इफिसियनमन 4:16 - सादरी नवाँ नियम

¹⁶ हमरे सोउब जे मसीह उपरे बिसवास करिला, उकर काया केर अंगमन नियर अही। जे नियर एगो आदमी केर काया उकर समूचा जोड़मन से एके संगे जुड़ल रहेला, आउर जब काया केर हरेक अंग ठीक से काम करेला तो काया बढ़ेला आउर मजबूत होवेला, ओहे नियर जब हमर में से हरेक झन उ काम के करेला जेके करेक ले मसीह हमरे के देई हे, तो हमरे मजबूत आउर पक्का बाइन जाइला।

इफिसियनमन 4:16 Iomraidhean Croise

यूहन्ना 15:5

मोंय अंगूर केर बुदा नियर अहों, तोहरेमन उकर लरंग नियर अहा, जे लेखे लरंग अंगूर केर बुदा में जुड़ल रहेला, तब उ फारेला, सेहे नियर जे मोर में बनल रहेला आउर मोंय उकर में बनल रहोना, तो उ बगरा फरेला, काले कि मोर से अलग होई के तोहरेमन कोनोवें करेक नी पारबा।

रोमानियनमन 12:4

काले कि जइसन हमरे केर एगो काया में ढेइर अंगमन अहैं, आउर सोउब अंगमन केर एके नियर काम नखे।

1 कुरिनथियनमन 10:17

काले कि एके गो रोटी अहे जे मसीह हेके, जबकि हमरे ढेइर अही, तो हमरे एके गो काया बाइन जाइला काले कि हमरे सोउब ओहे एके गो रोटी के खाइला।

1 कुरिनथियनमन 13:13

तो हमर परमेश्‍वर में बिसवास आउर आसरा, आउर हमर परमेश्‍वर लगिन प्रेम आउर हमर संगी बिसवासीमन लगिन प्रेम, इ तीनों सोउब दिन ले बनल रही, मगर इमन में से सोउब से बढ़ियाँ प्रेम हेके।।

1 कुरिनथियनमन 8:1

तोहरे अपन चिट्ठी में मूर्तिमन लगिन बलि चढ़ाल चीजमन केर बारे में पूइछ हा, हमरे सोउब इकर बारे में जानिला, मगर गेयान हमरे के खुद केर उपरे घमंडी बनायला, जबकि प्रेम हमरे के एक दोसर केर मदइत करेक वाला बनायला।

गलातियनमन 5:22

मगर उ गुणमन जे पवितर आत्मा से सिरजेला, इमन हेकैं: प्रेम, आनंद, शांति, धीरज,

गलातियनमन 5:6

अगर तोहरे मसीह यीशु केर चेलामन हेका तो इकर से कोनों फरक नी पड़ेला कि तोहरे केर खतना होई हे या निहीं। मगर खास गोइठ इ हेके कि हमरे मसीह उपरे बिसवास करिला, आउर परमेश्‍वर आउर दोसर आदमीमन से प्रेम करिला।

इफिसियनमन 1:4

खास काइर के परमेश्‍वर हमरे के यीशु मसीह में एक होवेक केर चलते दुनिया केर सिरजन से पहिले चुइन लेई हे। ताकि हमरे उकर सामने पवितर आउर निरदोष रहब।

इफिसियनमन 3:17

आउर बिसवास से मसीह तोहर भीतरे डेरा करोक जइसन कि तोहरेमन उकर में भरसा कराला, मोंय प्रार्थना करोना कि परमेश्‍वर लगिन आउर दोसरमन लगिन तोहर प्रेम तोहरे के मजबूत बनाओक आउर भटकेक से बचाओक।

इफिसियनमन 3:7

आउर मोंय परमेश्‍वर केर मुफत दान से जे उकर किरपा आउर शक्ति से देवल जाय हे, उकर शुभ समाचार परचार करेक केर सेवक बनलों।

इफिसियनमन 4:12

उ आदमीमन के इ सोउब बरदानमन के इ लगिन देलक, ताकि उमन परमेश्‍वर केर आदमीमन के परमेश्‍वर केर लगिन काम करेक ले तेयार करबैं। आउर मसीह केर काया, मतलब, कलीसिया मजबूत होवेक पारोक।

