इफिसियनमन 5:5 - सादरी नवाँ नियम

⁵ काले कि तोहरेमन अच्छा से जानाला कि केऊ ब्यभिचारी आदमी, या अशुद्ध आदमी, या लोभी आदमी जे मूर्ति पूजा करेक केर बराबइर अहे, उ मसीह आउर परमेश्‍वर केर राइज में हिस्सेदार नी होवी।

इफिसियनमन 5:5 Iomraidhean Croise

खास चेलामन केर काम 20:32

अब मोंय तोहरे के परमेश्‍वर केर आउर उकर किरपा केर बचन केर देख-रेख में जिम्मा देवाथों, जे तोहर बिसवास के मजबूत करी। आउर परमेश्‍वर तोहरे के उ बपौती अधिकार देवी, जेके देवेक केर करार उ सोउब आदमीमन से काइर हे, जेमन उकर से पवितर करल जाय हैं।

खास चेलामन केर काम 8:21

इ सेवकाई में तोर ना हिस्सा अहे आउर ना कोनों अधिकार अहे, काले कि तोर मन परमेश्‍वर केर आगे सच्चा नखे।

गलातियनमन 5:19

तोहरेमन सोउब जानाला कि काया केर इच्छामन का-का हेके, मतलब ब्यभिचार, गंदा काम, लुच्चा काम,

गलातियनमन 5:21

डाह, मतवारी, रीझ-रंग आउर एहे नियर आउर रकम-रकम केर बुरा काम अहे, मोंय तोहरेमन के चेतावनी देवाथों जइसन आगे हों देई चुइक हों कि एइसन-एइसन काम करेक वालामन परमेश्‍वर केर राइज केर हकदार नी होबैं।

इफिसियनमन 5:3

जइसन पवितर आदमीमन लगिन उचित अहे, तइसनेहें तोहर में ब्यभिचार, आउर कोनों रकम केर अशुद्ध काम, या लोभ केर चरचा तक ना होवोक।

कुलुसियनमन 1:13

परमेश्‍वर हमरे के शैतान केर कब्जा से छोड़ाय के अपन दुलार बेटा केर राइज में ढूकालक।

कुलुसियनमन 3:5

इ लगिन तोहरे उ बुरा काममन के करेक छोइड़ देवा जे तोहरे केर पापी स्वभाव में जुड़ल अहे। जे इ धरती में अहे मतलब ब्यभिचार, अशुद्ध काम, बुरा बिचार, बुरा लालसा आउर लोभ जे मूर्ति पूजा केर बराबइर अहे।

1 तीमुथियुस 6:10

धन केर लोभ सोउब रकम केर बुराईमन केर जाइर हेके, थोरेक आदमीमन एहे धन के पावेक केर कोशिश करते धीरे-धीरे मसीह केर शिक्षामन केर उपरे बिसवास करेक छोइड़ देलैं आउर उमन बरने-बरन केर दुःख से पीड़ित अहैं, एगो एइसन आदमी नियर जे खुद के एगो हँथियार से बेइध लेई हे।

1 तीमुथियुस 6:17

इ दुनिया केर धनी आदमीमन के आगया दे कि उमन घमंडी ना बनोक आउर जल्दी सिराएक वाला धन उपरे आसरा ना राइख के परमेश्‍वर उपरे आसरा रखोक, जे हमर सोउब जरुरत केर चीजमन के भरपूर देवेला।

इब्रानीमन 13:4

बिहा केर आदर करा, आउर बिहाउ जनाना आउर मरद तोहरे एक दोसर लगिन बिसवास लायक बनल रहा, काले कि परमेश्‍वर ब्यभिचारीमन केर आउर दोसर जनानामन से रिश्ता बनाएक वालामन केर न्याय करी।

प्रकाशितवाक्य 21:8

मगर डरपोकमन, अबिसवासीमन, घिनघिना काम करेक वालामन, आउर हत्यारामन, ब्यभिचारीमन, ओझामन, मूर्ति पूजा करेक वालामन आउर सोउब झूठा आदमीमन केर हिस्सा उ झील में मिली, जे आइग आउर गंधक से बरते रहेला: इ दूसरा माउत हेके।”

प्रकाशितवाक्य 22:15

मगर अपवितरमन, ओझामन, ब्यभिचारीमन, हत्यारामन, मूर्ति पूजा करेक वालामन, हरेक झूठ के चाहेक वालामन आउर झूठ बनाएक वालामन बाहरे रहबैं।