गलातियनमन 3:1 - सादरी नवाँ नियम

¹ हे गलील परदेस केर रहेक वाला बिसवासीमन तोहरे केर दिमाग नखे, के तोहरे के भटकाय देलक? तोहरे केर तो आँइख केर सामने देखाएक नियर यीशु मसीह क्रूस उपरे देखाल गेलक।

गलातियनमन 3:1 Iomraidhean Croise

मत्ती 24:24

काले कि झूठा मसीह आउर झूठा परमेश्‍वर केर संदेश बताएक वालामन उइठ खड़ा होबैं उमन बड़का-बड़का चिन्हा आउर चमत्कार केर काममन के देखाबैं आउर होई सके तो उमन चुनलमन के हों बहकाय देबैं।

मत्ती 7:26

मगर जे आदमी मोर इ गोइठमन के सुनेला आउर उकर मोताबिक नी चलेला, से उ मूरख आदमी नियर अहे, जे अपन घर बालू में बनालक।

लूका 24:25

तब यीशु दुयो चेलामन से कहलक, “हे निरबुद्धियामन, जे कुछ परमेश्‍वर केर संदेश के बताएक वालामन पवितर किताब में लीख हैं, उकर उपरे बिसवास करेक में तोहरेमन के ढेइर कठिन लगेला।

खास चेलामन केर काम 16:6

पवितर आत्मा उमन के आसिया परदेस में बचन सुनाएक से मना करलक, से लगिन पौलुस आउर उकर संगमन सीलास आउर तीमुथियुस फ्रूगिया आउर गलातिया परदेसमन में से होई के आगे चाइल गेलैं।

खास चेलामन केर काम 6:7

आउर परमेश्‍वर केर बचन फैलते गेलक आउर यरुशलेम शहर में चेलामन केर गिनती बढ़ते गेलक आउर कायनों झन यहूदी पुरोहितमन हों यीशु मसीह केर उपरे बिसवास केर इ संदेश के मानलैं।

रोमानियनमन 10:16

मगर सोउब आदमीमन उ शुभ समाचार उपरे बिसवास नी करलैं। जइसन कि यशायाह परमेश्‍वर केर संदेश के बताएक वाला कहेला, “हे प्रभु, हमरे केर संदेश उपरे केऊ बिसवास नी करलैं।”

रोमानियनमन 2:8

मगर जेमन अपनेहें फायदा केर लगिन सोचैना, आउर सच्चाई के नी मानैना, बल्कि बुराई करेक खोजैना उमन उपरे परमेश्‍वर अपन खीस आउर परकोप के देखाई।

रोमानियनमन 6:17

पहिले तोहरे तो पाप केर गुलाम रहा, मगर अब उ उपदेस के मानेक वाला होई गेला जेके तोहरे लगिन देवल गेलक, इकर लगिन मोंय परमेश्‍वर के धन्यबाद देवोना।

1 कुरिनथियनमन 11:26

काले कि तोहरेमन जब कभी इ रोटी के खावाला, आउर इ कटोरा में से अंगूर केर रस के पियाला, तो प्रभु केर माउत के जब तक उ नी आवी परचार कराला।

1 कुरिनथियनमन 2:2

काले कि मोंय इ ठाइन लेई रहों कि तोहर माझे सिरिफ यीशु मसीह केर बारे में आउर क्रूस उपरे उकर माउत केर बारे में हें गोठियामूँ।

2 कुरिनथियनमन 10:5

से लगिन हमरे मन केर बिचारमन के आउर हरेक घमंड केर गोइठ के, जे परमेश्‍वर केर इच्छा केर बिरोध में उठेला, उके रोकिला आउर हर एक बिचारमन के काबू काइर के मसीह केर आगयाकारी बनाय देवीला।

2 कुरिनथियनमन 11:3

मगर मोंय डरावना कि जइसन शैतान साँप केर रूप में अपन चलाँकी से पहिला जनाना हव्वा के बहकालक, तइसनेहें तोहरे केर मन के हों उ सिधाई आउर पवितरता से मसीह के जे आदर देवेक चाही, उकर से कहीं दूर ना काइर देओक।

गलातियनमन 1:2

मोंय इ चिट्ठी के गलातिया परदेस केर कलीसियामन केर बिसवासी भाईमन केर नाँव में लिखाथों।

गलातियनमन 1:6

मोंय ताजुब होई गेलों कि जे परमेश्‍वर तोहरेमन के मसीह केर किरपा से बोलालक, उके तोहरेमन एतना जल्दी छोइड़ के दोसर शिक्षा के मानेक लगला।

गलातियनमन 2:14

जब मोंय देखलों कि जे ब्यवहार उमन करत रहैं उ शुभ समाचार केर सच्चा शिक्षा केर बिरोध में रहे, तो मोंय आदमीमन केर सामने पतरस से कहलों, “तोंय एगो यहूदी होई के हों परजाइतमन केर रीति रिवाजमन के मानिसला आउर यहूदीमन केर रीति रिवाजमन के नी मानिसला, तो तोंय परजाइत आदमीमन के हमरे यहूदीमन केर रीति रिवाज के काले मनुवाएक चाहिसला?”

गलातियनमन 3:3

का तोहरेमन एइसन भटइक गेला कि पवितर आत्मा केर रीति से शुरु काइर के अब काया केर रीति से आखरी करबा?

