गलातियनमन 1:4 - सादरी नवाँ नियम

⁴ हमर आबा परमेश्‍वर केर इच्छा केर मोताबिक मसीह यीशु खुद के हमरे केर पापमन केर क्षमा लगिन बलिदान काइर देलक। ताकि हमरे इ दुनिया केर आदमीमन केर बुरा असर से बचल रहब।

गलातियनमन 1:4 Iomraidhean Croise

मत्ती 13:22

एहे लेखे काँटा झूँड़ से भरल भूंई उ आदमी नियर अहे जेकर उपरे बिहीन गिरलक, उ बचन के सुनेला मगर दुनिया केर चिंता-फिकिर, आउर धन केर मोह-माया उकर मन में भाइर जायला आउर बचन के दबाय देवेला आउर बेगर फार केर जिंदगी जियेला।

मत्ती 20:28

काले कि मोंय आदमी केर बेटा इकर लगिन नी आय हों कि मोर एगो महान राजा लेखे सेवा-सुसइर कराल जाई। मगर इकर लगिन आय हों कि मोंय खुद दोसर मनक सेवा-सुसइर करमूँ आउर ढेइर मनक पापमन से छुटकारा लगिन अपन जान देई देमूँ।”

मत्ती 26:28

काले कि इ अंगूर केर रस मोर करार केर उ लोहू हेके, जे ढेइर आदमी मनक पापमन केर क्षमा लगिन बहाल जायला।

मत्ती 26:42

फिन उ दूसरी बेर जाय के इ प्रार्थना करलक, “हे मोर आबा, अगर इ दुःख के उठाएक मोर लगिन जरुरी अहे, तो तोर हें इच्छा पूरा होवोक।”

मत्ती 6:9

से लगिन तोहरेमन इ लेखे प्रार्थना करबा: हे परमेश्‍वर हमरे केर आबा, तोंय जे स्वरग में अहिस। तोर नाँव पवितर मानल जाओक।

मरकुस 10:45

काले कि मोंय आदमी केर बेटा इकर लगिन नी आय हों कि मोर एगो महान राजा लेखे सेवा-सुसइर करल जाई। मगर इकर लगिन आय हों कि मोंय खुद दोसर मनक सेवा-सुसइर करमूँ आउर ढेइर आदमीमन केर पापमन से छुटकारा लगिन अपन जान देई देमूँ।”

लूका 22:19

यीशु फिन रोटी लेलक आउर परमेश्‍वर के धन्यबाद देई के टुकरालक, आउर अपन चेलामन के इ कहते देलक, “इ रोटी मोर काया हेके, जे तोहरे लगिन देवल जात हे। मोर याइद में एहे करते रहबा।”

लूका 22:42

“हे आबा परमेश्‍वर, अगर तोंय चाहबे तो मोर उपरे आवेक वाला इ दुःख से मोके बचाय ले, फिन भी जइसन मोंय चाहोना तइसन ना कर, मगर जे तोंय चाहिसला ओहे कर।”

यूहन्ना 10:11

बेस चरवाहा मोंय हेकों, बेस चरवाहा अपन भेड़ीमन लगिन अपन जीउ के बलिदान काइर देवेला।

यूहन्ना 12:31

अब दुनिया केर आदमीमन केर न्याय करेक लगिन परमेश्‍वर केर समय आय जाहे, दुनिया में राइज करेक वाला शैतान केर शक्ति के नाश काइर के उके निकलाय देवल जाई।

यूहन्ना 5:30

मोंय खुद से कोनों करेक नी पारोना, आबा परमेश्‍वर जइसन मोर से कहेला, तइसनेहें मोंय आदमी मनक न्याय करोना, आउर मोर न्याय सच्चा हेके, काले कि मोंय अपन इच्छा के पूरा करेक निहीं, मगर अपन भेजेक वाला केर इच्छा के पूरा करेक चाहोना।

यूहन्ना 6:38

काले कि मोंय अपन इच्छा के पूरा करेक लगिन निहीं, मगर मोके भेजेक वाला परमेश्‍वर केर इच्छा के पूरा करेक लगिन स्वरग से उतइर हों।

