इफिसियनमन 5:6 - सादरी नवाँ नियम

⁶ केऊ तोहरेमन के इ कइह के धोखा ना देवोक कि परमेश्‍वर उमन के दंड नी देवी, जेमन एइसन पाप करैना। काले कि एहे काममन के करेक केर चलते परमेश्‍वर केर खीस आगया नी मानेक वालामन उपरे भड़केला।

इफिसियनमन 5:6 Iomraidhean Croise

मत्ती 24:24

काले कि झूठा मसीह आउर झूठा परमेश्‍वर केर संदेश बताएक वालामन उइठ खड़ा होबैं उमन बड़का-बड़का चिन्हा आउर चमत्कार केर काममन के देखाबैं आउर होई सके तो उमन चुनलमन के हों बहकाय देबैं।

मत्ती 24:4

यीशु उमन के जबाब देलक, “सावधान रहा, तोहरेमन के केऊ ना बहकाय देवोक।

मरकुस 13:22

काले कि झूठा मसीह आउर झूठा परमेश्‍वर केर संदेश के बताएक वालामन उइठ खड़ा होबैं, उमन चिन्हा आउर चमत्कार केर काममन के देखाबैं आउर होई सके तो उमन चुनलमन के हों बहकाय देबैं।

मरकुस 13:5

तब यीशु उमन से कहेक लगलक, “चौकस रहा, तोहरेमन के केऊ ना बहकाय देवोक।

रोमानियनमन 1:18

परमेश्‍वर केर खीस तो उ आदमीमन उपरे स्वरग से आवेला, जेमन सोउब रकम केर बुराई आउर अधरम केर काम करैना, आउर इ काममन से आदमीमन के सच्चाई के जानेक से रोकैना।

कुलुसियनमन 2:18

केऊ हों आदमी जे नरम बनेक केर देखावा करेला आउर स्वरगदूतमन केर पूजा करेक में लीन रहेला, तोहरे के तोहर इनाम से दूर करेक ना पारोक, एइसन आदमी अपन देखल झूठा ईश्‍वरीय दर्शनमन केर बखाइन बिस्तार से करेला आउर इ दुनिया केर बुद्धि केर चलते घमंड से फूइल जायला।

कुलुसियनमन 2:4

इके मोंय इ लगिन कहोना कि केऊ आदमी तोहरेमन के अपन झूठा शिक्षामन में बिसवास करेक लगिन राजी ना करवाय लेवोक।

कुलुसियनमन 2:8

चौकस रहा कि केऊ तोहरेमन के उ गोइठमन से जेकर कोनों कीमत नखे आउर जे बेकार अहे, ना बहकाय लेवोक, जे दुनिया केर रीति-रिवाज केर मोताबिक आदमीमन केर देवल शिक्षा तो हेके, मगर मसीह केर मोताबिक निहीं।

कुलुसियनमन 3:6

आदमीमन एहे बुरा काममन के करैना, इ लगिन परमेश्‍वर जरूर हें उमन के कड़ा सजा देवी।

2 थिस्सलुनीकियनमन 2:3

प्रभु केर आवेक केर बारे में इ सोउब गलत गोइठमन में बिसवास ना करा, जेकर बारे में आदमीमन तोहरेमन के बताथैं। काले कि प्रभु यीशु केर घूइर आवेक से पहिले एइसन समय आवी कि ढेइर आदमीमन परमेश्‍वर केर बिरोध में हुड़दंग मचाबैं, आउर अधरमी आदमी मतलब बिनाश केर बेटा हों दिस्तार होवी।

इब्रानीमन 13:9

से लगिन रकम-रकम केर आउर अजीब उपदेसमन से ना भरमाय देवल जबा, काले कि तोहरे केर मन लगिन इ भला होवी कि तोहरे परमेश्‍वर केर किरपा से मजबूत बनल रहा, ना कि खाएक केर नियममन के माइन के, जेके माइन के केकरो फायदा नी होलक।

इब्रानीमन 3:19

इ नियर हमरे महसूस करिला कि उमन अबिसवास केर चलते ढूकेक नी पारलैं।

1 पतरस 2:8

आउर फिन पवितर किताब में लिखल अहे, “इ पखना आदमीमन के भूंई में गिराएक वाला होवी। इ एगो एइसन चट्टाइन हेके, जे उमन के नीचे गिराय देवी।” उमन इ लगिन गिरबैं, काले कि उमन परमेश्‍वर केर संदेश के मानेक से ठुकराय देबैं, उमन केर संगे एइसन परमेश्‍वर केर योजना केर मोताबिक होवी।

1 यूहन्ना 4:1

हे दुलार भाईमन, हरेक आदमी उपरे बिसवास ना करा जेमन पवितर आत्मा बटले बोलेक केर दावा करैना। मगर उमन के परखा कि उमन परमेश्‍वर बटले हेकैं कि निहीं, काले कि ढेइर बगरा झूठा परमेश्‍वर केर संदेश के बताएक वाला आदमीमन इ दुनिया में फाइल जाय हैं।