इफिसियनमन 5:2 - सादरी नवाँ नियम

² मसीह केर पिछा करते दोसरमन लगिन प्रेम से भरल जिंदगी जिया, जे तोहर से प्रेम करलक आउर तोहर पापमन के उठाएक लगिन खुद के बलिदान काइर देलक। उकर से परमेश्‍वर खुश रहे, काले कि उ बलिदान उकर लगिन महकेक वाला सेंट नियर रहे।

इफिसियनमन 5:2 Iomraidhean Croise

मत्ती 20:28

काले कि मोंय आदमी केर बेटा इकर लगिन नी आय हों कि मोर एगो महान राजा लेखे सेवा-सुसइर कराल जाई। मगर इकर लगिन आय हों कि मोंय खुद दोसर मनक सेवा-सुसइर करमूँ आउर ढेइर मनक पापमन से छुटकारा लगिन अपन जान देई देमूँ।”

यूहन्ना 13:34

मोंय तोहरेमन के एगो नवाँ आगया देवाथों, ‘तोहरेमन एक दोसर से प्रेम करा।’ जइसन मोंय तोहरेमन से प्रेम करोना, ओहे लेखे तोहरेमन हों एक-दोसर से प्रेम करा।

यूहन्ना 6:51

स्वरग से उतरल उ जिंदा रोटी मोंय हेकों। अगर केऊ इ रोटी में से खाई, तो उ सोउब दिन जिंदा रही। आउर जे रोटी मोंय देमूँ, उ मोर काया हेके, इके मोंय दुनिया केर आदमीमन के जिंदगी पावेक लगिन बलिदान काइर देमूँ।”

रोमानियनमन 4:25

यीशु हमरे केर पापमन केर चलते मोरेक लगिन धरुवाल हों गेलक, आउर परमेश्‍वर उके हमरे के धरमी ठहराएक लगिन जियाय हों देलक।

रोमानियनमन 8:3

काले कि जे काम के मूसा केर नियम हमरे केर पापी स्वभाव केर चलते कमजोर होई के नी करेक पारलक, उके परमेश्‍वर करलक मतलब अपनेहें बेटा के हमरे नियर पापी बनाय के, आउर हमरे केर पापमन लगिन बलिदान होवेक ले भेइज के पापी काया केर बराबइर में, आउर पाप केर बलिदान होवेक लगिन भेइज के, परमेश्‍वर मसीह केर काया में पाप केर दंड देलक।

रोमानियनमन 8:37

मगर इ सोउब बुरा चीजमन में हमरे उकर चलते जे हमर से प्रेम काइर हे पूरा जीत पाय ही।

1 कुरिनथियनमन 16:14

सोउब कुछ प्रेम से करा।

1 कुरिनथियनमन 5:7

उ पापी आदमी के कहलक कि उ तोहरे केर झूँड़ केर हिस्सा नी होवेक पारी, तब तोहरे बिसवासीमन केर एगो एइसन झूँड़ होवी जेमन नवाँ आउर शुद्ध रिश्ता आउर बेगर पाप केर असर से, एक दोसर से मिलल रहबैं, काले कि परमेश्‍वर पहिलेहें तोहरे केर पाप के क्षमा काइर हे, आउर तोहरे के पवितर बनाय हे। तोहरे के शुद्ध रीति से जिंदगी जियेक अहे, काले कि मसीह बलिदान केर रूप में हमरे के पापमन से आजाद करेक लगिन मोइर हे। इ हमरे के उ मेमना केर याइद करुवायला जेके इसराइलीमन ढेइर पहिले फसह परब केर दिन मिसर में बलि काइर रहैं।

2 कुरिनथियनमन 2:14

परमेश्‍वर केर धन्यबाद होवोक, काले कि हमरे मसीह केर संगे एक होई जाय ही, सेकर चलते उ हमरे के हमेशा अपन संगे अगुवाई करेला, आउर जीत देवेला। आउर परमेश्‍वर हमरे केर जरिया से मसीह केर गेयान केर सुगंध के सोउब जगा फैलायला।

2 कुरिनथियनमन 2:15

काले कि हमरे परमेश्‍वर लगिन मसीह केर द्वारा जलाल धूप नियर हेकी, आउर संदेश जे हमरे केर द्वारा परचार करल जायला, उ सुगंध नियर हेके, जे छुटकारा पावल आउर छुटकारा नी पावल सोउब आदमीमन में फाइल जायला।

