इफिसियनमन 6:1 - सादरी नवाँ नियम

^1-3 पवितर किताब में लिखल अहे, अपन आयो-आबा केर आदर कर, तब तोर संगे भला होवी, आउर धरती में तोंय ढेइर दिन जिबे। इ पहिला आगया हेके जेके परमेश्‍वर एगो करार केर साथ देई हे। से लगिन हे छउवामन, तोहरे जे प्रभु उपरे बिसवास कराला, तोहर लगिन इ उचित अहे कि तोहरे अपन आयो-आबा केर आगया माना।

इफिसियनमन 6:1 Iomraidhean Croise

लूका 2:51

तब यीशु अपन आयो-आबा केर संगे नासरत नगर में घूइर आलक, आउर उमन केर अधीन में रहलक, आउर उकर आयो इ सोउब गोइठ के अपन मन में रखलक।

रोमानियनमन 12:2

आउर इ दुनिया केर आदमीमन नियर ना बना, मगर तोहरे केर मन केर पूरा बदइल जाएक से तोहर चाइल-चलन हों बदलते जाओक, ताकि तोहरेमन परमेश्‍वर केर भला, आउर भावती, आउर सिद्ध इच्छा के अनुभव से जानते रहा।

रोमानियनमन 16:2

आउर प्रभु में उकर स्वागत करा, जइसन कि परमेश्‍वर केर आदमीमन के एक दोसर केर स्वागत करेक चाही। आउर कोनों गोइठ में उके तोहर मदइत चाही तो उकर मदइत करा, काले कि उ ढेइर आदमीमन केर मदइत काइर हे, आउर मोर हों मदइत काइर हे।

रोमानियनमन 7:12

इ नियर हमरे देखिला कि मूसा केर नियम पवितर अहे, आउर उकर आगया हों पवितर, धरमी आउर भला अहे।

1 कुरिनथियनमन 15:58

से लगिन हे मोर दुलार बिसवासी भाईमन, बिसवास में स्थिर बनल रहा आउर झूठा शिक्षामन केर चलते प्रभु से दूर ना होवा, आउर प्रभु केर काम में हमेशा बढ़ते जावा, काले कि तोहरे इ जानाला कि जे कोनों तोहरे प्रभु लगिन कराथा, उ बेकार नी होवी मगर उकर इनाम मिली।

1 तीमुथियुस 5:4

आउर अगर केऊ बिधवा केर छउवा-पुतामन चाहे नाती-पुतीमन अहैं, तो पहिले उके अपने हे परिवार केर लगिन काम करेक चाही, जइसन एगो बिसवासी के करेक उचित अहे, आउर अपन आयो-आबामन केर देख-रेख करेक चाही, इ सोउब परमेश्‍वर के सुहायला।

1 पतरस 2:13

प्रभु चाहेला कि आदमीमन केर ठहराल हर एक सरकारी अधिकारीमन केर अधीन में रहा, आउर राजा केर हों, इ लगिन कि उ सोउब केर उपरे राइज करेला।