रोमानियनमन 1:7

तोहरे सोउबमन केर नाँव में मोंय चिट्ठी लिखाथों जेमन रोम देस में रहाला आउर परमेश्‍वर तोहरे के प्रेम करेला, आउर तोहरे के अपन पवितर आदमी बनेक लगिन बोलाय हे। हमर आबा परमेश्‍वर आउर प्रभु यीशु मसीह बटले तोहरे के किरपा आउर शांति मिलते रहोक।

रोमानियनमन 12:2

आउर इ दुनिया केर आदमीमन नियर ना बना, मगर तोहरे केर मन केर पूरा बदइल जाएक से तोहर चाइल-चलन हों बदलते जाओक, ताकि तोहरेमन परमेश्‍वर केर भला, आउर भावती, आउर सिद्ध इच्छा के अनुभव से जानते रहा।

रोमानियनमन 4:25

यीशु हमरे केर पापमन केर चलते मोरेक लगिन धरुवाल हों गेलक, आउर परमेश्‍वर उके हमरे के धरमी ठहराएक लगिन जियाय हों देलक।

रोमानियनमन 8:27

आउर परमेश्‍वर जानेला कि पवितर आत्मा का कहाथे, काले कि उ पवितर आदमीमन लगिन परमेश्‍वर केर इच्छा केर मोताबिक प्रार्थना करेला।

रोमानियनमन 8:3

काले कि जे काम के मूसा केर नियम हमरे केर पापी स्वभाव केर चलते कमजोर होई के नी करेक पारलक, उके परमेश्‍वर करलक मतलब अपनेहें बेटा के हमरे नियर पापी बनाय के, आउर हमरे केर पापमन लगिन बलिदान होवेक ले भेइज के पापी काया केर बराबइर में, आउर पाप केर बलिदान होवेक लगिन भेइज के, परमेश्‍वर मसीह केर काया में पाप केर दंड देलक।

रोमानियनमन 8:32

परमेश्‍वर अपन नीज बेटा के हों नी बचालक, मगर उके हमरे सोउब केर खातिर दुश्मनमन के जिम्मा देई देलक, तो परमेश्‍वर उ सोउब कुछ के हों हमरे के देवी, जेके देवेक केर करार काइर हे।

1 कुरिनथियनमन 15:3

एहे लगिन मोंय तोहरे के सोउब से खास संदेश के सुनालों, जेके मोंय प्रभु यीशु मसीह से पाय रहों, उ संदेश इ हेके, पवितर किताब केर बचन केर मोताबिक यीशु मसीह हमरे केर पापमन केर खातिर मोइर गेलक,

2 कुरिनथियनमन 4:4

आउर उ अबिसवासीमन नी बुझैना, जे मनक बुद्धि के इ दुनिया केर ईश्‍वर शैतान अंधरा काइर देई हे, ताकि उमन मसीह केर महिमा केर बारे में आवेक वाला शुभ समाचार केर इंजोत के देखेक नी पारबैं, जे परमेश्‍वर कइसन अहे इके देखायला।

गलातियनमन 2:20

इ एइसन अहे जइसन मोंय मसीह केर संगे क्रूस उपरे मोइर गेलों, आउर अब मोंय जिंदा नी रहलों, बल्कि मसीह मोर में जिंदा अहे। आउर मोंय काया में अब जे जिंदा अहों, तो सिरिफ उ बिसवास से जिंदा अहों, जे परमेश्‍वर केर बेटा उपरे अहे, जे मोर से प्रेम करलक, आउर मोर लगिन खुद के देई देलक।

गलातियनमन 6:14

मगर मोंय क्रूस उपरे चढ़ाल हमर प्रभु यीशु मसीह के छोइड़ आउर कोनों गोइठ में घमंड करेक नी चाहोना। काले कि उकर माउत केर चलते, जे कोनों चीज इ दुनिया केर आदमीमन लगिन किमती अहे, मोर लगिन उकर कोनों कीमत नखे। आउर दुनिया केर आदमीमन केर बिचार से मोर हों कोनों कीमत नखे।

इफिसियनमन 1:11

ओहे यीशु केर चलते जेकर से हमरे जुड़ल अही, बपौती अधिकार पावेक नियर हमरे परमेश्‍वर से अधिकार के पाली, जेकर लगिन उ अपन योजना केर मोताबिक पहिलेहें से हमरे के चुइन रहे।

