इफिसियनमन 5:3 - सादरी नवाँ नियम

³ जइसन पवितर आदमीमन लगिन उचित अहे, तइसनेहें तोहर में ब्यभिचार, आउर कोनों रकम केर अशुद्ध काम, या लोभ केर चरचा तक ना होवोक।

इफिसियनमन 5:3 Iomraidhean Croise

मत्ती 15:19

काले कि बुरा बिचार, हत्या, दोसर जनाना केर संग संबंध बनाएक, ब्यभिचार, चोरी, झूठा गवाही आउर निंदा आदमी केर मन से हें निकलेला।

लूका 12:15

तब यीशु उमन से कहलक, “सावधान रहा, आउर सोउब रकम केर लोभ से खुद के बचाय के रखा। काले कि ढेइर सम्पति से केखो सच्चा जिंदगी नी मिलेला।”

लूका 16:14

फरीसी दल केर आदमीमन जेमन धन-दौलत केर लोभी रहैना। इ सोउब गोइठमन के सुइन के यीशु केर मजाक उड़ाएक लगलैं।

खास चेलामन केर काम 15:20

मगर हमरे उमन के चिट्ठी लीख के भेजब कि उमन मूर्तिमन लगिन चढ़ाल अशुद्ध चीजमन के आउर ब्यभिचार आउर घेंचा चीप के मोराल जीवमन केर माँस आउर लोहू के ना खाओक।

खास चेलामन केर काम 20:33

मोंय कहियो केकरो चाँदी, सोना या लुगा केर लोभ नी करलों।

रोमानियनमन 1:29

से लगिन उमन सोउब रकम केर पाप, बुराई, स्वार्थी आउर घिरना से भाइर गेलैं। आउर उमन हिसिंगा, आउर हत्या, आउर झगरा, आउर झूठ, आउर एक दोसर लगिन बुरा सोच से हों भरल अहैं, आउर चुगली करेक वाला,

रोमानियनमन 16:2

आउर प्रभु में उकर स्वागत करा, जइसन कि परमेश्‍वर केर आदमीमन के एक दोसर केर स्वागत करेक चाही। आउर कोनों गोइठ में उके तोहर मदइत चाही तो उकर मदइत करा, काले कि उ ढेइर आदमीमन केर मदइत काइर हे, आउर मोर हों मदइत काइर हे।

रोमानियनमन 6:13

आउर अपन काया केर अंगमन के बुरा काममन के करेक लगिन ना सोंपा, मगर मोरलमन में से जी उठल जाइन के खुद केर जिंदगी के परमेश्‍वर के सोंइप देवा, आउर अपन काया केर अंगमन के भला काममन के करेक लगिन परमेश्‍वर के सोंइप देवा।

1 कुरिनथियनमन 10:8

आउर ना हमरे के ब्यभिचार करेक चाही, जइसन उमन में से ढेइरमन करलैं, आउर एक दिन में तईस हजार आदमीमन मोइर गेलैं।

1 कुरिनथियनमन 5:1

मोंय आदमीमन से तोहर बारे में भयानक गोइठमन के बताते सुइन हों, जे तोहरे केर माझे होवाथे कि कलीसिया में तोहर में से थोरेक आदमीमन ब्यभिचार करैना, बल्कि एइसन ब्यभिचार जइसन अबिसवासीमन हों नी करैना कि एगो आदमी अपन सौतेली आयो से ब्यभिचार करेला।

1 कुरिनथियनमन 6:13

तोहर में से केऊ कहेक पारेला, खाएक केर चीजमन हमरे केर कायामन लगिन अहे, आउर कायामन खाएक केर चीजमन लगिन, इ ठीक अहे मगर परमेश्‍वर आवेक वाला समय में कायामन के आउर खाएक केर चीजमन के दुइयो के नाश करी। काया ब्यभिचार लगिन निहीं, बल्कि हमरे केर काया प्रभु केर सेवा करेक लगिन प्रभु केर हेके।

1 कुरिनथियनमन 6:18

ब्यभिचार से बिलकुल अलग रहा। जेतना आउर पाप आदमी करेला, उ काया केर बाहरे अहे, मगर ब्यभिचार करेक वाला अपनेहें काया केर बिरोध में पाप करेला।

