गलातियनमन 1:1 - सादरी नवाँ नियम

¹ मोंय पौलुस जे यीशु केर चुनल खास चेला हेकों आउर इ चिट्ठी के लिखाथों। मोंय केऊ आदमी चाहे आदमीमन केर दल से चुनल नी जाय हों, मगर मोंय हमर प्रभु यीशु मसीह आउर आबा परमेश्‍वर बटले चुनल जाय हों, जे यीशु के मुरदा में से जियालक।

गलातियनमन 1:1 Iomraidhean Croise

यूहन्ना 10:30

मोंय आउर आबा परमेश्‍वर एके हेकी।”

यूहन्ना 20:21

यीशु उमन से फिन कहलक, “तोहरेमन के शांति मिलोक! जे लेखे आबा परमेश्‍वर मोके दुनिया में आदमीमन केर माझे भेइज हे, सेहे लेखे मोंय हों तोहरेमन के दुनिया केर आदमीमन केर माझे भेजाथों।”

यूहन्ना 5:19

यीशु यहूदी धरम केर अगुवामन से कहलक, “मोंय तोहरेमन से सच-सच कहाथों, बेटा, मतलब मोंय अपन से कोनों करेक नी पारोना, सिरिफ ओहे करेक पारोना जे काममन के मोंय आबा परमेश्‍वर के करते देखोना, काले कि जइसन मोर आबा परमेश्‍वर करेला ठीक तइसनेहें मोंय हों करोना।

खास चेलामन केर काम 22:10

तब मोंय पूछलों, ‘हे प्रभु! मोंय का करमूँ?’ प्रभु मोके जबाब देलक, ‘उठ आउर दमिश्क नगर में जा, आउर जे भी काम तोर करेक लगिन ठहराल जाय हे, उ सोउब तोके हूवाँ बताय देवल जाई।’

खास चेलामन केर काम 3:15

आउर तोहरे उके जे आदमीमन के जुग-जुग केर जिंदगी देवेला माइर मोराला, जेके परमेश्‍वर मुरदा में से फिन जियालक, आउर इ गोइठ केर हमरे गवाह हेकी।

खास चेलामन केर काम 9:6

मगर अब उठ आउर नगर में जा। हूवाँ तोके बताय देवल जाई कि तोके का करेक अहे।”

रोमानियनमन 1:1

पौलुस बटले जे यीशु मसीह केर दास हेके, आउर यीशु मसीह केर खास चेला बनेक लगिन परमेश्‍वर बटले चुनल जाय हे, आउर परमेश्‍वर केर उ शुभ समाचार के सुनाएक लगिन अलग करल जाय हे।

रोमानियनमन 10:9

अगर तोंय अपन मुँह से यीशु के प्रभु जाइन के आदमीमन केर भीरे कबूल करबे आउर अपन मन में बिसवास करबे कि परमेश्‍वर उके मोरलमन में से जियालक, तो तोके परमेश्‍वर पक्का छुटकारा देवी।

रोमानियनमन 14:9

मसीह एहे लगिन मोरलक आउर जी हों उठलक, ताकि उ मोरलमन आउर जिंदामन दुइयो केर प्रभु कहाओक।

1 कुरिनथियनमन 1:1

इ चिट्ठी के मोंय पौलुस लिखाथों, मोंय परमेश्‍वर केर इच्छा से यीशु मसीह केर चुनल खास चेला बनेक लगिन बोलाल जाय हों, मोंय हिंयाँ हमर संगी बिसवासी भाई सोस्थिनेस केर संगे अहों जे मोर मदइत कराथे।

2 कुरिनथियनमन 1:1

इ चिट्ठी मोंय पौलुस आउर बिसवासी भाई तीमुथियुस बटले हेके, मोंय परमेश्‍वर केर इच्छा से मसीह यीशु केर चुनल खास चेला हेकों, इ चिट्ठी अखया परदेस में रहेक वाला परमेश्‍वर केर आदमीमन केर नाँव में आउर उ कलीसिया केर नाँव में लिखल जाय हे, जे कुरिन्थुस शहर में अहे।

