गलातियनमन 4:4 - सादरी नवाँ नियम

⁴ मगर जब सही समय आलक, तो परमेश्‍वर अपन बेटा के इ दुनिया में भेजलक जे एगो जनाना से जनमलक, उ एगो यहूदी केर रूप में जनमलक आउर मूसा केर नियम के मानलक।

गलातियनमन 4:4 Iomraidhean Croise

मत्ती 1:23

“देखा, एगो कुँवारी गर्भवती होवी आउर एगो बेटा के जनम देवी आउर उकर नाँव इम्मानुएल रखल जाई” जेकर मतलब इ हेके “परमेश्‍वर हमर संगे अहे।”

मत्ती 3:15

यीशु उके इ जबाब देलक, “एखन तो एइसनेहें होवेक दे, काले कि हमरे के एहे लेखे से परमेश्‍वर केर सोउब इच्छा के पूरा करेक उचित अहे।” तब यूहन्ना उकर गोइठ के माइन लेलक।

मत्ती 5:17

तोहरेमन इ ना सोचा कि मोंय मूसा केर नियम या परमेश्‍वर केर संदेश के बताएक वालामन केर किताब के मेटाएक ले आय हों, मेटाएक निहीं, मगर पूरा करेक लगिन आय हों।

मरकुस 1:15

आउर कहलक, “परमेश्‍वर केर ठहराल समय पूरा होई जाय हे, आउर परमेश्‍वर केर राइज भीरे पोंहइच जाय हे, पाप करेक छोइड़ देवा आउर शुभ समाचार केर उपरे बिसवास करा।”

लूका 1:31

देख, तोंय गर्भवती होबे, आउर एगो बेटा के जनम देबे, तोंय उकर नाँव यीशु रखबे।

लूका 1:35

स्वरगदूत उके जबाब देलक, “पवितर आत्मा तोर उपरे उतरी, आउर परमप्रधान केर शक्ति तोर उपरे छाँई करी। से लगिन तोर से जे बेटा जनमी, उ पवितर होवी आउर परमेश्‍वर केर बेटा कहाई।

लूका 20:44

पवितर किताब केर उ ठाँव में राजा दाऊद खुद हें मसीह के मोर प्रभु कहेला तो फिन उ सिरिफ राजा दाऊद केर बंश कइसन होवी?”

यूहन्ना 1:14

आउर बचन एगो आदमी बनलक आउर उ आदमी किरपा आउर सच्चाई से भाइर के हमर माझे रहलक। आउर हमरे उकर एइसन महिमा देखली, जइसन परमेश्‍वर आबा केर बटे से आवल एकलौता बेटा केर महिमा।

यूहन्ना 10:36

जब मोंय कहोना, ‘मोंय परमेश्‍वर केर बेटा हेकों,’ तो तोहरेमन काले कहाला, ‘तोंय ईश्‍वर केर निंदा करिसला।’ मोंय ओहे हेकों, जेके आबा परमेश्‍वर अलग करलक आउर दुनिया में भेइज हे।

यूहन्ना 3:16

काले कि परमेश्‍वर दुनिया केर आदमीमन से एइसन प्रेम करलक कि उ अपन एकलौता बेटा के देई देलक, ताकि जे केऊ उकर उपरे बिसवास करी, उ नाश नी होवी मगर जुग-जुग केर जिंदगी पावी।

यूहन्ना 6:38

काले कि मोंय अपन इच्छा के पूरा करेक लगिन निहीं, मगर मोके भेजेक वाला परमेश्‍वर केर इच्छा के पूरा करेक लगिन स्वरग से उतइर हों।

यूहन्ना 8:42

यीशु उमन से कहलक, “अगर परमेश्‍वर तोहर आबा होतक, तो तोहरेमन मोर से प्रेम करता, काले कि मोंय परमेश्‍वर बटे से आय हों। मोंय अपन मरजी से नी आय हों, मोके ओहे भेइज हे।

खास चेलामन केर काम 1:7

यीशु उमन के जबाब देलक, “उ समयमन या घटनामन कहिया होवी, इके ठहराएक केर अधिकार सिरिफ मोर आबा ठिना अहे, इके जानेक केर जरुरत तोहरेमन के नखे।

रोमानियनमन 1:3

इ शुभ समाचार उकर बेटा हमर प्रभु यीशु मसीह केर बारे में अहे, जे काया केर हिसाब से तो दाऊद केर बंश से जनमलक।

