इफिसियनमन 4:2 - सादरी नवाँ नियम

² मतलब पूरा नरम भाव से छोट बाइन के प्रेम से दोसरमन केर गलती के साइह लेवा।

इफिसियनमन 4:2 Iomraidhean Croise

मत्ती 11:29

मोर पाछे होई लेवा आउर मोर से सिखा, काले कि मोंय मन से सीधा आउर हृदय से नरम अहों, इ लेखे तोहरेमन अपन मन में आराम पाबा।

मरकुस 9:19

इ सुइन के यीशु जबाब देलक, “हे अबिसवासी आदमीमन, मोंय कब तक तोहरेमन केर संगे रहमूँ? आउर कब तक तोहरेमन केर सहमूँ? उ छोंड़ा के मोर ठिना लाना।”

खास चेलामन केर काम 20:19

आउर का लेखे मोंय आँसू बहाय-बहाय के खुद के नरम बनाय के उ सोउब बिपत्तिमन में प्रभु केर सेवा करते रहलों, जे यहूदी अगुवामन केर जाल फंदा केर खातिर मोर उपरे आय रहे।

रोमानियनमन 15:1

अगर हमरे केर बिसवास मजबूत अहे तो जेमन केर बिसवास कमजोर अहे, उमन केर मदइत करेक चाही, ना कि खुद के खुश करेक चाही।

1 कुरिनथियनमन 13:7

प्रेम करेक वाला आदमीमन सोउब गोइठमन के साइह लेवैना, उमन हर स्थिति में परमेश्‍वर उपरे बिसवास करेक नी छोड़ैना, आउर उमन बिसवास केर संगे परमेश्‍वर उपरे आसरा करैना, उमन दुःख तकलीफ के हों साइह के स्थिर बनल रहैना।

गलातियनमन 6:2

हमर में से जेमन दुःखमन में अहैं, तो हमरे के उमन केर मदइत करेक चाही, एहे नियर हमरे मसीह केर नियम के मानिला।

इफिसियनमन 1:4

खास काइर के परमेश्‍वर हमरे के यीशु मसीह में एक होवेक केर चलते दुनिया केर सिरजन से पहिले चुइन लेई हे। ताकि हमरे उकर सामने पवितर आउर निरदोष रहब।

कुलुसियनमन 1:11

मोंय प्रार्थना करोना कि परमेश्‍वर अपन महिमा से भरल शक्ति से तोहरेमन के ढेइर मजबूत करोक ताकि तोहरे धीरज आउर आनंद से अपन दुःखमन के सहेक पारबा।

1 तीमुथियुस 6:11

मगर हे तीमुथियुस, तोंय परमेश्‍वर केर सेवा करेक वाला आदमी हेकिस, तोंय इ सोउब चीजमन के करेक से बचबे आउर धरमी बाइन के, भक्ति, बिसवास, प्रेम, धीरज आउर नरम भाव से आदमीमन केर संगे रह।

2 तीमुथियुस 2:25

आउर बिरोधीमन के हों नरम होई के समझाओक, काले कि एहो होवेक परायला, परमेश्‍वर उमन के पाप के छोड़ेक आउर मसीह केर सच्चाई के जानेक में मदइत करी।

याकूब 1:21

इ लगिन समूचा गंदा चाइल-चलन आउर समूचा बुराई के दूर काइर के, उ बचन के नरम बाइन के ग्रहण काइर लेवा, जे तोहर दिल में बुनल जाय हे आउर जे तोहर जीउ के बचाएक पारेला।

1 पतरस 3:15

मगर मसीह के प्रभु माइन के उकर आराधना करा, अगर केऊ उ आसरा केर बारे में पूछी जेके बिसवासी होवेक केर चलते हमरे सोउब आपस में साझा करिला, तो सोउब बेरा उके समझाएक लगिन तेयार रहा, मगर इके नरम आउर आदर से करबा।

1 पतरस 3:8

आखरी में, मोंय तोहरे से इ कहेक चाहाथों कि तोहरे सोउब एकजूट रहा, आउर एक दोसर केर फिकिर करा, भाई-बहिन केर प्रेम नियर दोसरमन से प्रेम करा, दोसर मनक उपरे दया करा, एक दोसर केर संगे नरम बना।