गलातियनमन 3:2 - सादरी नवाँ नियम

² मोंय तोहरेमन से सिरिफ इ जानेक चाहोना कि तोहरेमन पवितर आत्मा के मूसा केर नियम के माइन के या बिसवास केर समाचार से पाला?

गलातियनमन 3:2 Iomraidhean Croise

खास चेलामन केर काम 15:8

मन के जाँचेक वाला परमेश्‍वर उमन के हों हमर नियर पवितर आत्मा देई के इ साबित करलक कि उमन हों परमेश्‍वर बटले चुनल आदमी हेकैं।

खास चेलामन केर काम 2:38

पतरस उमन के जबाब देलक, “पाप करेक छोइड़ देवा, तोहर में से हर एक झन अपन-अपन पापमन केर क्षमा लगिन यीशु मसीह केर नाँव से बपतिस्मा जल संस्कार लेवा, तब तोहरे पवितर आत्मा केर दान पाबा।

खास चेलामन केर काम 8:15

उमन हूवाँ जाय के उमन लगिन इ प्रार्थना करलैं कि उमन पवितर आत्मा पाओक।

रोमानियनमन 1:17

काले कि शुभ समाचार में बिसवास करेक से परमेश्‍वर हमरे के अपन देखेक में पूरा-पुरी धरमी बनायला। जइसन कि पवितर किताब में लिखल अहे, “उ आदमी जे बिसवास करेक केर चलते परमेश्‍वर केर देखेक में धरमी बाइन हे, उ जिंदा रही।”

1 कुरिनथियनमन 9:21

एहे नियर जब मोंय परजाइतमन केर संगे काम करोना, तो मोंय परजाइतमन नियर रहलों, जेमन परमेश्‍वर केर नियम के नी मानैना, ताकि उमन के मसीह लगिन जितेक पारमूँ। हालाँकि मोंय परमेश्‍वर केर नियम से आजाद नखों।

2 कुरिनथियनमन 11:4

जब कभी केऊ तोहरे ठिना आय के, केऊ दोसर यीशु केर परचार करेला जेकर परचार हमरे नी काइर ही, चाहे कोनों दोसर आत्मा के पावाला जेके पहिले नी पाय रहा, चाहे तोहरेमन कोनों दोसर शुभ समाचार के सुनला जेके पहिले नी सुइन रहा, तो तोहरे तुरते उके ग्रहण काइर लेवाला जे कि गलत है।

गलातियनमन 3:14

एइसन इ लगिन होलक कि अब्राहम केर आशीष मसीह यीशु में परजाइत आदमीमन तक पोंहचोक। आउर हमरे बिसवास केर चलते उ आत्मा के पावब जेकर करार होई हे।

गलातियनमन 3:3

का तोहरेमन एइसन भटइक गेला कि पवितर आत्मा केर रीति से शुरु काइर के अब काया केर रीति से आखरी करबा?

गलातियनमन 3:5

जे तोहरेमन के पवितर आत्मा दान देवेला आउर तोहर में चमत्कार केर काम करेला, उ का, मूसा केर नियम के पूरा करेक से या शुभ समाचार उपरे बिसवास करेक से एइसन करेला?

इब्रानीमन 2:4

आउर इकर अलावा परमेश्‍वर हों अपन इच्छा केर मोताबिक चिन्हामन आउर चमत्कार, आउर अचरज केर काममन, आउर सोउब रकम केर शक्ति केर काममन, आउर पवितर आत्मा केर बरदानमन के बाँटेक से इकर सबूत देते रहलक।

इब्रानीमन 4:2

ठीक जइसन हमरे यीशु मसीह केर बारे में शुभ समाचार के सुनली, तइसनेहें इसराइली आदमीमन हों आराम केर ठाँव में जाएक केर बारे में शुभ समाचार के सुइन रहैं, मगर उमन बिसवास नी करलैं, से लगिन उ संदेश उमन ले बेकार होई गेलक।

इब्रानीमन 6:4

काले कि जेमन अपन बिसवास से दूर होई जायना, उमन दोबारा पाप करेक छोइड़ के वापस घुरेक नी पारबैं, उमन एक बेर परमेश्‍वर केर सच्चाई के जानलैं आउर स्वरग से बरदान के पालैं, आउर उमन दोसरमन से एके संगे पवितर आत्मा के हों पालैं,

1 पतरस 1:12

परमेश्‍वर अपन इ संदेश देवेक वालामन के बतालक कि इ संदेश उ मनक खुद लगिन निहीं बल्कि तोहर लगिन रहे। इ संदेश यीशु मसीह केर बारे में शुभ समाचार हेके जेके तोहरेमन एखन सुनला। परमेश्‍वर स्वरग से अपन पवितर आत्मा के भेजलक कि तोहरे के शुभ समाचार परचार करेक में आदमी मनक मदइत करोक। इ सोउब एतना अदभुत अहे कि स्वरगदूतमन हों लालसा से इ सोउब गोइठमन के होते देखत रहैं।