2 कुरिनथियनमन 8:9

तोहरेमन हमर प्रभु यीशु मसीह केर किरपा के जानाला कि उ धनी होई के हों तोहरे लगिन गरीब बाइन गेलक, ताकि उकर गरीब बाइन जाएक से तोहरेमन धनी बाइन जबा।

गलातियनमन 1:4

हमर आबा परमेश्‍वर केर इच्छा केर मोताबिक मसीह यीशु खुद के हमरे केर पापमन केर क्षमा लगिन बलिदान काइर देलक। ताकि हमरे इ दुनिया केर आदमीमन केर बुरा असर से बचल रहब।

गलातियनमन 2:20

इ एइसन अहे जइसन मोंय मसीह केर संगे क्रूस उपरे मोइर गेलों, आउर अब मोंय जिंदा नी रहलों, बल्कि मसीह मोर में जिंदा अहे। आउर मोंय काया में अब जे जिंदा अहों, तो सिरिफ उ बिसवास से जिंदा अहों, जे परमेश्‍वर केर बेटा उपरे अहे, जे मोर से प्रेम करलक, आउर मोर लगिन खुद के देई देलक।

इफिसियनमन 1:4

खास काइर के परमेश्‍वर हमरे के यीशु मसीह में एक होवेक केर चलते दुनिया केर सिरजन से पहिले चुइन लेई हे। ताकि हमरे उकर सामने पवितर आउर निरदोष रहब।

इफिसियनमन 3:17

आउर बिसवास से मसीह तोहर भीतरे डेरा करोक जइसन कि तोहरेमन उकर में भरसा कराला, मोंय प्रार्थना करोना कि परमेश्‍वर लगिन आउर दोसरमन लगिन तोहर प्रेम तोहरे के मजबूत बनाओक आउर भटकेक से बचाओक।

इफिसियनमन 3:19

मोंय प्रार्थना करोना कि मसीह हमरे से कइसन प्रेम करेला इके तोहरे जानेक पारबा जे आदमी केर समझ से बाहरे अहे, ताकि तोहरे केर स्वभाव परमेश्‍वर केर स्वभाव नियर बाइन जाओक।

इफिसियनमन 4:15

बल्कि प्रेम से सच्चा गोठियाय के हमरे के सोउब रकम से पक्का होवेक चाही, ताकि मसीह नियर बनेक पारब जे कि मूँड़ हेके।

इफिसियनमन 4:2

मतलब पूरा नरम भाव से छोट बाइन के प्रेम से दोसरमन केर गलती के साइह लेवा।

इफिसियनमन 5:15

इ लगिन सावधानी से देखते रहा कि कइसन जिंदगी जियाथा, निरबुद्धियामन नियर निहीं मगर बुध्दिमानमन नियर चला।

इफिसियनमन 5:25

हे पतिमन, अपन-अपन जनाना से प्रेम करा, जइसन कि मसीह हों कलीसिया से प्रेम काइर के उके शुद्ध करेक ले खुद के उकर लगिन देई देलक।

फिलिप्पियनमन 4:18

मोर ठिना सोउब कुछ अहे, आउर भरपूर अहे, जे रुपया तोहरेमन इपफ्रुदीतुस केर हाँथ से भेइज रहा उके पाय के मोंय अघाय जाय हों। मोर लगिन तोहर भेंट एइसन सुगंध आउर ग्रहण करेक लाएक बलिदान नियर हेके, जेके पुरोहित, परमेश्‍वर लगिन चढ़ायला, आउर परमेश्‍वर उके ग्रहण करेला आउर खुश होवेला।

कुलुसियनमन 3:14

सोउब से खास काम जेके तोहरे के करेक चाही, उ इ हेके कि एक दोसर से प्रेम करा। एइसन काइर के तोहरे समूचा रीति से एक मन होई जावा।

1थिस्सलुनीकियनमन 4:9

मगर संगी बिसवासी भाईमन से प्रेम केर बारे में इ जरुरी नखे कि मोंय तोहर ठिना कोनों लिखमूँ, काले कि आपस में प्रेम रखेक तोहरेमन खुद हें परमेश्‍वर से सीख हा।

