इफिसियनमन 5:11 - सादरी नवाँ नियम

¹¹ आउर शैतान केर बेकार काममन में शामिल ना होवा, बल्कि आदमीमन के बतावा कि इ काममन बुरा हेके।

इफिसियनमन 5:11 Iomraidhean Croise

रोमानियनमन 13:12

इ बुरा दुनिया में हमर रहेक केर बेरा लगभग सिराय जाय हे। जइसन कि राइत ढेइर बीत जाय हे आउर दिन होवेक वाला अहे, आउर मसीह केर घूइर आवेक केर बेरा भीरे पोंहइच जाय हे। से लगिन हमरे के अंधार केर काममन के छोइड़ देवेक अहे, आउर हमरे के ओहे काममन के करेक अहे, जे बुरा काममन के करेक से रोकेला, जइसन सिपाही अपन हँथियार के इंजोत में धारण काइर के रहेला।

1 तीमुथियुस 5:20

जेमन पाप करैना, तोके उमन के सोउब बिसवासीमन केर सामने डाँटेक चाही, ताकि दोसर बिसवासीमन पाप करेक से डराबैं।

2 थिस्सलुनीकियनमन 3:6

हे भाईमन, हमरे अपन प्रभु यीशु मसीह केर उ अधिकार से जेके हमरे के देई हे तोहरेमन के आगया देवीला, एइसन केऊवे बिसवासी भाई-बहिन से जुदा रहा जेमन आलसी अहैं, आउर उ आगयामन के नी मानैना जेमन के हमरे तोहरेमन के सिखाय ही।

रोमानियनमन 16:17

अब हे बिसवासी भाईमन, मोंय तोहरेमन से बिनती करोना कि जेमन एक दोसर से झगरा लाडै़ना, आउर जेमन एइसन काम करैना जेकर से बिसवासीमन ठोकर खायना, उमन के जाइन लेवा आउर उमन से दूर रहा।

प्रकाशितवाक्य 18:4

फिन मोंय स्वरग से एगो आवाज सुनलों, “हे मोर आदमीमन, उकर में से निकइल के आवा ताकि तोहरेमन उकर पापमन में भागीदार ना होबा, आउर उकर बिपइतमन में से कोनों तोहर उपरे ना आय जाओक।

तीतुस 2:15

से लगिन हे तीतुस, मोंय चाहोना कि तोंय क्रेते टापू केर बिसवासीमन के इ गोइठमन के सिखाव, जेमन के मोंय तोके सिखाय हों आउर उके करेक लगिन उसकाव। जहाँ जरुरत होवी हूवाँ उमन के सुधराव, तोके एइसन करेक केर पूरा अधिकार अहे। जे कोनों तोंय सिखाइसला उके केऊ अनदेखा ना करोक।

2 थिस्सलुनीकियनमन 3:14

अगर केऊ हमर इ चिट्ठी केर संदेश के नी मानी, तो पता लगावा कि उ केहर हेके, आउर उकर से जुदाय रहा, ताकि उके लाज लगोक।

रोमानियनमन 6:21

तोहरे बुरा काममन के करला, आउर एखन अब तोहरे उ काममन से लजावला, तो तोहरे का पाला? उ काममन सिरिफ माउत के लानेला।

2 तीमुथियुस 4:2

कि तोंय परमेश्‍वर केर संदेश के परचार कर आउर जब आदमीमन परमेश्‍वर केर संदेश के सुनेक चाहैना, आउर जब सुनेक नी चाहैना सोउब समय तेयार रह, आदमीमन का गलती काइर हैं उके तोंय बताव आउर उ मनक पापमन केर खातिर उमन के डाँट। मगर उमन के उसकाव हों आउर धीरज से सिखाव।

2 तीमुथियुस 3:5

उमन खुद एइसन देखाबैं जइसन कि परमेश्‍वर केर सेवा करैना, मगर उकर शक्ति के नी मानबैं, जे उमन केर जिंदगी के बदलेक पारेला, तोंय एइसन आदमीमन से दूर रहबे।

गलातियनमन 6:8

अगर केऊ आदमी अपन काया केर इच्छामन के पूरा करेला, तो उके जुग-जुग केर दंड मिली। आउर अगर केऊ पवितर आत्मा केर इच्छामन के पूरा करेला, तो उके जुग-जुग केर जिंदगी मिली।

1थिस्सलुनीकियनमन 5:7

काले कि जेमन निंदायना उमन राइत हें के निंदायना, आउर जेमन मतवारी करैना उमन राइत हें के मतवारी करैना।

लूका 3:19

मगर इसराइल देस केर एक चौथाई भाग गलील परदेस केर राजा हेरोदेस, अपनेहें भाई फिलिप्पुस जे एखन जीते रहे, उकर जनाना हेरोदियास के बिहा काइर रहे, आउर उकर सोउब बुरा काममन केर बारे में यूहन्ना उके डाँइट रहे।

इफिसियनमन 5:7

से लगिन एइसन पाप काममन के करेक वालामन केर साथ ना देबा।

इफिसियनमन 4:22

से लगिन तोहरेमन पिछला चाइल-चलन आउर पुरना पापी स्वभाव के छोइड़ देवा, जे तोहरे के बुरा इच्छामन में फँसाय के धोखा देलक आउर तोहर जिंदगी के बरबाद काइर देलक।

मत्ती 18:15

अगर तोर बिसवासी भाई तोर बिरोध में गुन्हा करेला, तो जाय के उके एकले में उकर गुन्हा के बताव आउर समझाव, अगर उ तोर गोइठ के माइन जाई आउर गुन्हा करेक छोइड़ देई, तो तोंय अपन भाई के पाय लेले।

1 तीमुथियुस 6:5

आउर उमन केर माझे में बेकार झगरा शुरु होवेला, जेमन केर बुद्धि बिगइड़ जाय हे आउर उमन सच्चाई से भटइक जाय हैं, जेमन समझैना कि परमेश्‍वर केर बारे में सिखाएक रुपया कमाएक केर जरिया हेके।

खास चेलामन केर काम 26:18

मोंय तोके उ मनक आँइख खोलेक लगिन, उमन के अंधार से इंजोत में लानेक लगिन, मतलब शैतान केर अधिकार से छोड़ाय के परमेश्‍वर बटे लानेक लगिन उमन ठिना भेजाथों। जेकर से उमन मोर उपरे बिसवास काइर के अपन पापमन केर क्षमा पाओक आउर पवितर करल आदमीमन केर माझे अपन ठाँव के पाओक।’

इफिसियनमन 5:12

काले कि अबिसवासी मनक लुकल काममन केर चरचा करेक हों लाज केर गोइठ हेके।

कुलुसियनमन 1:12

आउर आबा परमेश्‍वर के धन्यबाद देते रहा, जे तोहरे के उ बपौती अधिकार में भागी होवेक केर लायक बनाय हे, जेके उ स्वरग केर राइज में अपन आदमीमन के देवेक लगिन तेयार काइर हे।

1 तीमुथियुस 5:22

जब तक केऊ अपने आप के मसीह केर बिसवास लायक सेवक साबित नी करी, तब तक तोंय उकर उपरे हाँथ राइख के उके सेवक ना ठहराबे। अगर तोंय एइसन करबे तो उ मनक पापमन केर भागीदार तोंय होबे, से लगिन खुद के पवितर बनाय के रख।