2 कुरिनथियनमन 12:21

कहीं एइसन ना होवोक कि जब मोंय फिन से तोहरे ठिना घूइर आमूँ, तो मोर परमेश्‍वर मोके अपमान करी। आउर मोके ढेइरमन लगिन शोक करेक पड़ी, जेमन पहिले पाप काइर रहैं, आउर गंदा काम, ब्यभिचार आउर लाज केर काम से मन नी फिरालैं।

इफिसियनमन 5:12

काले कि अबिसवासी मनक लुकल काममन केर चरचा करेक हों लाज केर गोइठ हेके।

इफिसियनमन 5:5

काले कि तोहरेमन अच्छा से जानाला कि केऊ ब्यभिचारी आदमी, या अशुद्ध आदमी, या लोभी आदमी जे मूर्ति पूजा करेक केर बराबइर अहे, उ मसीह आउर परमेश्‍वर केर राइज में हिस्सेदार नी होवी।

फिलिप्पियनमन 1:27

तोहरे सिरिफ एतना करा कि तोहर चाइल-चलन मसीह केर शुभ समाचार केर लायक होवोक। चाहे मोंय आय के तोहरेमन के देखमूँ, चाहे नी हों आमूँ, तो तोहरे केर बारे में एहे सुनमूँ कि तोहरेमन एक हें मन होई के स्थिर अहा, आउर एक संग मिल के शुभ समाचार में बिसवास लगिन मेहनइत करते रहाला।

कुलुसियनमन 3:5

इ लगिन तोहरे उ बुरा काममन के करेक छोइड़ देवा जे तोहरे केर पापी स्वभाव में जुड़ल अहे। जे इ धरती में अहे मतलब ब्यभिचार, अशुद्ध काम, बुरा बिचार, बुरा लालसा आउर लोभ जे मूर्ति पूजा केर बराबइर अहे।

1थिस्सलुनीकियनमन 4:3

काले कि परमेश्‍वर केर इच्छा इ हेके कि तोहरेमन पवितर बना, मतलब ब्यभिचार ना करबा।

1थिस्सलुनीकियनमन 4:7

काले कि परमेश्‍वर हमरे के अशुद्ध जिंदगी जियेक लगिन निहीं, मगर पवितर जिंदगी जियेक लगिन बोलाय हे।

1 तीमुथियुस 2:10

मगर उमन के दोसरमन लगिन भला काम काइर के खुद के सुन्दर बनाएक चाही, काले कि परमेश्‍वर केर नजइर में भक्ति करेक वाला जनानामन के एहे उचित अहे।

1 तीमुथियुस 3:3

उ पियंक्कड़ आउर मार पीट करेक वाला आउर लड़ाई झगरा करेक वाला आउर धन केर लोभ करेक वाला नी होवेक चाही, मगर नरम स्वभाव वाला होवेक चाही।

1 तीमुथियुस 6:10

धन केर लोभ सोउब रकम केर बुराईमन केर जाइर हेके, थोरेक आदमीमन एहे धन के पावेक केर कोशिश करते धीरे-धीरे मसीह केर शिक्षामन केर उपरे बिसवास करेक छोइड़ देलैं आउर उमन बरने-बरन केर दुःख से पीड़ित अहैं, एगो एइसन आदमी नियर जे खुद के एगो हँथियार से बेइध लेई हे।

2 तीमुथियुस 3:2

काले कि आदमीमन सिरिफ अपनेहें चिंता करबैं, धन केर लोभी होबैं, बड़े-बड़े गोइठ गोठियाबैं, घमंडी होबैं, दोसर मनक निंदा करबैं, आयो-आबा केर आगया नी मानबैं, उमन मदइत करेक वालामन के हों धन्यबाद नी देबैं, आउर अपवितर होबैं,

तीतुस 1:11

इमन के सिखाएक केर आगया ना दे, काले कि जब इमन उ गोइठमन के सिखायना जेके नी सिखाएक चाही, तब उमन पूरा परिवार केर आदमी मन केर बिसवास के मेटाय देवैना। उमन एइसन रुपया कमाएक लगिन करैना।

तीतुस 1:7

काले कि अगुवा के परमेश्‍वर केर काम सोंपल जाएक केर चलते निरदोष होवेक चाही, उके ना घमंडी, ना तुरते खिसाएक वाला, ना पियंक्कड़, ना मार पीट करेक वाला, आउर ना ही रुपया केर लालची होवेक चाही।