1 तीमुथियुस 2:6

जे सोउब आदमीमन के छुटकारा देवेक केर दाम केर रूप में खुद के बलिदान काइर देलक। उकर बलिदान केर द्वारा परमेश्‍वर ठीक समय में गवाही देलक, ताकि जेमन बचेक चाहैना उ सोउबमन बाइच जाओक।

1 तीमुथियुस 4:12

केखो तोर जवानी केर जिंदगी के घिरना करेक केर मोका ना मिलोक, मगर तोंय अपन बोली में, ब्यवहार में, दोसरमन से प्रेम करेक में, यीशु मसीह उपरे बिसवास करेक में, आउर पवितर जिंदगी जियेक में बिसवासीमन लगिन नमूना बाइन जा।

तीतुस 2:14

जे खुद के हमर लगिन बलिदान काइर देलक, आउर हमरे के सोउब रकम केर अधरम से छुटकारा देलक आउर शुद्ध काइर के हमरे के अपन लगिन खास आदमी बनाय लेलक, जे भला काम करेक लगिन पूरा पुरी तेयार रहोक।

इब्रानीमन 8:3

एगो महापुरोहित के, पापमन केर क्षमा लगिन भेंट आउर बलिदान चढ़ाएक ले ठहराल जायला, इकर चलते जरुरी अहे कि महापुरोहित यीशु ठिना हों चढ़ाएक लगिन कोनों होवोक।

इब्रानीमन 9:14

तो सोचा, मसीह केर लोहू आउर केतना बगरा हमरे के उ काममन से शुद्ध करी, जेकर सजा माउत हेके, ताकि हमरे जिंदा परमेश्‍वर केर आराधना करेक पारब। काले कि मसीह खुद के परमेश्‍वर लगिन जुग-जुग केर आत्मा केर शक्ति से सिद्ध बलिदान केर रूप में हमरे केर पापमन केर खातिर चढ़ाय देलक।

इब्रानीमन 9:23

इ लगिन तंबू आउर आराधना केर चीजमन के जे स्वरग केर चीजमन केर नमूना हेके, शुद्ध करेक ले जानवर के बलिदान करेक जरुरी अहे, मगर स्वरग केर असली चीजमन के शुद्ध करेक लगिन जानवरमन केर लोहू से हों आउर बढ़ियाँ बलिदान केर जरुरत अहे।

1 पतरस 4:8

आउर सोउब से बेस गोइठ इ हेके कि एक दोसर से गहरा प्रेम करा काले कि अगर तोहरेमन आदमीमन से प्रेम कराला, तो तोहरे सोउब बेरा कोनोवें पाप काम के माफ करेक लगिन तेयार रहबा, जे उमन काइर हैं।

1 यूहन्ना 3:16

हमरेमन प्रेम के इकरे से जानली कि यीशु हमर लगिन अपन प्राण के देई देलक। एहे लगिन हमरेमन के हों अपन बिसवासी भाई-बहिनमन लगिन अपन प्राण के देवेक चाही।

1 यूहन्ना 3:23

आउर उकर आगया इ हेके कि हमरे उकर बेटा यीशु मसीह केर नाँव उपरे बिसवास करब आउर जइसन उ हमरे के आगया देई हे उकरे मोताबिक एक दोसर से प्रेम करब।

प्रकाशितवाक्य 1:5

आउर यीशु मसीह केर बटले, जे बिसवास लायक गवाह आउर मोरलमन में से फिन से जी उठेक वालामन में पहिलौठा, आउर धरती केर राजामन केर हों राजा हेके, तोहरे के किरपा आउर शांति मिलते रहोक। उ हमरे से प्रेम करेला, आउर उ अपन लोहू से हमरे के पापमन से छोड़ाय हे।

प्रकाशितवाक्य 5:9

आउर उमन इ नवाँ गीत गावेक लगलैं: “तोंय इ किताब के लेवेक आउर इकर मोहर के खोलेक केर लायक अहिस, काले कि तोंय बलि होई के अपन लोहू से हरेक गोतर, भाषा, आदमीमन, आउर जाइत में से परमेश्‍वर केर लगिन आदमीमन के कीन लेई हिस।