गलातियनमन 4:3 - सादरी नवाँ नियम

³ ठीक ओहे नियर हमरे हों परमेश्‍वर के जानेक से पहिले, इ दुनिया केर रीति रिवाज केर गुलाम बाइन के रही।

गलातियनमन 4:3 Iomraidhean Croise

मत्ती 11:28

हे सोउब मेहनइत करेक वाला आउर बोझा से जँताल आदमीमन, मोर ठिना आवा, मोंय तोहरेमन के आराम देमूँ।

यूहन्ना 8:31

जे यहूदी आदमीमन उकर उपरे बिसवास करलैं, उमन से यीशु कहलक, “अगर तोहरेमन मोर बचन में बनल रहबा, तो सचमुच मोर चेला ठहरबा।

खास चेलामन केर काम 15:10

तो अब तोहरे परमेश्‍वर के काले परखाला आउर यहूदी नियम आउर रीति रिवाज के इ परजाइत बिसवासीमन के काले मनुवावाला, जेके हमर बाप-दादामन हों मानेक नी पाइर रहैं आउर ना हमरे मानेक पारब?

रोमानियनमन 7:14

हमरे जानिला कि मूसा केर नियम तो आत्मिक अहे, मगर मोंय काया में अहों आउर पाप केर गुलाम अहों।

रोमानियनमन 8:15

तोहरेमन के गुलामी केर आत्मा नी मिल हे कि फिन तोहरे परमेश्‍वर से डराबा, मगर पवितर आत्मा तोहरे के परमेश्‍वर केर संतान बनायला, जेकर से हमरे हे आबा कइह के हकाइला।

2 कुरिनथियनमन 11:20

काले कि जब तोहरेमन के केऊ धांगर बनाय लेवेला, या तोहरे ठिना जे कोनों अहे उ सोउब के ले लेवेला या धोखा देवेला, या खुद के बाड़ बनायला, या तोहर गाल में थप्पड़ मारेला, तो तोहरेमन साइह लेवाला।

गलातियनमन 3:19

तो फिन मूसा केर नियम से का फायदा होलक? मूसा केर नियम तो आदमीमन के इ देखाएक लगिन देवल गेलक कि सचमुच में पाप का हेके, इ तो मसीह केर आवेक तक ले देवल जाय रहे जे अब्राहम केर बंश हेके, आउर जेकर बारे में करार करल जाय रहे, परमेश्‍वर अपन नियम के स्वरगदूतमन केर जरिया से मूसा के देई रहे, जे परमेश्‍वर आउर आदमीमन केर माझे एक दोसर के मिलाएक वाला बनलक।

गलातियनमन 4:2

मगर जब तक उकर उमर बाड़ नी होई जायला, तब तक उ देख-रेख करेक वालामन केर अधिकार केर अधीन में रहेला।

गलातियनमन 4:24

इ दूई गो जनानामन परमेश्‍वर केर दूई गो करार केर चिन्हा हेकैं। जे करार के परमेश्‍वर सीनै पहार उपरे अपन आदमीमन लगिन काइर रहे, उ हाजिरा नियर अहे।

गलातियनमन 4:25

आइज केर यरुशलेम शहर केर आदमीमन गुलाम अहैं, काले कि उमन यहूदी नियम के मानैना। उमन हाजिरा नियर गुलाम अहैं, जे उ करार के देखायला, जेके अरब देस केर सीनै पहार उपरे देवल गेलक।

गलातियनमन 4:31

से लगिन हे बिसवासी भाईमन, जे मोंय कहेक चाहोना उकर निचोड़ इ हेके कि हमरे धांगरिन जनाना केर संतान ना लगी, जेके मूसा केर नियम के मानेक पड़ेला, मगर आजाद जनाना केर संतान हेकी जेमन के परमेश्‍वर हमर बिसवास केर चलते अपनायला।

गलातियनमन 4:8

जब तोहरेमन परमेश्‍वर के नी जानत रहा तब तोहरे उकर सेवा करत रहा, जे सचमुच में ईश्‍वर ना लगे।

गलातियनमन 4:9

अब तोहरेमन केर रिश्ता परमेश्‍वर से होलक, बल्कि परमेश्‍वर खुद हें तोहरेमन से रिश्ता बनालक, तो तोहरे उ बेकार शिक्षामन केर गुलाम फिन से दोबारा काले बनेक चाहाला जे पुरखा से आवाथे?

कुलुसियनमन 2:20

जबकि तोहरेमन केर पापी स्वभाव मसीह केर संगे मोइर जाय हे, से लगिन अब तोहरे के इ दुनिया केर नियम के मानेक केर जरुरत नखे। फिन भी तोहरे काले एखन हों इ नियममन के मानाला जइसन कि एखन हों तोहरे के दुनिया चलायला

कुलुसियनमन 2:8

चौकस रहा कि केऊ तोहरेमन के उ गोइठमन से जेकर कोनों कीमत नखे आउर जे बेकार अहे, ना बहकाय लेवोक, जे दुनिया केर रीति-रिवाज केर मोताबिक आदमीमन केर देवल शिक्षा तो हेके, मगर मसीह केर मोताबिक निहीं।

इब्रानीमन 5:12

अब तक तो तोहरे के सिखाएक वाला बाइन जाएक रहे, मगर तोहरे के तो एइसन आदमी केर जरुरत अहे, जे तोहरेमन के परमेश्‍वर केर बचन केर शुरुवाती गोइठमन के सिखाओक। तोहरे तो छउवामन नियर अहा जेमन के दूध चाही ठोस आहार निहीं।

इब्रानीमन 7:16

यीशु काया केर मोताबिक लेवी गोतर में जनम लेई के पुरोहित नी बाइन हे, मगर नाश नी होवेक वाला शक्ति केर चलते उ पुरोहित बाइन हे।