रोमानियनमन 15:8

इ लगिन मोंय तोहरेमन के कहोना कि जे करार परमेश्‍वर हमर पुरखामन से काइर रहे, उ करार के पूरा करेक लगिन मसीह यहूदीमन केर सेवक बनलक। जेकर से उ इ देखाएक पारोक कि परमेश्‍वर बिसवास लायक अहे।

रोमानियनमन 5:6

काले कि जब हमरे कमजोर हें रही, तो मसीह परमेश्‍वर केर ठीक ठहराल समय में पापीमन लगिन प्राण देलक।

रोमानियनमन 8:3

काले कि जे काम के मूसा केर नियम हमरे केर पापी स्वभाव केर चलते कमजोर होई के नी करेक पारलक, उके परमेश्‍वर करलक मतलब अपनेहें बेटा के हमरे नियर पापी बनाय के, आउर हमरे केर पापमन लगिन बलिदान होवेक ले भेइज के पापी काया केर बराबइर में, आउर पाप केर बलिदान होवेक लगिन भेइज के, परमेश्‍वर मसीह केर काया में पाप केर दंड देलक।

रोमानियनमन 9:5

अब्राहम, इसहाक आउर याकूब उ मनक पुरखामन हेकैं, आउर मसीह खुद काया केर हिसाब से इसराइली रहे, सोउब केर उपरे राइज करेक वाला परमेश्‍वर केर महिमा जुग-जुग होते रहोक। आमीन।

इफिसियनमन 1:10

आउर उकर योजना इ हेके कि ठीक समय में परमेश्‍वर सोउब चीजमन के, जे स्वरग में अहे आउर जे धरती में अहे, यीशु मसीह केर अधिकार में काइर देवी।

कुलुसियनमन 2:14

उ हमरे के दोषी ठहराएक वाला लिखल कागजात के रद्द काइर देलक, जे मूसा केर नियम केर चलते हमर बिरोध में लिखल रहे, आउर उके क्रूस उपरे काँटी से ठोइक के सामने से हटाय देलक।

1 तीमुथियुस 2:6

जे सोउब आदमीमन के छुटकारा देवेक केर दाम केर रूप में खुद के बलिदान काइर देलक। उकर बलिदान केर द्वारा परमेश्‍वर ठीक समय में गवाही देलक, ताकि जेमन बचेक चाहैना उ सोउबमन बाइच जाओक।

1 तीमुथियुस 3:16

आउर इकर में शंका नखे कि परमेश्‍वर जे शिक्षामन के खोइल देई हे, उ पूरा पुरी सच्चा अहे। मतलब, उ जे आदमी केर रूप में दिस्तार होलक, आउर उके पवितर आत्मा बटले परमेश्‍वर केर बेटा केर रूप में साबित करल गेलक, स्वरगदूतमन उके देखलैं, चेलामन दुनिया केर सोउब देस में उकर बारे में आदमीमन के खुश खबरी सुनालैं, दुनिया भइर केर आदमीमन उकर उपरे बिसवास करलैं, आउर परमेश्‍वर उके उपरे स्वरग में उठाय लेलक।

इब्रानीमन 2:14

से लगिन जबकि परमेश्‍वर केर छउवामन माँस आउर लोहू से बाइन हैं, तो यीशु हों खुद हें उमन नियर माँस आउर लोहू केर आदमी बाइन गेलक, ताकि अपन माउत केर जरिया से उके, जेके माउत केर उपरे शक्ति मिल रहे, मतलब शैतान के नाश काइर देवोक।

इब्रानीमन 9:10

काले कि उ नियममन सिरिफ आदमीमन केर खाएक, पियेक आउर कायनों रकम केर नहाएक केर रीतिमन केर बारे में बतायला, जेकर से आदमीमन बाहरे से सफा होवैना। इ आराधना केर नियममन तब तक लगिन मानल जाई, जब तक परमेश्‍वर अपन नवाँ करार के शुरु नी काइर देवी।

1 यूहन्ना 4:14

हमरेमन बेटा के देइख ही आउर गवाही देवीला कि आबा परमेश्‍वर बेटा के इ दुनिया केर आदमीमन के पापमन से छुटकारा देवेक लगिन भेजलक।

1 यूहन्ना 4:2

परमेश्‍वर केर आत्मा के तोहरेमन इ नियर चिन्हेक पारबा कि जे आत्मा इ माइन लेवेला कि यीशु मसीह काया में होई के आय हे, उ परमेश्‍वर बटले अहे।