इफिसियनमन 4:21 - सादरी नवाँ नियम

²¹ बल्कि जे कोनों तोहरेमन यीशु मसीह केर बारे में सुइन हा, आउर जे कोनों तोहर सिखाएक वालामन तोहरे के सिखाय हैं, ओहे मसीह केर सच्चा संदेश हेके।

इफिसियनमन 4:21 Iomraidhean Croise

मत्ती 17:5

उ कहते हें रहे कि एगो चमकीला बदरी उमन के ढाँइप देलक, आउर उ बदरी में से इ शबद सुनालक, “इ मोर दुलार बेटा हेके, जेकर से मोंय खुश अहों, इकर गोइठ के सुना।”

लूका 10:16

जे तोहरे केर संदेश के सुनेला, उ मोर के सुनेला, आउर जे तोहरेमन के ठुकरायला, उ मोके ठुकरायला, आउर जे मोके ठुकरायला, उ परमेश्‍वर के ठुकरायला, जे मोके भेइज हे।”

यूहन्ना 1:17

परमेश्‍वर केर नियम मूसा बटले देवल जाय रहे, मगर परमेश्‍वर अपन किरपा आउर सच्चाई के यीशु मसीह बटले हमरे तक पोंहचालक।

यूहन्ना 10:27

जइसन भेड़ीमन अपन असली चरवाहा केर आवाज के चिन्हैना, तइसनेहें मोर आदमीमन मोर गोइठमन उपरे धेयान देवैना। मोंय उमन के जानोना आउर उमन मोर चेला बाइन जाय हैं।

यूहन्ना 14:17

उ पवितर आत्मा हेके, जे परमेश्‍वर केर बारे में सच्चाई के देखायला, जेके दुनिया केर आदमीमन मानेक नी पारैना, काले कि उमन उके ना तो देखैना आउर ना जानैना। तोहरेमन उके जानाला, काले कि उ तोहर संगे रहेला, आउर उ तोहर में रही।

यूहन्ना 14:6

यीशु उकर से कहलक, “डहर आउर सच्चाई आउर जिंदगी मोंय हें हेकों, बिना मोर से होई के केऊ आबा परमेश्‍वर ठिना पोंहचेक नी पारी।

रोमानियनमन 10:14

मगर इकर से पहिले कि आदमीमन उकर से मदइत माँगबैं, उमन के प्रभु उपरे बिसवास करेक होवी, आउर इकर से पहिले कि उमन प्रभु उपरे बिसवास करबैं, उमन के प्रभु केर बारे में सुनेक होवी, आउर आदमीमन प्रभु केर बारे में सुनबैं, इकर लगिन केखो प्रभु केर बारे में उकर उपरे बिसवास करेक लगिन बताएक होवी।

2 कुरिनथियनमन 1:20

काले कि परमेश्‍वर केर जेतना करारमन अहे उ सोउब मसीह में हाँ केर साथ पूरा होलक, आउर से लगिन हमरे यीशु मसीह केर द्वारा से परमेश्‍वर केर महिमा लगिन आमीन कहिला।

2 कुरिनथियनमन 11:10

अगर मसीह केर सच्चाई मोर में पक्का अहे, तो अखया परदेस में केऊ मोके इ घमंड से रोकेक नी पारी।

इफिसियनमन 1:13

आउर जब तोहरे हों छुटकारा केर शुभ समाचार के सुनला आउर यीशु मसीह उपरे बिसवास करला, तो परमेश्‍वर तोहरे के पवितर आत्मा के देलक। जेके उ अपन आदमीमन के देवेक केर करार काइर रहे। पवितर आत्मा तोहरे उपरे एगो छाप नियर अहे जे इ बतायला कि तोहरे परमेश्‍वर केर हेका।

इफिसियनमन 2:17

आउर यीशु मसीह आय के तोहरे परजाइतमन जे दूर रहा, आउर इसराइलीमन जे भीरे रहैं, दुयो के शांति केर शुभ समाचार सुनालक।

कुलुसियनमन 1:5

तोहर इ बिसवास आउर प्रेम उ आसरा हेके, जे तोहरेमन लगिन स्वरग में रखल अहे। जेकर चरचा तोहरे उ शुभ समाचार केर सच्चा बचन में पहिलेहें से सुइन चुइक हा।

कुलुसियनमन 1:6

जे शुभ समाचार तोहर ठिना पोंहइच हे, आउर जइसन गोटा दुनिया भइर में फाइल जाथे, आउर ढेइर आदमीमन बिसवासी बाइन जाथैं, आउर तोहरे उके सुनला आउर उ सच्चा संदेश के पूरा पुरी बुइझ गेला कि परमेश्‍वर केतना किरपा से भरल अहे, आउर बिलकुल एहे गोइठ तोहर माझे में उ बेरा से होवाथे जब तोहरे पहिली बेर संदेश सुइन रहा।

कुलुसियनमन 2:7

आउर उकरे में मजबूत होते आउर बढ़ते जावा, आउर जइसन तोहरेमन के सिखाल जाय हे तइसनेहें बिसवास में पोक्ता होते जावा, आउर लगातार परमेश्‍वर के धन्यबाद देते रहा।

1 यूहन्ना 5:20

हमरेमन एहो जानिला कि परमेश्‍वर केर बेटा यीशु मसीह इ दुनिया में आय जाय हे आउर उ हमरेमन के समझ देई हे कि हमरे उ सच्चा परमेश्‍वर के चिन्हब, हमरेमन उकर में जे सच्चाई हेके मतलब उकर बेटा यीशु मसीह में रहिला। सच्चा परमेश्‍वर आउर जुग-जुग केर जिंदगी एहे हेके।