इफिसियनमन 4:6 - सादरी नवाँ नियम

⁶ आउर हमरे सोउब एके गो परमेश्‍वर केर आराधना करिला, जे सोउब केर आबा हेके, जे हमरे सोउब केर उपरे राइज करेला। आउर हमरे सोउब में होई के काम करेला, आउर सोउब में रहेला।

इफिसियनमन 4:6 Iomraidhean Croise

मत्ती 6:13

आउर हमरे के परीक्षा में ना लान, मगर शैतान केर बहकाएक से बचाव, काले कि राइज आउर पराक्रम आउर महिमा सोउब बेरा तोर हें हेके। आमीन।

मत्ती 6:9

से लगिन तोहरेमन इ लेखे प्रार्थना करबा: हे परमेश्‍वर हमरे केर आबा, तोंय जे स्वरग में अहिस। तोर नाँव पवितर मानल जाओक।

यूहन्ना 14:23

यीशु उके जबाब देलक, “मोंय खुद के एइसन आदमीमन उपरे दिस्तार करोना, जेमन मोर से प्रेम करैना आउर मोर बचन के मानैना। उमन से मोर आबा परमेश्‍वर हों प्रेम करी, आउर हमरे उमन ठिना आवब आउर उमन संगे रहब।

यूहन्ना 17:26

आउर मोंय उमन के बतालों कि तोंय के हेकिस आउर बताते रहमूँ, जेकर से जे प्रेम मोके देई हिस ओहे प्रेम उमन में बनल रहोक आउर मोंय हों उमन में बनल रहमूँ।”

यूहन्ना 20:17

यीशु उकर से कहलक, “मोके धाइर के ना रोक काले कि मोंय एखन तक आबा परमेश्‍वर ठिना स्वरग नी जाय हों। मगर तोंय मोर चेलामन ठिना जा, आउर उमन से इ कहबे कि मोंय अपन आबा, आउर तोहर आबा, आउर अपन परमेश्‍वर आउर तोहर परमेश्‍वर ठिना स्वरग जाथों।”

रोमानियनमन 11:36

काले कि सोउब कुछ उकरे बटे से आवेला, ओहे सोउब कुछ के बनाय हे, आउर उकरे लगिन सोउब कुछ अहे, उकरे महिमा जुग-जुग होते रहोक आमीन।

1 कुरिनथियनमन 12:6

हमरे केर जिंदगी में परमेश्‍वर अलग-अलग तरीका से काम करेला, मगर इ ओहे परमेश्‍वर हेके जे हमरे केर जरिया से काम करेला।

1 कुरिनथियनमन 8:6

फिन भी हमरेमन लगिन एके गो परमेश्‍वर अहे, मतलब आबा जेकर बटले सोउब चीजमन अहे, आउर हमरे उकरे लगिन अही, आउर एके गो प्रभु अहे, मतलब यीशु मसीह जेकर द्वारा सोउब चीजमन होलक, आउर हमरे हों उकरे द्वारा अही।

2 कुरिनथियनमन 6:16

आउर परमेश्‍वर केर मंदिर केर रिश्ता मूर्तिमन से नखे, काले कि हमरे तो जिंदा परमेश्‍वर केर मंदिर हेकी, जइसन पवितर किताब में परमेश्‍वर कइह हे, “मोंय इ आदमीमन केर संगे रहमूँ आउर उमन केर संगे चलमूँ-फिरमूँ, मोंय उमन केर परमेश्‍वर होमूँ, आउर उमन मोर आदमी होबैं।”

इफिसियनमन 1:21

हूवाँ उकर नाँव सोउब रकम केर प्रधानता आउर अधिकार, आउर शक्ति, आउर प्रभुता केर उपरे, आउर हरेक नाँव केर उपरे, जे ना सिरिफ इ दुनिया में मगर आवेक वाला दुनिया में हों लेवल जाई।

इफिसियनमन 2:22

जेकर में तोहरे परजाइत बिसवासीमन हों यीशु मसीह केर संगे एक जुट होई के पवितर आत्मा केर शक्ति से परमेश्‍वर केर रहेक ठाँव होवेक लगिन एक संगे बनाल जवाला।

इफिसियनमन 3:17

आउर बिसवास से मसीह तोहर भीतरे डेरा करोक जइसन कि तोहरेमन उकर में भरसा कराला, मोंय प्रार्थना करोना कि परमेश्‍वर लगिन आउर दोसरमन लगिन तोहर प्रेम तोहरे के मजबूत बनाओक आउर भटकेक से बचाओक।

इफिसियनमन 6:23

मोंय हमर आबा परमेश्‍वर आउर प्रभु यीशु मसीह से प्रार्थना करोना कि तोहरे बिसवासी भाईमन के शांति मिलोक, आउर तोहरे एक दोसर से प्रेम करा आउर मसीह उपरे बिसवास में बनल रहा।

1 यूहन्ना 3:24

आउर जे परमेश्‍वर केर आगयामन के मानेला उ परमेश्‍वर में आउर परमेश्‍वर उकर में बनल रहेला। आउर इकरे से हमरेमन जानिला कि उ हमर में बास करेला, काले कि उ हमरे के अपन आत्मा देई हे।