गलातियनमन 2:3 - सादरी नवाँ नियम

^3-5 हूवाँ थोरेक आदमीमन एइसन अहैं, जेमन इ भरसा नी करैना कि सिरिफ यीशु हें उमन के छुटकारा देवी, मगर उमन छुटकारा पावेक लगिन यहूदी नियममन उपरे हों भरसा करैना। उमन हमरे केर जिंदगी में कोनों दोष खोजेक लगिन लूइक के आवेक नियर आय रहैं, काले कि मसीह हमरे के आजाद काइर हे, उमन हमरे के सोउब यहूदी नियममन के मनुवाय के सचमुच में गुलाम बनाएक चाहैना। मगर हमरे थोरेक देरी हों उमन केर गोइठ के नी मानली, ताकि तोहरेमन सच्चाई केर शुभ समाचार उपरे बिसवास में बनल रहबा। उमन कहैना हमर संगी बिसवासी भाई तीतुस जे यूनानी हेके, उकर खतना होवेक चाही, मगर आखरी में अगुवामन उके खतना करुवाएक लगिन दबाव नी देलैं।

गलातियनमन 2:3 Iomraidhean Croise

खास चेलामन केर काम 15:24

हमरे सुइन ही कि हमर हिंयाँ से थोरेक बिसवासी भाईमन हूवाँ जाय के तोहरे के अपन गोइठमन से घबराय देलैं, आउर तोहर मन के दुबिधा में काइर देई हैं, मगर हमरे उमन के इ आगया नी देई रही।

खास चेलामन केर काम 16:3

पौलुस तीमुथियुस के अपन संगे लेगेक चाहत रहे। से लगिन पौलुस उकर खतना करलक काले कि हूवाँ केर यहूदी आदमीमन इ जानत रहैं कि उकर आबा यूनान देस केर रहेक वाला हेके।

2 कुरिनथियनमन 2:13

तो मोंय अपन बिसवासी भाई तीतुस के नी पाय के मन में ढेइर बेचैन होई गेलों, से लगिन मोंय उमन से बिदा होई के मकिदुनिया परदेस चाइल गेलों।

गलातियनमन 2:1

चौदह बरिस केर पाछे मोंय बरनाबास केर संगे फिन यरुशलेम शहर गेलों, आउर तीतुस के हों संगे लेई गेलों।

2 तीमुथियुस 4:10

काले कि देमास इ दुनिया केर चीजमन से प्रेम काइर के मोके छोइड़ देलक, आउर थिस्सलुनीके शहर चाइल गेलक, आउर भाई क्रेसकेंस गलातिया परदेस आउर तीतुस दलमतिया परदेस चाइल गेलक।

तीतुस 1:4

मोंय इ चिट्ठी, हे तीतुस तोके लिखाथों, तोंय मोर अपन बेटा नियर अहिस काले कि तोंय हों यीशु मसीह में बिसवास करिसला। मोंय प्रार्थना करोना कि आबा परमेश्‍वर आउर छुटकारा देवाइया यीशु मसीह बटले तोके किरपा आउर शांति मिलते रहोक।