गलातियनमन 1:15

मगर परमेश्‍वर अपन बेटा के मोके देखालक, ताकि मोंय परजाइत आदमीमन के यीशु केर बारे में शुभ समाचार केर परचार करमूँ। परमेश्‍वर मोके मोर जनमेक से पहिलेहें चुइन लेलक, आउर अपन किरपा से मोके अपन सेवा करेक लगिन बोलालक। जब यीशु खुद के मोके देखालक, तो मोंय सलहा लेवेक लगिन केकरो ठिना नी गेलों,

गलातियनमन 1:17

आउर ना जेमन मोर से पहिले से यीशु केर चुनल खास चेला अहैं उमन से मिलेक यरुशलेम शहर आलों। मगर तुरते अरब देस चाइल गेलों, फिन हूवाँ से दमिश्क नगर घूइर आलों।

इफिसियनमन 3:8

जबकि मोंय परमेश्‍वर केर आदमीमन में से सोउब से छोट अहों, फिन भी मोर उपरे परमेश्‍वर केर किरपा होलक कि मोंय परजाइत आदमीमन के मसीह केर शुभ समाचार सुनामूँ।

2 तीमुथियुस 1:1

इ चिट्ठी मोंय पौलुस बटले हेके। परमेश्‍वर मोके इ लगिन चुइन हे कि मोंय यीशु मसीह केर खास चेला बनमूँ, ताकि मोंय उ संदेश केर परचार करेक पारमूँ कि परमेश्‍वर जुग-जुग केर जिंदगी देवेक केर करार काइर हे, जे मसीह यीशु उपरे बिसवास करेक से मिलेला।

तीतुस 1:3

आउर अब बिलकुल ठीक समय में परमेश्‍वर इ शुभ समाचार के हमरे केर सामने दिस्तार करलक, आउर हमरे इकर परचार सोउब कर ठिना करिला। इ काम करेक केर जिम्मेदारी हमरे केर छुटकारा देवाइया परमेश्‍वर, आगया देई के मोके सोंइप हे।

इब्रानीमन 13:20

आउर अब शांति केर परमेश्‍वर, जे हमर प्रभु यीशु के मोरल में से फिन जियालक, तोहरे के उकर इच्छा के पूरा करेक लगिन सोउब रकम से तेयार करोक, यीशु मसीह केर शक्ति से परमेश्‍वर तोहर में उ काममन के करुवाओक, जे उके खुश करेला। यीशु मसीह अपन लोहू बहाय के बलिदान होवेक केर चलते, भेड़ीमन केर महान चरवाहा बनलक, जेकर से जुग-जुग केर करार उपरे मोहर लाइग गेलक। उकर महिमा लगातार होते रहोक आमीन।

1 पतरस 1:21

यीशु मसीह जे हमर लगिन करलक उकर चलते तोहरे अब परमेश्‍वर उपरे आसरा कराला। उ ओहे हेके जे यीशु मसीह के मोरेक केर पाछे फिन जिंदा करलक आउर उके महिमा देलक। से लगिन तोहरे बिसवास कराला आउर परमेश्‍वर उपरे तोहर उमीद अब पक्का अहे।

प्रकाशितवाक्य 1:18

मोंय मोइर जाय रहों, आउर अब देख, मोंय जुग-जुग लगिन जिंदा अहों, आउर मरणलोक आउर अधोलोक केर कुंजी मोर हें ठिना अहे।

प्रकाशितवाक्य 1:5

आउर यीशु मसीह केर बटले, जे बिसवास लायक गवाह आउर मोरलमन में से फिन से जी उठेक वालामन में पहिलौठा, आउर धरती केर राजामन केर हों राजा हेके, तोहरे के किरपा आउर शांति मिलते रहोक। उ हमरे से प्रेम करेला, आउर उ अपन लोहू से हमरे के पापमन से छोड़ाय हे।

प्रकाशितवाक्य 2:8

स्मुरना शहर केर कलीसिया केर स्वरगदूत के इ संदेश लीख: मोंय ओहे हेकों जे शुरु आउर आखरी हेकों। मोंय मोइर जाय रहों आउर अब मोंय सोउब दिन लगिन जिंदा अहों। मोंय तोर से जे कहाथों उके सुन,