इफिसियनमन 5:8 - सादरी नवाँ नियम

⁸ तोहरेमन तो पहिले शैतान केर कब्जा में रहा, मगर अब परमेश्‍वर केर होई गेला, से लगिन अब परमेश्‍वर केर संतानमन नियर चला।

इफिसियनमन 5:8 Iomraidhean Croise

मत्ती 3:8

से लगिन बेस काम काइर के देखावा कि तोहरेमन सचमुच में पाप करेक छोइड़ देई हा।

मत्ती 4:16

इ आदमीमन पाप रुपी अंधार में रहत रहैं, इमन पापमन केर सजा से बचेक केर डहर देखलैं, आउर जे आदमीमन अंधार केर परदेस में आत्मा से मोरल रहैं, उमन के जिंदगी पावेक केर डहर दिसलक।”

लूका 1:79

ताकि उ पाप में जिंदगी बिताएक वाला आउर जुग-जुग केर मौत केर खतरा में पड़ल आदमीमन के डहर देखाओक आउर हमर कदम के शांति केर डहर में आगे लेगोक।”

लूका 16:8

मालिक उ अधरमी भंडारी केर बड़ाई करलक, काले कि उ होशियारी से काम काइर हे। एहे नियर इ दुनिया केर आदमीमन अपन जइसन आदमीमन केर संगे लेन-देन करेक में इंजोत केर आदमीमन से बगरा चतूर अहैं।

यूहन्ना 1:9

जे सच्चा इंजोत हेके आउर सोउब आदमीमन के इंजोत करेला, दुनिया में आवेक वाला रहे।

यूहन्ना 12:35

यीशु उमन से कहलक, “इंजोत अब थोरे हें देरी तोहर माझे रही, जब तक इंजोत तोहर संगे अहे तोहरेमन आगे बढ़ते रहा कहीं एइसन ना होवोक कि अंधार आय के तोहरेमन के घेइर लेवी, जे अंधार में हिंठेला उ नी जानेला कि उ कोन बटे जाथे।

यूहन्ना 12:36

जब तक इंजोत तोहर संगे अहे, इंजोत उपरे बिसवास करा, जेकर से तोहरेमन इंजोत केर संतान बनेक पारबा।” यीशु इ कइह के हूवाँ से चाइल गेलक आउर उमन से खुद के लुकाय रखलक।

यूहन्ना 12:46

मोंय इंजोत बाइन के दुनिया में आय हों, ताकि जे केऊ मोर उपरे बिसवास करी, उ अंधार में ना रहोक।

यूहन्ना 8:12

यीशु फिन आदमीमन से कहलक, “दुनिया केर दीया मोंय हेकों। जे मोर पिछे होई लेवी, आउर मोर चेला बनी, उ अंधार में नी चली, मगर जिंदगी केर इंजोत पावी।”

खास चेलामन केर काम 17:30

अब तक तो परमेश्‍वर आदमीमन केर नी जानेक केर चलते इके अनदेखा करते आय हे, मगर अब उकर आगया इ हेके कि हर ठाँव केर सोउब आदमीमन पाप करेक छोइड़ देवोक।

खास चेलामन केर काम 26:18

मोंय तोके उ मनक आँइख खोलेक लगिन, उमन के अंधार से इंजोत में लानेक लगिन, मतलब शैतान केर अधिकार से छोड़ाय के परमेश्‍वर बटे लानेक लगिन उमन ठिना भेजाथों। जेकर से उमन मोर उपरे बिसवास काइर के अपन पापमन केर क्षमा पाओक आउर पवितर करल आदमीमन केर माझे अपन ठाँव के पाओक।’

रोमानियनमन 1:21

इ लगिन कि परमेश्‍वर के जाइन के हों उमन परमेश्‍वर केर लाएक उके आदर आउर धन्यबाद नी देलैं, मगर फालतू सोच-बिचार करेक लगलैं, हिंयाँ तक कि उमन एइसन सोचेक लगलैं जइसन सोचेक नी चाही।

रोमानियनमन 13:12

इ बुरा दुनिया में हमर रहेक केर बेरा लगभग सिराय जाय हे। जइसन कि राइत ढेइर बीत जाय हे आउर दिन होवेक वाला अहे, आउर मसीह केर घूइर आवेक केर बेरा भीरे पोंहइच जाय हे। से लगिन हमरे के अंधार केर काममन के छोइड़ देवेक अहे, आउर हमरे के ओहे काममन के करेक अहे, जे बुरा काममन के करेक से रोकेला, जइसन सिपाही अपन हँथियार के इंजोत में धारण काइर के रहेला।

रोमानियनमन 2:19

आउर तोहरे अपन उपरे भरसा कराला कि हमरे अंधरामन के डहर देखाएक वाला हेकी आउर जेमन अंधार में पड़ल अहैं उमन लगिन इंजोत नियर अही।