गलातियनमन 4:9

अब तोहरेमन केर रिश्ता परमेश्‍वर से होलक, बल्कि परमेश्‍वर खुद हें तोहरेमन से रिश्ता बनालक, तो तोहरे उ बेकार शिक्षामन केर गुलाम फिन से दोबारा काले बनेक चाहाला जे पुरखा से आवाथे?

गलातियनमन 5:11

हे बिसवासी भाईमन, मोंय परचार करोना कि खतना करुवाएक जरुरी नखे, इकरे चलते मोंय यहूदीमन बटले सताल जाथों, अगर मोंय क्रूस उपरे मसीह केर माउत केर बारे में परचार करेक केर बदली खतना करुवाएक केर परचार करतो, तो यहूदीमन लगिन कोनों अपमान नी होतक।

इफिसियनमन 3:8

जबकि मोंय परमेश्‍वर केर आदमीमन में से सोउब से छोट अहों, फिन भी मोर उपरे परमेश्‍वर केर किरपा होलक कि मोंय परजाइत आदमीमन के मसीह केर शुभ समाचार सुनामूँ।

इफिसियनमन 4:14

ताकि आगे हमरे छउवामन नियर नी रहब, आउर ना उ डोंगा नियर, जे पानी केर लहरा से हिने-हुने उछलत रहेला आउर हवा से कखनों इ दिशा, तो कखनों उ दिशा घूमते रहेला। हमरे के धोखेबाज आदमीमन केर झूठा शिक्षामन से, जे सच्चा नियर लगेला बहकेक नखे।

इफिसियनमन 5:15

इ लगिन सावधानी से देखते रहा कि कइसन जिंदगी जियाथा, निरबुद्धियामन नियर निहीं मगर बुध्दिमानमन नियर चला।

2 थिस्सलुनीकियनमन 1:8

आउर जेमन परमेश्‍वर के नी चिन्हैना, आउर हमर प्रभु यीशु केर बारे में शुभ समाचार के नी मानैना उमन के दंड देवी।

1 तीमुथियुस 6:4

तो उ आदमी घमंडी होई गेलक, आउर कोनों नी समझेला। एइसन आदमी बेकार गोइठमन आउर शबदमन केर बारे में बक-झक आउर झगरा करेक केर इच्छा रखेला, जेकर से जलन, झगरा, आउर परमेश्‍वर केर निंदा, आउर उकर सच्चाई केर बारे में शंका होवेला,

इब्रानीमन 11:8

बिसवास से हें, जब अब्राहम के परमेश्‍वर एगो ठाँव में जाएक लगिन बोलालक, तो आगया माइन के एइसन ठाँव में जाएक ले निकइल गेलक, जेके परमेश्‍वर उके उकर नीज सम्पति केर रूप में देवेक वाला रहे। आउर उके कहाँ जाएक अहे, इकर पता हों नी रहे फिन भी उ जाएक लगिन निकइल गेलक।

इब्रानीमन 5:9

आउर सिद्ध बाइन के, अपन आगया मानेक वाला सोउब आदमीमन ले जुग-जुग लगिन छुटकारा देवेक वाला बाइन गेलक।

1 पतरस 1:22

काले कि सच्चाई केर पालन करेक केर चलते तोहरे के तोहर पापमन से शुद्ध करल जाय हे, अब तोहरे एक दोसर से अपन भाई नियर तन-मन आउर पूरा दिल से प्रेम करते रहा।

1 पतरस 4:17

काले कि फैसला करेक केर बेरा आय जाय हे कि पहिले परमेश्‍वर केर आदमीमन केर फैसला करल जाओक, आउर जबकि उ पहिले हमरे बिसवासीमन केर फैसला करी, से लगिन उ भयानक चीजमन केर बारे में सोचा, जे उ आदमीमन केर संगे होवी जेमन उ शुभ समाचार के नी मानैना, जे उकर बटले आवेला।

2 पतरस 2:18

जब उमन आदमीमन के गेयान देवैना, तो उमन बेकार आउर घमंड से भरल शबदमन केर इस्तेमाल करैना। उमन आदमीमन के बतायना कि उमन उ लज्जा केर काममन के करेक लगिन आजाद अहैं जेके उमन केर काया करेक चाहेला आउर उमन के फिर से पाप करेक लगिन भरमाय देवैना, जे एखन-एखन दुष्ट जिंदगी से बाइच के निकइल हैं।

प्रकाशितवाक्य 18:3

काले कि उकर ब्यभिचार केर कड़ुवा नशा से सोउब जाइत केर आदमीमन गिर गेलैं, आउर धरती केर राजामन उकर संगे ब्यभिचार काइर रहैं, आउर धरती केर बेपारीमन उकर भोग-बिलास केर भरपूरी केर खातिर धनवान होई रहैं।”

प्रकाशितवाक्य 2:20

मगर मोके तोर बिरोध में इ कहेक अहे कि तोंय उ जनाना इजेबेल के रहेक देविसला जे खुद के परमेश्‍वर केर संदेश बताएक वाला कहेला, आउर मोर सेवकमन के ब्यभिचार करेक आउर मूर्तिमन लगिन बलि चढ़ाल चीजमन के खाएक लगिन सिखाय के बहकायला।