इफिसियनमन 4:13 - सादरी नवाँ नियम

¹³ आउर कलीसिया तब तक मजबूत होते रही जब तक कि हमरे सोउब बिसवास में, आउर परमेश्‍वर केर बेटा केर बारे में हमर समझ एक बराबइर नी होई जाई। आउर हमरे पक्का बिसवासी बाइन के पूरा पुरी मसीह नियर नी बाइन जाब, जे कि सिद्ध अहे।

इफिसियनमन 4:13 Iomraidhean Croise

मत्ती 11:27

मोर आबा परमेश्‍वर मोके सोउब कुछ केर उपरे अधिकार देई हे, सिरिफ परमेश्‍वर आबा हें बेटा के जानेला, आउर बेटा हें परमेश्‍वर आबा के जानेला, आउर बेटा जे आदमी के चाहेला उकर उपरे उके दिस्तार करेला।

यूहन्ना 1:16

काले कि उकर भरपूरी में से हमरे आशीष उपरे आशीष पाली।

यूहन्ना 16:3

उमन एइसन इ लगिन करबैं काले कि उमन ना तो आबा परमेश्‍वर के जाइन हैं आउर ना मोके जाइन हैं।

यूहन्ना 17:21

कि उमन सोउब एक होई जाओक। हे आबा परमेश्‍वर, जइसन तोंय मोर में अहिस, आउर मोंय तोर में अहों, तइसनेहें उमन हों हमर में होई जाओक। जेकर से इ दुनिया केर आदमीमन इ बिसवास करोक कि तोंय हें मोके भेइज हिस।

यूहन्ना 17:3

आउर जुग-जुग केर जिंदगी इ हेके कि उमन तोके जे एके गो सच्चा परमेश्‍वर हेकिस आउर मोंय यीशु मसीह के, जेके तोंय भेइज हिस, जानोक।

यूहन्ना 6:69

आउर हमरे बिसवास करिला आउर जानिला कि परमेश्‍वर केर पवितर आदमी तोंय हें हेकिस।”

खास चेलामन केर काम 4:32

आउर चेला मनक इ दल में सोउबमन एक मन आउर एक प्राण रहैं। हिंयाँ तक कि केऊ हों अपन सम्पति के अपन नी कहात रहैं, जे कुछ उ मनक ठिना रहे, उकर में सोउब केर साझा रहे।

1 कुरिनथियनमन 1:10

हे बिसवासी भाईमन, मोंय हमर प्रभु यीशु मसीह केर अधिकार से तोहरेमन से हाँथ जोइर के अरजी करोना कि तोहरे सोउब एक दोसर केर गोइठ के माना, आउर तोहर माझे फूट ना होवोक मगर एक हें मन आउर एक हें बिचार काइर के मिल के रहा।

1 कुरिनथियनमन 14:20

हे बिसवासी भाईमन, तोहरेमन गोइठमन के समझेक में छउवा ना बना, बुराई केर गोइठ गोठियाएक में तो बालक छउवा नियर बना, मगर इ नियर केर गोइठमन के समझेक में सेयाना बना।

1 कुरिनथियनमन 2:6

फिन भी जब मोंय बिसवास में मजबूत बिसवासीमन ठिना रहोना, तो गेयान केर गोइठमन के गोठियावना, मगर इ दुनिया केर आदमीमन केर गेयान आउर इ दुनिया केर हाकिममन केर गेयान निहीं, जेमन नाश होवेक वाला अहैं।

2 कुरिनथियनमन 4:6

इ लगिन कि परमेश्‍वर कहलक, “अंधार में से इंजोत चमकोक,” आउर ओहे परमेश्‍वर हमरे के हमर हिरदय में दीया नियर समझ के देलक, ताकि हमरे परमेश्‍वर केर महिमा के देखेक पारली, जे यीशु मसीह में दिसेला।

गलातियनमन 4:19

हे मोर दुलार छउवामन, जइसन जनानामन छउवा के जनम देवेक बेरा बथा के सहैना, तइसनेहें जब तक तोहरे मसीह नियर नी बाइन जबा, तब तक फिन एक बेर मोंय तोहरे लगिन मेहनइत काइर के बथा के सहाथों।

इफिसियनमन 1:17

मोंय प्रार्थना करोना कि हमर प्रभु यीशु मसीह केर आबा परमेश्‍वर जे महिमा से भरल अहे, तोहरेमन के आत्मिक बुद्धि आउर समझ देवी जेकर से तोहरे उके आउर बढ़ियाँ से जानेक पारबा।

