गलातियनमन 1:7 - सादरी नवाँ नियम

⁷ सिरिफ एके गो शिक्षा अहे, मगर गोइठ एइसन अहे कि थोरेक आदमीमन तोहरे केर मन के भटकाएक आउर मसीह केर शिक्षा के बिगड़ाएक खोजैना।

गलातियनमन 1:7 Iomraidhean Croise

मत्ती 24:24

काले कि झूठा मसीह आउर झूठा परमेश्‍वर केर संदेश बताएक वालामन उइठ खड़ा होबैं उमन बड़का-बड़का चिन्हा आउर चमत्कार केर काममन के देखाबैं आउर होई सके तो उमन चुनलमन के हों बहकाय देबैं।

खास चेलामन केर काम 13:10

“हे सोउब कपटी आउर सोउब चतुराई से भरल शैतान केर संतान! तोंय हरेक भला गोइठमन केर दुश्मन हेकिस, का तोंय प्रभु केर सोझ डहरमन के टेढ़ा करेक नी छोड़बे?

खास चेलामन केर काम 15:24

हमरे सुइन ही कि हमर हिंयाँ से थोरेक बिसवासी भाईमन हूवाँ जाय के तोहरे के अपन गोइठमन से घबराय देलैं, आउर तोहर मन के दुबिधा में काइर देई हैं, मगर हमरे उमन के इ आगया नी देई रही।

खास चेलामन केर काम 20:30

हिंयाँ तक कि तोहर अपन बिसवासी दल से हें एइसन आदमीमन निकलबैं, जेमन चेलामन के अपन बटे मिलाएक लगिन उल्टा-पुल्टा शिक्षा देबैं।

2 कुरिनथियनमन 11:13

काले कि एइसन आदमीमन यीशु केर चुनल खास चेला ना लगैं, उमन छल से काम करेक वालामन आउर मसीह केर चुनल खास चेलामन केर रूप धारेक वालामन हेकैं।

2 कुरिनथियनमन 2:17

काले कि हमरे उ ढेइरमन केर जइसन नखी, जेमन परमेश्‍वर केर बचन के रुपया लगिन परचार करैना, मगर हमरे हमेशा परमेश्‍वर केर भीरे मसीह केर द्वारा ईमानदारी से गोठियाइला।

2 कुरिनथियनमन 4:2

मगर हमरे लाज केर लुकल काममन के नी करिला, आउर हमरे चलाँकी से नी चलिला, ना हें परमेश्‍वर केर बचन में मिलावट करिला, मगर हमरे परमेश्‍वर केर भीरे सिरिफ सच्चाई के सिखाइला, आउर हरेक आदमी पक्का जाइन गेलक कि हमरे भरसा करेक केर लायक अही।

गलातियनमन 1:6

मोंय ताजुब होई गेलों कि जे परमेश्‍वर तोहरेमन के मसीह केर किरपा से बोलालक, उके तोहरेमन एतना जल्दी छोइड़ के दोसर शिक्षा के मानेक लगला।

गलातियनमन 4:17

उमन तोहरेमन के अपन बटे मिलाएक तो चाहैना, मगर भटकाएक लगिन, उमन केर इच्छा तो इ अहे कि तोहरेमन मोर से जुदा होई जावा, आउर उमन केर चेला बाइन जावा।

गलातियनमन 5:10

मोंय परमेश्‍वर उपरे बिसवास करोना कि तोहरेमन दोसर आदमीमन केर गोइठमन के स्वीकार नी करबा। मगर जे तोहरे के भटकायला, उ चाहे केऊ काले नी होवी परमेश्‍वर बटले दंड पावी।

गलातियनमन 5:12

भला होतक कि जेमन तोहरे के भटकायना, उमन खुद के हिजड़ा बनाय लेतैं।

गलातियनमन 6:17

केऊ मोके आउर दुःख ना देवोक, काले कि मोर काया में जे दाग अहे, उ इ साबित करेला कि मोंय यीशु केर सेवक हेकों।

2 तीमुथियुस 2:18

उमन सच्चाई केर उपरे बिसवास करेक छोइड़ देलैं। उमन कहैना, परमेश्‍वर पहिलेहें से मोरल बिसवासीमन के जुग-जुग केर जिंदगी देवेक लगिन उठाय लेई हे। इकर नतीजा इ होलक कि उमन थोरेक बिसवासीमन के मसीह केर शिक्षा उपरे बिसवास करेक से रोइक देलैं।

1 यूहन्ना 2:26

मोंय तोहरेमन के इ गोइठमन के उमन केर बारे में लीख हों, जेमन झूठा शिक्षा देई के तोहरेमन के भटकाएक केर कोशिश करैना।

