक लगिन चुनल जाय हैं, आउर महिमा आउर करार आउर मूसा केर नियम पाय हैं, आउर भक्ति आउर करारमन ओहेमन केर हेके।

गलातियनमन 3:13

मसीह जे हमर लगिन सरपाल गेलक, हमरे के कीन के मूसा केर नियम केर सराप से छुटकारा देलक। काले कि पवितर किताब में लिखल अहे, जे केऊ क्रूस उपरे लटकाल जायला उ सरपाल जायला।

गलातियनमन 3:26

जब तोहरे यीशु मसीह केर नाँव से बपतिस्मा जल संस्कार लेला, तो तोहरे मसीह केर नवाँ जिंदगी के पिंध लेला, जइसन एगो आदमी नवाँ लुगा के पिंध लेवेला, से लगिन जब तोहरे सोउब यीशु मसीह उपरे बिसवास करला तो परमेश्‍वर केर संतान बाइन गेला।

गलातियनमन 4:21

तोहरे से मोंय एगो सवाल पूछेक चाहोना जेमन मूसा केर नियम केर अधीन में रहेक चाहाला, का तोहरे सचमुच में मूसा केर नियम का कहेला सेके समझाला?

गलातियनमन 4:7

से लगिन अब तोहरे धांगर ना लगा, मगर परमेश्‍वर केर बेटा हेका। आउर जब परमेश्‍वर केर बेटा हेका तो उ सोउब चीजमन के पाबा, जेके देवेक केर करार परमेश्‍वर अपन छउवामन से काइर हे।

इफिसियनमन 1:5

काले कि परमेश्‍वर हमरे के प्रेम करलक आउर अपन इच्छा आउर भला मकसद केर मोताबिक, हमरे के अपन लगिन पहिले से ठहरालक कि हमरे यीशु मसीह केर बटले उकर बाल-पोस बेटा बनब।

इफिसियनमन 1:7

हमरे के परमेश्‍वर केर ढेइर किरपा से यीशु मसीह केर लोहू बहाएक केर चलते छुटकारा मिल हे, मतलब पापमन केर क्षमा मिल हे।

इफिसियनमन 5:2

मसीह केर पिछा करते दोसरमन लगिन प्रेम से भरल जिंदगी जिया, जे तोहर से प्रेम करलक आउर तोहर पापमन के उठाएक लगिन खुद के बलिदान काइर देलक। उकर से परमेश्‍वर खुश रहे, काले कि उ बलिदान उकर लगिन महकेक वाला सेंट नियर रहे।

तीतुस 2:14

जे खुद के हमर लगिन बलिदान काइर देलक, आउर हमरे के सोउब रकम केर अधरम से छुटकारा देलक आउर शुद्ध काइर के हमरे के अपन लगिन खास आदमी बनाय लेलक, जे भला काम करेक लगिन पूरा पुरी तेयार रहोक।

इब्रानीमन 1:3

बेटा, परमेश्‍वर केर महिमा केर इंजोत हेके, उकर में हमरे इ देखेक पारिला कि परमेश्‍वर कइसन अहे, उ अपन शक्तिशाली बचनमन से सोउब चीजमन के जे बनाल जाय हे, स्थिर रहेक लगिन मदइत करेला, उ आदमीमन के उमन केर पापमन से शुद्ध काइर के, महिमा से भरल स्वरग में परमेश्‍वर केर भतखाइया आरा बइठल अहे।

इब्रानीमन 9:12

मसीह स्वरग केर महा पवितर ठाँव में एके बेर ढूकलक, उ अपन लगिन बकरा आउर बछरुमन केर लोहू के लेई के नी ढूकलक, मगर खुद के बलिदान काइर के अपनेहें लोहू के लेई के भीतरे ढूकलक, आउर उ हमरे के जुग-जुग लगिन पाप से छुटकारा करलक।

इब्रानीमन 9:15

एहे खातिर मसीह नवाँ करार केर मिलाएक वाला हेके, ताकि जेमन के परमेश्‍वर बटले बोलाल जाय हे उमन जुग-जुग केर आशीषमन के पाओक, जेकर करार परमेश्‍वर काइर हे। एइसन इ लगिन करेक परायला, काले कि मसीह उमन के, उ पापमन केर दंड से छुटकारा देवेक लगिन प्राण देलक, जे पापमन के उमन पहिला करार केर समय में काइर रहैं।

1 पतरस 3:18

मोंय इ कहोना काले कि मसीह हों हमरे केर पापमन केर खातिर दुःख सहलक आउर मोइर गेलक। उ बस एक बेर मोरलक उके दोबारा फिन से मोरेक केर जरुरत नखे, उ एगो धरमी आदमी रहे जे पापी आदमीमन लगिन मोरलक कि उ हमरे के आबा परमेश्‍वर में लेगेग पारोक, उमन उकर काया के तो माइर मोरालैं मगर परमेश्‍वर उके पवितर आत्मा केर शक्ति से फिन से जिंदा काइर देलक।

प्रकाशितवाक्य 14:3

उमन सिंहासन केर सामने आउर चाइरो जीवमन आउर मुखियामन केर सामने, एक नवाँ गीत गावत रहैं। उ एक लाख चौवालीस हजार आदमीमन के छोइड़ जेमन के धरती में से कीन लेवल जाय रहे, केऊ आउर उ गीत के नी सिखेक पारत रहैं।

प्रकाशितवाक्य 5:9

आउर उमन इ नवाँ गीत गावेक लगलैं: “तोंय इ किताब के लेवेक आउर इकर मोहर के खोलेक केर लायक अहिस, काले कि तोंय बलि होई के अपन लोहू से हरेक गोतर, भाषा, आदमीमन, आउर जाइत में से परमेश्‍वर केर लगिन आदमीमन के कीन लेई हिस।