इफिसियनमन 2:2

उ बेरा तोहरेमन इ दुनिया केर आदमी मनक रीति-रिवाज केर मोताबिक चलत रहा, जेमन परमेश्‍वर के नी जानैना। आउर तोहरेमन शैतान केर आगया के मानत रहा जे भूतमन केर उपरे आकाश में राइज करेला। जे एखनोहों उ आदमीमन के अपन कब्जा में करेक केर कोशिश कराथे, जेमन परमेश्‍वर केर आगया के नी मानैना।

इफिसियनमन 5:16

हरेक मोका केर इस्तेमाल जे तोहर ठिना अहे, भला काम करेक में करा, काले कि इ मोका बुरा दिनमन में तोहरे के मिल हे।

इफिसियनमन 5:2

मसीह केर पिछा करते दोसरमन लगिन प्रेम से भरल जिंदगी जिया, जे तोहर से प्रेम करलक आउर तोहर पापमन के उठाएक लगिन खुद के बलिदान काइर देलक। उकर से परमेश्‍वर खुश रहे, काले कि उ बलिदान उकर लगिन महकेक वाला सेंट नियर रहे।

इफिसियनमन 6:12

काले कि हमरे लोहू आउर माँस से बनल आदमीमन से नी लड़ाथी, मगर मुखियामन से आउर अधिकारीमन से, आउर अनदिस्तार शक्तिमन से जेमन उ आदमीमन उपरे राइज करैना, जेमन एखनो तक इ दुनिया केर अंधार में अहैं, आउर उ दुष्ट आत्मामन से जेमन फौजमन नियर आकाश में अहैं।

फिलिप्पियनमन 4:20

हमर आबा परमेश्‍वर केर महिमा जुग-जुग होते रहोक। आमीन।

1थिस्सलुनीकियनमन 1:3

आउर जब हमरे अपन परमेश्‍वर से प्रार्थना करिला, तो तोहरे केर उ काम के जेके बिसवास से कराला, आउर दोसरमन केर परती प्रेम देखाएक लगिन कठिन मेहनइत कराला, आउर यीशु मसीह केर घूइर आवेक केर आसरा से दुःख में तोहरेमन केर धीरज के लगातार याइद करिला।

1थिस्सलुनीकियनमन 3:11

हमरे प्रार्थना करिला कि हमर आबा परमेश्‍वर आउर हमर प्रभु यीशु मसीह तोहर ठिना आवेक लगिन हमरे केर अगुवाई करोक।

1थिस्सलुनीकियनमन 3:13

ताकि परमेश्‍वर तोहर मन के एइसन मजबूत करोक कि जब हमर प्रभु यीशु अपन पवितर आदमीमन केर संगे घूइर आवी, तो उमन हमर परमेश्‍वर आउर आबा केर सामने पवितर आउर निरदोष ठहरोक।

2 थिस्सलुनीकियनमन 2:16

हमरे हमर प्रभु यीशु मसीह से आउर हमर आबा परमेश्‍वर से प्रार्थना करिला, जे हमरे से प्रेम करेला, आउर अपन किरपा से जुग-जुग केर शांति आउर सोउब से बेस आसरा देई हे।

1 तीमुथियुस 2:6

जे सोउब आदमीमन के छुटकारा देवेक केर दाम केर रूप में खुद के बलिदान काइर देलक। उकर बलिदान केर द्वारा परमेश्‍वर ठीक समय में गवाही देलक, ताकि जेमन बचेक चाहैना उ सोउबमन बाइच जाओक।

तीतुस 2:14

जे खुद के हमर लगिन बलिदान काइर देलक, आउर हमरे के सोउब रकम केर अधरम से छुटकारा देलक आउर शुद्ध काइर के हमरे के अपन लगिन खास आदमी बनाय लेलक, जे भला काम करेक लगिन पूरा पुरी तेयार रहोक।

इब्रानीमन 2:5

परमेश्‍वर उ आवेक वाला दुनिया के जेकर बारे में हमरे गोठियाथी, स्वरगदूतमन केर अधीन नी करलक मगर यीशु केर अधीन काइर देलक।