1 कुरिनथियनमन 1:30

मगर परमेश्‍वर तोहरे के यीशु मसीह में एक काइर हे, जेकर से उ हमरे के अपन गेयान देई हे। आउर परमेश्‍वर हमरे के अपन देखेक में धरमी हों बनायला, यीशु मसीह केर चलते हमरे पवितर बनाल जाय ही आउर यीशु मसीह हमरे के पाप से छुटकारा देई हे।

2 कुरिनथियनमन 3:18

जब हमरे सोउब केर चेहरा से परदा उइठ जायला, तो उ चेहरा से प्रभु केर चमक चमकेला, जइसन कि आयना में दिसेला, तब परमेश्‍वर हमरे के चमकदार से चमकदार महिमा में बदलते जायला, इ प्रभु केर काम हेके जे पवितर आत्मा हेके।

2 कुरिनथियनमन 4:6

इ लगिन कि परमेश्‍वर कहलक, “अंधार में से इंजोत चमकोक,” आउर ओहे परमेश्‍वर हमरे के हमर हिरदय में दीया नियर समझ के देलक, ताकि हमरे परमेश्‍वर केर महिमा के देखेक पारली, जे यीशु मसीह में दिसेला।

2 कुरिनथियनमन 6:14

तोहरेमन अबिसवासीमन नियर नखा, से लगिन उमन लेखे ना होवा, काले कि हमरे जे भलाई काम करिला उके दुष्ट आदमीमन केर संगे मिल के नी करेक चाही, दीया आउर अंधार एक संगे नी मिलेक पारी,

गलातियनमन 5:25

काले कि पवितर आत्मा हमरे के नवाँ जिंदगी देई हे, से लगिन आवा, हमरे अपन जिंदगी केर सोउब काममन के पवितर आत्मा केर अगुवाई केर मोताबिक करब।

इफिसियनमन 2:2

उ बेरा तोहरेमन इ दुनिया केर आदमी मनक रीति-रिवाज केर मोताबिक चलत रहा, जेमन परमेश्‍वर के नी जानैना। आउर तोहरेमन शैतान केर आगया के मानत रहा जे भूतमन केर उपरे आकाश में राइज करेला। जे एखनोहों उ आदमीमन के अपन कब्जा में करेक केर कोशिश कराथे, जेमन परमेश्‍वर केर आगया के नी मानैना।

इफिसियनमन 4:18

काले कि उमन सुनेक नी खोजैना, आउर उमन आगया नी मानेक वाला हेकैं, से लगिन बुझेक नी पारैना, उमन उ नवाँ जिंदगी से दूर अहैं जेके परमेश्‍वर देवेला।

इफिसियनमन 5:2

मसीह केर पिछा करते दोसरमन लगिन प्रेम से भरल जिंदगी जिया, जे तोहर से प्रेम करलक आउर तोहर पापमन के उठाएक लगिन खुद के बलिदान काइर देलक। उकर से परमेश्‍वर खुश रहे, काले कि उ बलिदान उकर लगिन महकेक वाला सेंट नियर रहे।

इफिसियनमन 6:12

काले कि हमरे लोहू आउर माँस से बनल आदमीमन से नी लड़ाथी, मगर मुखियामन से आउर अधिकारीमन से, आउर अनदिस्तार शक्तिमन से जेमन उ आदमीमन उपरे राइज करैना, जेमन एखनो तक इ दुनिया केर अंधार में अहैं, आउर उ दुष्ट आत्मामन से जेमन फौजमन नियर आकाश में अहैं।

कुलुसियनमन 1:12

आउर आबा परमेश्‍वर के धन्यबाद देते रहा, जे तोहरे के उ बपौती अधिकार में भागी होवेक केर लायक बनाय हे, जेके उ स्वरग केर राइज में अपन आदमीमन के देवेक लगिन तेयार काइर हे।

कुलुसियनमन 1:13

परमेश्‍वर हमरे के शैतान केर कब्जा से छोड़ाय के अपन दुलार बेटा केर राइज में ढूकालक।

तीतुस 3:3

काले कि हमरे हों बिसवासी बनेक से पहिले निरबुद्धि, आउर आगया नी मानेक वाला, आउर भ्रम में पड़ल रही, आउर लगातार रकम-रकम केर बुरा काममन के करत रही, आउर सुख बिलास केर काममन के करेक में बंधाल रही, आउर हमरे अपन समय के दुष्ट काममन के करेक में बितात रही, आउर दोसरमन से हिसिंगा-डाह करेक में जिंदगी के बितात रही, दोसरमन हमरे से नफरत करत रहैं आउर हमरे एक दोसर संगे नफरत करत रही।

1 यूहन्ना 1:7

मगर, अगर जइसन परमेश्‍वर इंजोत में अहे, तइसनेहें हमरे हों इंजोत में चलब, तो उकर से मिलल रहिला आउर उकर बेटा यीशु मसीह केर किमती लोहू हमरे के सोउब पापमन से शुद्ध करेला।