1 यूहन्ना 4:1

हे दुलार भाईमन, हरेक आदमी उपरे बिसवास ना करा जेमन पवितर आत्मा बटले बोलेक केर दावा करैना। मगर उमन के परखा कि उमन परमेश्‍वर बटले हेकैं कि निहीं, काले कि ढेइर बगरा झूठा परमेश्‍वर केर संदेश के बताएक वाला आदमीमन इ दुनिया में फाइल जाय हैं।

2 यूहन्ना 1:10

अगर केऊ तोहरेमन ठिना आवी आउर एहे शिक्षा नी देई तो उके ना तो घर में आवेक देबा आउर ना उके जोहार करा।

2 यूहन्ना 1:7

मोंय इके इ लगिन कहाथों काले कि ढेइर झूठा शिक्षा देवेक वालामन दुनिया में आय हैं, जे इ नी मानैना कि यीशु मसीह आदमी बाइन के आय हे। एइसन कहेक वालामन हें बहकाएक वाला आउर मसीह केर बिरोधी हेकैं।

यहूदा 1:4

काले कि थोरेक आदमीमन जे यीशु मसीह में बिसवास करेक केर देखावा करैना उमन तोहर माझे आय मिल हैं, उमन परमेश्‍वर के नी मानैना आउर गलत शिक्षा देवैना कि परमेश्‍वर अपन किरपा से हमरे केर पापमन के क्षमा काइर देवेला, एहे लगिन हमरे गलत काम में जिंदगी जियेक पारिला। उमन यीशु मसीह के इनकार करैना जे हमर एके गो मालिक आउर प्रभु हेके। ढेइर समय पहिले पवितर किताब में लिखल जाय रहे कि परमेश्‍वर एइसन आदमीमन के सजा देवी।

प्रकाशितवाक्य 12:9

तब उ बड़का अजगर मतलब ओहे पुरना साँप, जे इबलीस आउर शैतान कहायला, आउर गोटा दुनिया केर आदमीमन के भरमाएक वाला हेके, उकर दूतमन केर संगे उके धरती में गिराय देवल गेलक।

प्रकाशितवाक्य 13:14

आउर उ चिन्हामन केर खातिर जेके उ जानवर केर सामने देखाएक केर अधिकार उके देवल जाय रहे, उ धरती केर रहेक वाला आदमीमन के बहकात रहे आउर उमन से इ कहत रहे कि जे जानवर के तलवाइर लाइग रहे, उ जी जाय हे, उकर मूर्ति बनावा।

प्रकाशितवाक्य 19:20

आउर उ जानवर आउर उकर संगे झूठा संदेश देवेक वाला धराय गेलक। इ झूठा संदेश देवेक वाला ओहे हेके, जे उ जानवर केर बटले चमत्कार केर चिन्हा देखात रहे आउर उ सोउब आदमीमन के बहकाय देई रहे, जेमन केर उपरे उ जानवर केर छाप रहे, आउर जेमन उकर मूर्ति केर पूजा करत रहैं। इ दुयो के जीते-जी आइग केर झील में जे गंधक से बरेला, साइज देलैं।

प्रकाशितवाक्य 2:2

मोंय तोर काम, मेहनइत आउर तोर धीरज के जानोना। मोंय एहो जानोना कि तोंय बुरा आदमीमन के देखेक नी पारिसला। जे खुद के खास चेला कहैना मगर उमन ना लगैं, उमन के तोंय परइख के झूठा पाले।

प्रकाशितवाक्य 2:20

मगर मोके तोर बिरोध में इ कहेक अहे कि तोंय उ जनाना इजेबेल के रहेक देविसला जे खुद के परमेश्‍वर केर संदेश बताएक वाला कहेला, आउर मोर सेवकमन के ब्यभिचार करेक आउर मूर्तिमन लगिन बलि चढ़ाल चीजमन के खाएक लगिन सिखाय के बहकायला।

प्रकाशितवाक्य 2:6

मगर हाँ, तोर में इ गोइठ तो अहे कि तोंय निकोलास केर चेलामन केर काममन से घिरना करिसला, जेमन से मोंय हों घिरना करोना।

प्रकाशितवाक्य 20:3

आउर उके बेथाह गढ़हा में साइज के बंद काइर देलक आउर उकर उपरे मोहर लगाय देलक, ताकि उ हजार बरिस केर पूरा होवेक तक जाइत-जाइत केर आदमीमन के फिन ना बहकाओक। हजार बरिस पूरा होवेक केर पाछे उके थोरेक देरी लगिन फिन खोलल जाएक हों जरुरी अहे।