इफिसियनमन 1:23

जे कलीसिया मसीह केर काया हेके, जेके उकरे से पूरा आउर भरपूर बनाल जाय हे, जे सोउब ठिना सोउब कुछ के भाइर देवेला।

इफिसियनमन 2:15

आउर अपन माउत से उ मूसा केर नियम केर सोउब रीति रिवाज के मेटाय देलक, ताकि उ इसराइली आदमीमन आउर परजाइत आदमीमन केर माझे मेल काइर के एगो नवाँ झूँड़ बनाएक पारोक।

इफिसियनमन 4:12

उ आदमीमन के इ सोउब बरदानमन के इ लगिन देलक, ताकि उमन परमेश्‍वर केर आदमीमन के परमेश्‍वर केर लगिन काम करेक ले तेयार करबैं। आउर मसीह केर काया, मतलब, कलीसिया मजबूत होवेक पारोक।

इफिसियनमन 4:3

आउर मेल मिलाप के बनाय के रखा, जेके पवितर आत्मा तोहरे के एक दोसर से शांति केर संगे रहेक से देवेला, जे हमरे के आपस में एक दोसर से मिल के रहेक में मदइत करेला।

इफिसियनमन 4:5

हमरे सोउब केर एके गो प्रभु अहे, जेकर उपरे हमरे सोउब बिसवास करिला। हमरे सोउब के यीशु मसीह केर नाँव से बपतिस्मा जल संस्कार देवल जाय हे।

फिलिप्पियनमन 3:10

ताकि मोंय मसीह के आउर बढ़ियाँ से जाइन लेमूँ, आउर उकर मोरलमन में से जी उठेक केर शक्ति के महसूस करमूँ, आउर मौत में उकर लेखे बाइन के उकर दुःखमन में भागीदार होई जामूँ।

फिलिप्पियनमन 3:8

काले कि यीशु मसीह के जानेक बाकी सोउब चीजमन से किमती अहे, से लगिन मोंय सोउब चीजमन के बेकार समझोना। जेकर चलते मोंय सोउब चीजमन के छोइड़ देलों, आउर उमन के कचरा समझोना, जेकर से मोंय मसीह के जानमूँ।

कुलुसियनमन 1:28

हमरे मसीह केर बारे में परचार काइर के हर आदमी के चेतावनी देवीला, आउर उ समूचा गेयान सहित जेके परमेश्‍वर हमरे के देई हे, सोउब आदमीमन के शिक्षा देवीला। ताकि हमरे इ पक्का करेक पारब कि जब उमन परमेश्‍वर केर भीरे खड़ा होबैं, तो हर केऊ मसीह में एगो मजबूत बिसवासी होवी।

कुलुसियनमन 2:2

आउर मोंय तोहरे सोउब के बिसवास में मजबूत करेक चाहोना जेकर से तोहरे प्रेम में एक संगे जोड़ल जबा आउर सच्चाई केर भरपूर समझ में धनवान बाइन जबा आउर परमेश्‍वर आबा केर लुकल गोइठ के जे मसीह हेके जाइन जबा।

इब्रानीमन 5:14

ठोस आहार उमन लगिन अहे, जेमन बचन केर पालन काइर के बिसवास में मजबूत होई जाय हैं, आउर अनुभव से भला-बुरा के चिन्हेक पारैना।

2 पतरस 1:4

इ सोउब से परमेश्‍वर हमरे के ढेइर महान आउर किमती बरदान देई हे जेकर करार उ काइर रहे। ताकि हमरे इ बरदानमन केर इस्तेमाल काइर के दुनिया केर उ बुरा लालसामन से बचेक पारब, जे आदमीमन के नाश करेला। जेकर से हमरे परमेश्‍वर केर स्वभाव केर भागीदार बनेक पारब।

2 पतरस 3:18

मगर हमर प्रभु आउर छुटकारा देवाइया यीशु मसीह केर किरपा आउर गेयान में बढ़ते जावा। उकरे महिमा एखन हों होवोक, आउर युग-युग होते रहोक। आमीन।

1 यूहन्ना 5:20

हमरेमन एहो जानिला कि परमेश्‍वर केर बेटा यीशु मसीह इ दुनिया में आय जाय हे आउर उ हमरेमन के समझ देई हे कि हमरे उ सच्चा परमेश्‍वर के चिन्हब, हमरेमन उकर में जे सच्चाई हेके मतलब उकर बेटा यीशु मसीह में रहिला। सच्चा परमेश्‍वर आउर जुग-जुग केर जिंदगी एहे हेके।