इब्रानीमन 6:5

आउर उमन परमेश्‍वर केर बेस संदेश के महसूस काइर चुइक हैं, उमन एहो महसूस काइर चुइक हैं कि परमेश्‍वर एक दिन शक्ति केर साथ राइज करी,

इब्रानीमन 9:14

तो सोचा, मसीह केर लोहू आउर केतना बगरा हमरे के उ काममन से शुद्ध करी, जेकर सजा माउत हेके, ताकि हमरे जिंदा परमेश्‍वर केर आराधना करेक पारब। काले कि मसीह खुद के परमेश्‍वर लगिन जुग-जुग केर आत्मा केर शक्ति से सिद्ध बलिदान केर रूप में हमरे केर पापमन केर खातिर चढ़ाय देलक।

याकूब 4:4

हे धोखा देवाइयामन, का तोहरेमन इ नी जानाला कि दुनिया से दोस्ती करेक परमेश्‍वर से बैर करेक हेके? एहे लेखे जे केऊ दुनिया से दोस्ती करेक चाहेला, उ खुद के परमेश्‍वर केर बैरी बनायला।

1 पतरस 2:24

जब मसीह क्रूस उपरे मोरलक, तो उ अपन काया में हमर पाप केर बदली में दंड के सहलक, उ एइसन इ लगिन करलक ताकि अब हमरे आगे पाप करेक छोइड़ के धरमी जिंदगी जियब, आउर उ अपन काया में माउर खाय के घवाहा होई गेलक जेकर से हमरे चंगा होई गेली।

1 पतरस 3:18

मोंय इ कहोना काले कि मसीह हों हमरे केर पापमन केर खातिर दुःख सहलक आउर मोइर गेलक। उ बस एक बेर मोरलक उके दोबारा फिन से मोरेक केर जरुरत नखे, उ एगो धरमी आदमी रहे जे पापी आदमीमन लगिन मोरलक कि उ हमरे के आबा परमेश्‍वर में लेगेग पारोक, उमन उकर काया के तो माइर मोरालैं मगर परमेश्‍वर उके पवितर आत्मा केर शक्ति से फिन से जिंदा काइर देलक।

1 यूहन्ना 2:2

ओहे हमर पापमन केर मुक्ति लगिन खुद के बलिदान काइर देलक आउर सिरिफ हमरे केर पाप लगिन निहीं, मगर गोटा दुनिया केर आदमीमन केर पाप लगिन बलिदान काइर देलक।

1 यूहन्ना 3:16

हमरेमन प्रेम के इकरे से जानली कि यीशु हमर लगिन अपन प्राण के देई देलक। एहे लगिन हमरेमन के हों अपन बिसवासी भाई-बहिनमन लगिन अपन प्राण के देवेक चाही।

प्रकाशितवाक्य 1:5

आउर यीशु मसीह केर बटले, जे बिसवास लायक गवाह आउर मोरलमन में से फिन से जी उठेक वालामन में पहिलौठा, आउर धरती केर राजामन केर हों राजा हेके, तोहरे के किरपा आउर शांति मिलते रहोक। उ हमरे से प्रेम करेला, आउर उ अपन लोहू से हमरे के पापमन से छोड़ाय हे।

प्रकाशितवाक्य 5:9

आउर उमन इ नवाँ गीत गावेक लगलैं: “तोंय इ किताब के लेवेक आउर इकर मोहर के खोलेक केर लायक अहिस, काले कि तोंय बलि होई के अपन लोहू से हरेक गोतर, भाषा, आदमीमन, आउर जाइत में से परमेश्‍वर केर लगिन आदमीमन के कीन लेई हिस।

प्रकाशितवाक्य 7:9

इकर पाछे मोंय देखलों कि मोर सामने एगो बड़का भीड़ ठड़ाल अहे, जेमन केर हिसाब केऊ करेक नी पारत रहैं। इ भीड़ में हरेक जाइत, हरेक गोतर, हरेक आदमीमन, आउर हरेक भाषा केर आदमीमन अहैं। उमन उ सिंहासन आउर उ मेमना केर सामने ठड़ाल अहैं। उमन चरका लुगा पिंधल अहैं आउर उमन अपन हाँथमन में खिजूर केर डाइर लेवल अहैं।