इफिसियनमन 5:9 - सादरी नवाँ नियम

⁹ (काले कि परमेश्‍वर केर संतानमन केर काम सोउब रकम केर भलाई करेक, आउर धरमी बनेक, आउर सच्चाई केर डहर में चलेक हेके)।

इफिसियनमन 5:9 Iomraidhean Croise

मत्ती 3:8

से लगिन बेस काम काइर के देखावा कि तोहरेमन सचमुच में पाप करेक छोइड़ देई हा।

यूहन्ना 1:47

यीशु नतनएल के अपन बटे आवेक देइख के उकर बारे में कहलक, “देखा, इ एगो सच्चा इसराइली आदमी हेके, इ एकदम ईमानदार अहे।”

रोमानियनमन 15:14

हे मोर बिसवासी भाईमन, मोंय खुद हें तोहर बारे में पक्का जानोना कि तोहरेमन हों खुद हें भलाई से भरल अहा आउर पूरा-पुरी जानाला कि तोहरे के का करेक अहे, आउर तोहरे एक दोसर के सिखाएक पाराला।

रोमानियनमन 2:4

का तोहरे परमेश्‍वर केर दया, आउर सहन करेक, आउर धीरज रुपी धन के तुच्छ जानाला? आउर का, इ नी बुझाला कि परमेश्‍वर केर दया तोहरेमन के पाप करेक के छोड़ेक ले सिखायला?

इफिसियनमन 4:15

बल्कि प्रेम से सच्चा गोठियाय के हमरे के सोउब रकम से पक्का होवेक चाही, ताकि मसीह नियर बनेक पारब जे कि मूँड़ हेके।

इफिसियनमन 4:25

से लगिन झूठ बोलेक छोइड़ के हरेक झन अपन संगी बिसवासी से सच बोलबा, काले कि हमरे सोउब एके गो काया केर अंग हेकी।

इफिसियनमन 6:14

से लगिन परमेश्‍वर केर सच्चाई केर मोताबिक जिंदगी जिया, इ उ नियर अहे जइसन एगो फौजी लड़ेक ले अपन डाँड़ा के कसना से सकतायला, आउर धरमी आदमी नियर ब्यवहार करा, एइसन करेक शैतान केर तीर से बचेक ले छाती में झिलम पिंधेक नियर अहे।

फिलिप्पियनमन 1:11

आउर उ धरमी बनेक केर फार मतलब बेस गुणमन से जे यीशु मसीह देवेक पारेला, भरपूर होते जबा, जेकर से परमेश्‍वर केर महिमा आउर स्तुति होते रहोक।

कुलुसियनमन 3:18

हे जनानामन, जइसन प्रभु में उचित अहे, तइसनेहें अपन-अपन पति केर अधीन रहबा।

1 तीमुथियुस 6:11

मगर हे तीमुथियुस, तोंय परमेश्‍वर केर सेवा करेक वाला आदमी हेकिस, तोंय इ सोउब चीजमन के करेक से बचबे आउर धरमी बाइन के, भक्ति, बिसवास, प्रेम, धीरज आउर नरम भाव से आदमीमन केर संगे रह।

इब्रानीमन 1:8

मगर बेटा केर बारे में कहेला, “हे परमेश्‍वर, तोर राइज जुगजुग लगिन बनल रही, तोंय अपन राइज में न्याय से राइज करबे।

इब्रानीमन 11:33

इमन बिसवास करेक केर चलते राइज जितलैं, धरमी बनेक केर काम करलैं, करार करल चीजमन के पालैं, बाघ उमन के नी खालक।

1 यूहन्ना 2:29

अगर तोहरेमन जानाला कि परमेश्‍वर धरमी हेके, तो एहो जानाला कि जे केऊ उ काम के करेला जे काम परमेश्‍वर केर नजइर में बेस हेके, तो उ परमेश्‍वर केर संतान हेके।

3 यूहन्ना 1:11

हे दुलारा संगी, उमन केर नकल ना करबे जेमन बुरा काम करैना, मगर उमन केर नियर चलबे जेमन भलाई केर काम करैना। जे भलाई करेला उ परमेश्‍वर केर संतान हेके मगर जे बुराई करेला उ परमेश्‍वर के नी जानेला।