गलातियनमन 3:5 - सादरी नवाँ नियम

⁵ जे तोहरेमन के पवितर आत्मा दान देवेला आउर तोहर में चमत्कार केर काम करेला, उ का, मूसा केर नियम के पूरा करेक से या शुभ समाचार उपरे बिसवास करेक से एइसन करेला?

गलातियनमन 3:5 Iomraidhean Croise

खास चेलामन केर काम 14:3

पौलुस आउर बरनाबास ढेइर दिन तक हूवाँ रहलैं आउर प्रभु केर उपरे भरसा काइर के बेगर डराले साहस से बचन केर परचार करते रहलैं। आउर प्रभु हों उमन बटले करल चिन्हा आउर चमत्कार केर काम से साबित करलक कि अपन किरपा केर संदेश सच हेके।

रोमानियनमन 10:17

बिसवास तब आवेला जब तोहरे संदेश के सुनाला, आउर संदेश मसीह केर बचन हेके।

रोमानियनमन 15:19

मोके पवितर आत्मा बटले शक्ति देवल गेलक जेकर से मोंय शक्तिशाली चिन्हामन आउर चमत्कार काममन के करलों। से लगिन मोंय यरुशलेम शहर से लेई के इल्‍लुरिकुम परदेस केर आसे-पासे जहाँव कहों रहलों, मोंय सोउब आदमीमन के यीशु मसीह केर बारे में शुभ समाचार केर परचार करलों।

1 कुरिनथियनमन 12:10

ओहे आत्मा एक आदमी के चमत्कार काम करेक केर बरदान देवेला, तो दोसर आदमी के ओहे आत्मा परमेश्‍वर केर संदेश के असरदार तरीका से बोलेक केर बरदान देवेला, आउर दोसर आदमी के आत्मामन के परखेक केर बरदान देवेला। एक आदमी के ओहे आत्मा दोसर-दोसर भाषा में गोठियाएक केर बरदान देवेला जे भाषा के पढ़ल नी जायला, आउर दोसर आदमी के ओहे आत्मा इ भाषामन केर मतलब बताएक केर बरदान देवेला।

2 कुरिनथियनमन 10:4

हमरे केर लड़ाई केर हँथियार इ दुनिया केर आदमीमन केर हँथियार नियर नखे, मगर गढ़मन के गिराय देवेक लगिन परमेश्‍वर बटले शक्तिशाली अहे।

2 कुरिनथियनमन 12:12

यीशु केर चुनल खास चेला केर लक्षण हों तोहर माझे सोउब रकम केर धीरज सहित चिन्हामन, आउर चमत्कार केर काममन, आउर शक्ति केर काममन से देखाल गेलक।

2 कुरिनथियनमन 13:3

जब मसीह तोहरे के सुधरायला तो उ कमजोर नखे, मगर तोहर माझे अपन शक्ति के देखायला।

2 कुरिनथियनमन 9:10

परमेश्‍वर हमेशा किसान के बुनेक लगिन बिहीन देवेला आउर खाएक लगिन आहार हों देवेला। ठीक एहे नियर, परमेश्‍वर एइसन करेला कि तोहर ठिना सोउब कुछ भरपूर होवोक, ताकि तोहरेमन उमन केर मदइत बाइढ़-चाइढ़ के करेक पारबा, जेमन के जरुरत अहे।

गलातियनमन 3:2

मोंय तोहरेमन से सिरिफ इ जानेक चाहोना कि तोहरेमन पवितर आत्मा के मूसा केर नियम के माइन के या बिसवास केर समाचार से पाला?

फिलिप्पियनमन 1:19

मोंय जानोना कि तोहर प्रार्थनामन केर चलते, आउर यीशु मसीह बटले आवेक वाला पवितर आत्मा केर मदइत से मोंय छुटकारा पाय जामूँ।