इफिसियनमन 4:3 - सादरी नवाँ नियम

³ आउर मेल मिलाप के बनाय के रखा, जेके पवितर आत्मा तोहरे के एक दोसर से शांति केर संगे रहेक से देवेला, जे हमरे के आपस में एक दोसर से मिल के रहेक में मदइत करेला।

इफिसियनमन 4:3 Iomraidhean Croise

मरकुस 3:24

अगर एक राइज केर आदमीमन एक दोसर से लड़ते रहबैं, तो उमन केर राइज बगरा समय तक नी टिकी।

यूहन्ना 13:34

मोंय तोहरेमन के एगो नवाँ आगया देवाथों, ‘तोहरेमन एक दोसर से प्रेम करा।’ जइसन मोंय तोहरेमन से प्रेम करोना, ओहे लेखे तोहरेमन हों एक-दोसर से प्रेम करा।

1 कुरिनथियनमन 1:10

हे बिसवासी भाईमन, मोंय हमर प्रभु यीशु मसीह केर अधिकार से तोहरेमन से हाँथ जोइर के अरजी करोना कि तोहरे सोउब एक दोसर केर गोइठ के माना, आउर तोहर माझे फूट ना होवोक मगर एक हें मन आउर एक हें बिचार काइर के मिल के रहा।

2 कुरिनथियनमन 13:11

हे बिसवासी भाईमन, खुश रहा, सिद्ध बनते जावा, मोर सलहा के सुना, एक मन रहा, मेल-जोल से रहा, आउर प्रेम आउर शांति केर देवाइया परमेश्‍वर तोहर संगे रही।

इफिसियनमन 4:13

आउर कलीसिया तब तक मजबूत होते रही जब तक कि हमरे सोउब बिसवास में, आउर परमेश्‍वर केर बेटा केर बारे में हमर समझ एक बराबइर नी होई जाई। आउर हमरे पक्का बिसवासी बाइन के पूरा पुरी मसीह नियर नी बाइन जाब, जे कि सिद्ध अहे।

इफिसियनमन 4:4

हमरे सोउब एके गो काया में जुड़ल अही, (मतलब कलीसिया में) आउर हमरे सोउब के एके गो आत्मा मिल हे। जब तोहरेमन परमेश्‍वर केर आदमी बनेक लगिन चुनल गेला, तब तोहरे के जे आसरा मिल हे ओहे आसरा हमरेमन के हों मिल हे।

1थिस्सलुनीकियनमन 5:13

आउर जे कोनों उमन तोहर लगिन करैना, उकर चलते उमन केर ढेइर आदर करा आउर उमन के ढेइर प्रेम करा आउर आपस में मेल जोल से रहा।

इब्रानीमन 12:14

सोउब से मेल-जोल रखा आउर पवितर जिंदगी जियेक केर कोशिश करा, काले कि बेगर पवितर जिंदगी जिले केऊ परमेश्‍वर के देखेक नी पारबैं।