इफिसियनमन 4:15

बल्कि प्रेम से सच्चा गोठियाय के हमरे के सोउब रकम से पक्का होवेक चाही, ताकि मसीह नियर बनेक पारब जे कि मूँड़ हेके।

फिलिप्पियनमन 1:9

आउर मोंय इ प्रार्थना करोना कि एक दोसर लगिन तोहर प्रेम, गेयान आउर सोउब रकम केर भितरी समझ सहित बढ़ते हें जाओक।

कुलुसियनमन 2:19

आउर इ लेखे उ मसीह से जुड़ल रहेक नी पारेला, जे समूचा काया केर मूँड़ हेके। जे लेखे मूँड़ समूचा काया के चलायला ओहे लेखे मसीह अपन सोउब आदमीमन के चलायला ताकि उमन एके संगे रहबैं। जे लेखे काया केर सोउब जोड़मन आउर साँस लेवेक वाला अंगमन काया में जुड़ल रहेला आउर परमेश्‍वर बटले बढ़ते जायला।

कुलुसियनमन 2:2

आउर मोंय तोहरे सोउब के बिसवास में मजबूत करेक चाहोना जेकर से तोहरे प्रेम में एक संगे जोड़ल जबा आउर सच्चाई केर भरपूर समझ में धनवान बाइन जबा आउर परमेश्‍वर आबा केर लुकल गोइठ के जे मसीह हेके जाइन जबा।

1थिस्सलुनीकियनमन 1:3

आउर जब हमरे अपन परमेश्‍वर से प्रार्थना करिला, तो तोहरे केर उ काम के जेके बिसवास से कराला, आउर दोसरमन केर परती प्रेम देखाएक लगिन कठिन मेहनइत कराला, आउर यीशु मसीह केर घूइर आवेक केर आसरा से दुःख में तोहरेमन केर धीरज के लगातार याइद करिला।

1थिस्सलुनीकियनमन 2:13

इ लगिन हमरे हों परमेश्‍वर केर धन्यबाद लगातार करिला कि जब तोहरे उ संदेश के सुनला, जेके हमरे तोहर माझे परचार करली, तो तोहरे उके परमेश्‍वर केर बचन समइझ के ग्रहण करला आउर उ संदेश परमेश्‍वर बटले हें रहे। आउर अब तोहरेमन मसीह उपरे बिसवास कराला परमेश्‍वर केर इ संदेश तोहरे में काम कराथे।

1थिस्सलुनीकियनमन 3:12

हमरे एहो प्रार्थना करिला कि प्रभु यीशु एक दोसर से प्रेम करेक में तोहर मदइत करोक, आउर तोहर प्रेम बढ़ते जाओक जइसन हमर प्रेम हों तोहर लगिन पहिले से अहे।

2 थिस्सलुनीकियनमन 1:3

हे भाईमन, तोहर बारे में हमरे के लगातार परमेश्‍वर के धन्यबाद देवेक चाही, एइसन करेक हमरे लगिन उचित अहे, इ लगिन कि तोहरे प्रभु यीशु मसीह में ढेइर बिसवास कराला, आउर एक दोसर केर लगिन तोहर प्रेम ढेइर बगरा बढ़ते जाथे।

1 तीमुथियुस 1:5

तोहरे के इ आगया देवेक केर मोर मकसद इ हेके कि तोहरे एक दोसर के सच्चा मन, शुद्ध बिवेक आउर पूरा बिसवास से प्रेम करा।

1 पतरस 1:22

काले कि सच्चाई केर पालन करेक केर चलते तोहरे के तोहर पापमन से शुद्ध करल जाय हे, अब तोहरे एक दोसर से अपन भाई नियर तन-मन आउर पूरा दिल से प्रेम करते रहा।

1 यूहन्ना 4:16

हमरेमन बेस लेखे जानिला आउर बिसवास हों करिला कि परमेश्‍वर हमरेमन से प्रेम करेला। परमेश्‍वर प्रेम हेके, आउर जे प्रेम में बनल रहेला उ परमेश्‍वर में बनल रहेला, आउर परमेश्‍वर उकर में बनल रहेला।