गलातियनमन 2:2 - सादरी नवाँ नियम

² मोंय हूवाँ इ लगिन गेलों काले कि परमेश्‍वर मोके जाएक कइह रहे। जब मोंय हूवाँ गेलों, तो हूवाँ केर बढ़ियाँ समझल जाएक वाला अगुवामन से अलगे मिललों आउर उ शुभ समाचार केर बारे में बतालों, जेके मोंय परजाइत आदमीमन केर माझे परचार काइर रहों। ताकि जे मोंय बितल समय में काइर हों, चाहे जे मोंय आवेक वाला समय में करमूँ उ बेकार ना होवोक।

गलातियनमन 2:2 Iomraidhean Croise

मत्ती 10:16

देखा, मोंय तोहरेमन के भेड़ीमन नियर उमन केर माझे भेजाथों, जेमन हड़हामन नियर खतरनाक अहैं। से लगिन तोहरेमन साँपमन नियर चतूर आउर पेरवाँमन नियर सीधा बना।

खास चेलामन केर काम 15:12

तब जमा होवल सोउब आदमीमन बरनाबास आउर पौलुस केर गोइठ के चुपचाप सुनेक लगलैं कि परमेश्‍वर उमन से परजाइत आदमीमन में कइसन बड़का-बड़का चिन्हा आउर चमत्कार केर काम देखालक।

खास चेलामन केर काम 15:2

इकर बारे में पौलुस आउर बरनाबास केर उमन से ढेइर झगरा आउर बक झक होलक, तो इ फैसला होलक कि पौलुस आउर बरनाबास अन्ताकिया शहर केर थोरेक आदमीमन केर संगे यरुशलेम शहर जाबैं आउर इ सवाल उपरे खास चेलामन आउर कलीसिया केर अगुवामन से सलहा करबैं।

खास चेलामन केर काम 15:4

जब उमन यरुशलेम शहर में पोहोंचलैं तो हूवाँ केर बिसवासीमन आउर खास चेलामन आउर कलीसिया केर अगुवामन उमन से खुशी से मिललैं। शाऊल आउर बरनाबास उमन के बतालैं कि परमेश्‍वर उमन केर संगे होई के कइसन-कइसन काम काइर हे।

खास चेलामन केर काम 18:9

प्रभु एक राइत के दर्शन देई के पौलुस से कहलक, “ना डराव, मगर बचन केर परचार करते जा, आउर चुप ना रहबे,

खास चेलामन केर काम 23:11

ओहे राइत के प्रभु यीशु पौलुस ठिना ठड़ाय के उकर से कहलक, “हे पौलुस ढाढ़स बाँध, जइसन तोंय यरुशलेम शहर में मोर बारे में गवाही देले, तइसनेहें तोके रोम देस में हों गवाही देवेक होवी।”

खास चेलामन केर काम 5:34

मगर गमलीएल नाँव केर एगो फरीसी दल केर आदमी जे मूसा केर नियम के सिखाएक वाला रहे, उकर सोउब आदमीमन आदर करत रहैं, महासभा में ठड़ाय के खास चेलामन के थोरेक देरी लगिन बाहरे लेई जाएक केर आगया देलक।

रोमानियनमन 9:16

परमेश्‍वर उके चुनेला जेकर में उ अपन दया देखाएक चाहेला, उकर चुनेक इकर में टिकल नखे कि आदमीमन का चाहैना या का करेक खोजैना।

1 कुरिनथियनमन 1:23

मगर हमरे तो परचार करिला कि यीशु मसीह हमरे के पापमन से छोड़ाएक लगिन क्रूस उपरे अपन जान देलक, जे यहूदीमन केर भीरे ठोकर केर कारण, आउर परजाइत आदमीमन केर भीरे मूरख आदमी केर गोइठ हेके।

1 कुरिनथियनमन 2:2

काले कि मोंय इ ठाइन लेई रहों कि तोहर माझे सिरिफ यीशु मसीह केर बारे में आउर क्रूस उपरे उकर माउत केर बारे में हें गोठियामूँ।

1 कुरिनथियनमन 9:24

का तोहरे नी जानाला कि दौड़ में तो सोभे शामिल होवैना, मगर इनाम एके झन के मिलेला, तोहरेमन एइसन दौड़ा कि इनाम जितबा।