तीतुस 2:3

एहे लेखे बुढ़िया जनानामन के उ जनानामन नियर ब्यवहार करेक चाही जेमन परमेश्‍वर केर लगिन भक्ति केर जिंदगी जियैना। उमन दोसरमन केर निंदा करेक वाला आउर पियंक्कड़ ना होवोक, मगर उमन के दोसरमन के बेस जिंदगी जियेक केर तरीका सिखाएक चाही।

इब्रानीमन 12:16

आउर ना केऊ ब्यभिचारी, या तोहर में से केऊ अब्राहम केर नाती एसाव नियर अधरमी ना होवोक, जे एक बेर केर खाएक केर बदली में, पहिलौठा होवेक केर अपन हक के बेइच देलक।

1 पतरस 5:2

उ बिसवासीमन केर उ झूँड़ केर देखभाल करा, जे परमेश्‍वर केर हेके आउर जेके तोहरे के देखभाल करेक ले जिमा देवल जाय हे। खुशी से उमन केर देख-भाल करा, इ लगिन निहीं कि तोहरे मजबूर अहा। एहे परमेश्‍वर चाहेला कि तोहरे करा, इ काम नीच कमाई लगिन ना करा मगर परमेश्‍वर आउर आदमीमन केर सेवा करेक केर इच्छा से करा।

2 पतरस 2:10

खास काइर के परमेश्‍वर उ झूठा पढ़ाएक वाला आदमीमन के दंड देवी, जे अपन बुरा काममन केर लालसा केर मोताबिक काम करैना आउर जे अपन उपरे परमेश्‍वर केर अधिकार के नी मानैना। उमन ढींठ आउर घमंडी अहैं, उमन महिमा से भरल स्वरगदूतमन केर बारे में बुरा कहेक से हों नी डरायना।

2 पतरस 2:14

उमन हर एक जनाना केर संगे गलत संबंध रखेक चाहैना, जेके उमन देखैना। उमन पाप करेक केर मोका सोउब बेरा खोजते रहैना, उमन उ आदमीमन के धोखा देवैना जेमन मसीह में मजबूती से भरसा नी करैना, आउर उमन के पाप बटे लेई जायना। उमन केर बगरा से बगरा चीजमन के पावेक केर लालसा केर खातिर परमेश्‍वर उमन के दंड देवी।

2 पतरस 2:3

इमन के पढ़ाएक वालामन लालची होबैं, आउर उमन बना-बनाल कहनीमन के सुनाय के तोहरे के धोखा देबैं ताकि तोहरे से पैसा कमाएक पारबैं। परमेश्‍वर ढेइर समय पहिलेहें फैसला काइर रहे कि उ उमन के दंड देवी आउर उ एइसन करेक लगिन तेयार अहे। उ पक्का उमन के नाश काइर देवी।

प्रकाशितवाक्य 2:14

मगर मोके तोर बिरोध में थोरेक गोइठमन के कहेक अहे, काले कि तोर हिंयाँ थोरेक आदमीमन एइसन अहैं, जे बिलाम केर शिक्षा के मानैना, जे बालाक के सिखालक कि उ इसराइली आदमीमन के बहकाओक, जेकर से उमन मूर्तिमन लगिन बलि चढ़ाल चीजमन के खाओक आउर ब्यभिचार करोक।

प्रकाशितवाक्य 2:21

मोंय उके पाप करेक छोड़ेक केर मोका देलों, मगर उ अपन ब्यभिचार केर पाप के करेक से छोड़ेक नी चाहेला।

प्रकाशितवाक्य 21:8

मगर डरपोकमन, अबिसवासीमन, घिनघिना काम करेक वालामन, आउर हत्यारामन, ब्यभिचारीमन, ओझामन, मूर्ति पूजा करेक वालामन आउर सोउब झूठा आदमीमन केर हिस्सा उ झील में मिली, जे आइग आउर गंधक से बरते रहेला: इ दूसरा माउत हेके।”

प्रकाशितवाक्य 22:15

मगर अपवितरमन, ओझामन, ब्यभिचारीमन, हत्यारामन, मूर्ति पूजा करेक वालामन, हरेक झूठ के चाहेक वालामन आउर झूठ बनाएक वालामन बाहरे रहबैं।

प्रकाशितवाक्य 9:21

उमन अपन करल हत्यामन, जादू-टोना, ब्यभिचार आउर चोरी करेक से मन नी फिरालैं।