इफिसियनमन 4:5 - सादरी नवाँ नियम

⁵ हमरे सोउब केर एके गो प्रभु अहे, जेकर उपरे हमरे सोउब बिसवास करिला। हमरे सोउब के यीशु मसीह केर नाँव से बपतिस्मा जल संस्कार देवल जाय हे।

इफिसियनमन 4:5 Iomraidhean Croise

मत्ती 28:19

से लगिन तोहरेमन जाय के सोउब जाइत केर आदमीमन के चेला बनावा आउर उमन के एगो चिन्हा केर रूप में आबा, आउर बेटा, आउर पवितर आत्मा केर नाँव से बपतिस्मा जल संस्कार देवा,

खास चेलामन केर काम 10:36

परमेश्‍वर हमरे ठिना, मतलब इसराइलीमन ठिना अपन बचन के भेजलक। आउर इ शुभ समाचार सुनालक कि यीशु मसीह उपरे बिसवास करेक से परमेश्‍वर केर संगे सही रिश्ता बनाल जाएक परायला। एहे यीशु सोउब केर प्रभु हेके।

खास चेलामन केर काम 2:36

से लगिन इसराइल देस केर सोउब आदमीमन इ गोइठ के पक्का जाइन लेवा कि परमेश्‍वर एहे यीशु के, जेके तोहरे क्रूस उपरे चढ़ाला, प्रभु आउर मसीह दुयो ठहराय हे।”

रोमानियनमन 3:30

काले कि एके गो परमेश्‍वर अहे, जे खतना करेक वालामन के हों बिसवास करेक से आउर खतना नी करेक वालामन के हों बिसवास करेक से धरमी ठहरायला।

1 कुरिनथियनमन 1:13

“जे तोहरेमन कराथा इ ठीक नखे,” का तोहरेमन लगिन इ ठीक अहे कि मसीह के एइसन बाँइट देबा? का मोंय पौलुस तोहरे केर पाप केर दाम चुकाएक लगिन क्रूस उपरे जान देई हों? या का तोहरे मोर चेला बनेक लगिन बपतिस्मा जल संस्कार लेई हा?

1 कुरिनथियनमन 1:2

इ चिट्ठी के हमरे परमेश्‍वर केर उ कलीसिया केर नाँव में लिखाथी, जे कुरिन्थुस शहर में अहे, जहाँ केर बिसवासीमन के परमेश्‍वर यीशु मसीह केर द्वारा अपन आदमी केर रूप में अलग काइर हे आउर अपन पवितर आदमी बनेक लगिन बोलाय हे, जे नियर कि परमेश्‍वर उ सोउबमन के चुइन हे, जेमन सोउब ठाँव में हमर प्रभु यीशु मसीह केर सेवा करैना, काले कि उ हमरे सोउब केर प्रभु हेके।

1 कुरिनथियनमन 12:13

काले कि हमरे सोउब चाहे यहूदी हेकी, चाहे यूनानी, चाहे धांगर, चाहे आजाद अही, हमरे एक हें आत्मा केर द्वारा एक काया होवेक लगिन बपतिस्मा जल संस्कार लेई ही, आउर हमरे सोउब एक हें आत्मा पाय ही।

1 कुरिनथियनमन 12:5

परमेश्‍वर हमरे के काम करेक लगिन अलग-अलग रकम केर सेवा देवेला, मगर हमरे एक हें प्रभु केर सेवा करिला।

1 कुरिनथियनमन 8:6

फिन भी हमरेमन लगिन एके गो परमेश्‍वर अहे, मतलब आबा जेकर बटले सोउब चीजमन अहे, आउर हमरे उकरे लगिन अही, आउर एके गो प्रभु अहे, मतलब यीशु मसीह जेकर द्वारा सोउब चीजमन होलक, आउर हमरे हों उकरे द्वारा अही।

2 कुरिनथियनमन 11:4

जब कभी केऊ तोहरे ठिना आय के, केऊ दोसर यीशु केर परचार करेला जेकर परचार हमरे नी काइर ही, चाहे कोनों दोसर आत्मा के पावाला जेके पहिले नी पाय रहा, चाहे तोहरेमन कोनों दोसर शुभ समाचार के सुनला जेके पहिले नी सुइन रहा, तो तोहरे तुरते उके ग्रहण काइर लेवाला जे कि गलत है।

गलातियनमन 5:6

अगर तोहरे मसीह यीशु केर चेलामन हेका तो इकर से कोनों फरक नी पड़ेला कि तोहरे केर खतना होई हे या निहीं। मगर खास गोइठ इ हेके कि हमरे मसीह उपरे बिसवास करिला, आउर परमेश्‍वर आउर दोसर आदमीमन से प्रेम करिला।