1 कुरिनथियनमन 9:26

इकरे चलते मोंय निशाना के देइख के कुदोना, जइसन कि एगो पहलवान अपन मुटका के हवा में नी चलायला मगर अपन बिरोधी केर काया में चलायला, सेहे लेखे मोंय अपन मसीही जिंदगी के एगो खास मकसद से जियोना।

2 कुरिनथियनमन 12:1

घमंड करेक तो मोर लगिन ठीक नखे फिन भी करेक पड़ेला, इ लगिन मोंय प्रभु केर देवल दर्शनमन केर आउर भेदमन केर चरचा करमूँ।

गलातियनमन 1:12

काले कि इके मोंय हमर पुरखामन से नी सीख हों, आउर ना ही केऊ धरम केर अगुवामन मोके सिखाय हैं। मगर यीशु मसीह मोके इ शुभ समाचार के देखाय हे।

गलातियनमन 1:6

मोंय ताजुब होई गेलों कि जे परमेश्‍वर तोहरेमन के मसीह केर किरपा से बोलालक, उके तोहरेमन एतना जल्दी छोइड़ के दोसर शिक्षा के मानेक लगला।

गलातियनमन 2:6

फिन यरुशलेम शहर केर कलीसिया केर अगुवामन मोर शिक्षा में आउर कोनों नी जोड़लैं। उ अगुवामन कइसन अहैं इकर से मोके कोनों फरक नखे, काले कि परमेश्‍वर केकरो फैसला उकर बाहरी चीज के देइख के नी करेला।

गलातियनमन 2:9

आउर जेमन कलीसिया केर खूँटा समझल जायना, मतलब याकूब, पतरस (कैफा) आउर यूहन्ना, उमन परमेश्‍वर केर किरपा केर उ बरदान के जे मोके मिल हे जाइन गेलैं। उमन मोके आउर बरनाबास के अपन संगे काम करेक वाला समइझ के खुशी से अपन भतखाइया हाँथ के हिलालैं। उमन इकर लगिन सहमत होलैं कि हमरे परजाइत आदमीमन ठिना जाब आउर उमन यहूदीमन ठिना।

गलातियनमन 5:7

तोहरेमन मसीह केर संगे अपन रिश्ता में बढ़ियाँ से उन्नति करत रहा, अब केहर तोहरेमन के रोइक देलक कि मसीह केर बारे में सच्चाई के नी मानाला।

फिलिप्पियनमन 2:16

ताकि मोंय मसीह केर फिन से घूइर आवेक केर दिन इ गोइठ लगिन घमंड करमूँ कि मोर दौड़-धूप आउर मोर मेहनइत बेकार नी होलक।

फिलिप्पियनमन 2:29

इ लगिन प्रभु में तोहरेमन उके ढेइर खुशी केर संगे स्वागत करबा, आउर उके आउर उकर जइसन आदमीमन केर आदर करते रहबा।

1थिस्सलुनीकियनमन 3:5

इ लगिन जब मोर से तोहरेमन केर बिसवास केर हाल जानल बिना रहल नी गेलक, तो मोंय तोहरे केर बिसवास केर हाल जानेक लगिन तीमुथियुस के भेजलों, काले कि मोंय डरात रहों कहीं एइसन ना होवोक कि परीक्षा करेक वाला शैतान तोहरे के फँसाय तो नी लेई हे, आउर हमर मेहनइत बेकार तो नी होई गेलक।

2 तीमुथियुस 4:7

मोंय यीशु मसीह केर सेवा करेक में कड़ा मेहनइत काइर हों, जेके करेक लगिन यीशु मसीह मोके देई रहे, मोंय आखरी समय तक बिसवास में बनल अहों।

इब्रानीमन 12:1

से लगिन जबकि ढेइर आदमीमन केर जिंदगी से बिसवास केर गवाही मिल हे, जे एगो बड़का भीड़ नियर हमर चाइरो आरा अहे, तो आवा हमरे हरेक रोकेक वाला चीज, आउर फँसाएक वाला पाप के दूर काइर के, उ डहर में धीरज से चलब जेकर में हमरे के चलेक अहे।