इफिसियनमन 4:13

आउर कलीसिया तब तक मजबूत होते रही जब तक कि हमरे सोउब बिसवास में, आउर परमेश्‍वर केर बेटा केर बारे में हमर समझ एक बराबइर नी होई जाई। आउर हमरे पक्का बिसवासी बाइन के पूरा पुरी मसीह नियर नी बाइन जाब, जे कि सिद्ध अहे।

फिलिप्पियनमन 2:11

आउर परमेश्‍वर आबा केर महिमा लगिन सोउब मनवा जाइत माइन लेवोक कि यीशु मसीह हें प्रभु हेके।

फिलिप्पियनमन 3:8

काले कि यीशु मसीह के जानेक बाकी सोउब चीजमन से किमती अहे, से लगिन मोंय सोउब चीजमन के बेकार समझोना। जेकर चलते मोंय सोउब चीजमन के छोइड़ देलों, आउर उमन के कचरा समझोना, जेकर से मोंय मसीह के जानमूँ।

तीतुस 1:1

इ चिट्ठी मोंय पौलुस बटले हेके, मोंय परमेश्‍वर केर दास आउर यीशु मसीह केर चुनल खास चेला हेकों। मोके परमेश्‍वर केर चुनल आदमीमन केर बिसवास के मजबूत करेक आउर यीशु मसीह केर सच्चा शिक्षामन के जानेक में मदइत करेक लगिन ठहराल जाय हे, ताकि उमन एइसन जिंदगी जिओक जे परमेश्‍वर के खुश करेला।

तीतुस 1:4

मोंय इ चिट्ठी, हे तीतुस तोके लिखाथों, तोंय मोर अपन बेटा नियर अहिस काले कि तोंय हों यीशु मसीह में बिसवास करिसला। मोंय प्रार्थना करोना कि आबा परमेश्‍वर आउर छुटकारा देवाइया यीशु मसीह बटले तोके किरपा आउर शांति मिलते रहोक।

इब्रानीमन 13:7

जेमन तोहर अगुवा रहैं, आउर जेमन तोहरेमन के परमेश्‍वर केर बचन सुनाय हैं, उमन के याइद करा आउर उ मनक चाइल-चलन के धेयान से देखा कि उमन कइसन जिंदगी जिलैं आउर मोरलैं। आउर उमन केर बिसवास देइख के तोहरे हों उमन नियर परमेश्‍वर उपरे बिसवास करा।

इब्रानीमन 6:6

अगर उमन भटइक जाबैं तो उमन के फिन से वापस लानेक केर कोनों उपाय नखे, काले कि उमन परमेश्‍वर केर बेटा के फिन से क्रूस उपरे चढ़ायना आउर खुइल के उकर अपमान करैना, आउर दोसरमन केर सामने मसीह के नीचा देखायना।

याकूब 2:18

आउर केऊ एहो कहेक पारेला, “तोके बिसवास अहे, आउर मोंय भला काम करोना।” मगर मोंय तोके कहोना, “तोंय अपन बिसवास के मोके बेगर भला काम करले देखाव आउर मोंय अपन बिसवास अपन भला काम काइर के तोके देखामूँ।”

1 पतरस 3:21

पुरना समय में उ मनक छुटकारा, अब हमर छुटकारा केर एगो उदाहरन हेके, जे पानी में हमरे बपतिस्मा जल संस्कार लेविला, उ हमरे केर काया से मइला के दूर नी करेला, मगर इ एगो चिन्हा हेके। हमरेमन आबा परमेश्‍वर से माफी माँइग ही, ताकि आगे हमरे केर मन परेशान ना रहोक। हमरे के माफ करल जाएक पराई काले कि यीशु मसीह मोरेक केर पाछे फिन से जी उइठ हे।

2 पतरस 1:1

मोंय सिमोन पतरस जे यीशु मसीह केर सेवक आउर चुनल खास चेला हेकों, इ चिट्ठी के उमन के लिखाथों, जेमन हमर परमेश्‍वर आउर छुटकारा देवाइया यीशु मसीह केर धरमी होवेक से हमर जइसन ढेइर किमती बिसवास पाय हैं।

यहूदा 1:20

मगर हे दुलार बिसवासी भाई-बहिनमन, तोहरेमन बगरा पवितर बिसवास में बढ़ोतरी लगिन एक दोसर केर मदइत करते रहा, आउर पवितर आत्मा केर अगुवाई में प्रार्थना करते रहा।

यहूदा 1:3

हे दुलार बिसवासी भाई-बहिनमन, हमरे जे छुटकारा में भागीदार अही, उकर बारे में मोंय ढेइर हें लालायित होई के लिखेक चाहत रहों, मगर अब मोके इ जरुरी लगाथे कि इ चिट्ठी केर जरिया से तोहरे के समझामूँ कि तोहरे उ बिसवास केर हिफाजत लगिन कोशिश करा, जेके परमेश्‍वर पवितर आदमीमन के सोउब दिन लगिन देई हे।