इफिसियनमन 3:9 - सादरी नवाँ नियम

⁹ आउर सोउब आदमीमन केर माझे परमेश्‍वर केर लुकल योजना के बखाइन करमूँ, जेके दुनिया केर सोउब चीजमन केर सिरजाएक वाला शुरु से लुकाय के राइख हे।

इफिसियनमन 3:9 Iomraidhean Croise

मत्ती 10:27

जे गोइठ के मोंय तोहरेमन से अंधार में कहाथों, उके इंजोत में कहबा आउर जे कुछ मोंय तोहरेमन के कान में धीरे से सुनालों, उके तोहरेमन खुइल के सोउब केर सामने परचार करबा।

मत्ती 13:35

जेकर से परमेश्‍वर केर संदेश के बताएक वाला केर कहल इ गोइठ पूरा होवोक, “मोंय उदाहरन बताएक लगिन अपन मुँह खोलमूँ, मोंय उ गोइठमन के जे दुनिया केर शुरु से लुकल अहे, दिस्तार करमूँ।”

मत्ती 25:34

तब मोंय राजा अपन भतखाइया बटे केर आदमीमन से कहमूँ, ‘हे मोर आबा केर धाइन आदमीमन, आवा, स्वरग राइज केर अधिकारी बाइन जावा, जे दुनिया केर शुरु से तोहर लगिन तेयार करल अहे।

मत्ती 28:19

से लगिन तोहरेमन जाय के सोउब जाइत केर आदमीमन के चेला बनावा आउर उमन के एगो चिन्हा केर रूप में आबा, आउर बेटा, आउर पवितर आत्मा केर नाँव से बपतिस्मा जल संस्कार देवा,

लूका 24:47

आउर यरुशलेम शहर से लेई के सोउब जाइत केर आदमीमन में, पसताप काइर के पापमन के छोड़ेक केर आउर पापमन केर क्षमा केर परचार उकरे नाँव से करल जाई।

यूहन्ना 10:30

मोंय आउर आबा परमेश्‍वर एके हेकी।”

यूहन्ना 5:17

यीशु उमन के जबाब देलक, “मोर आबा परमेश्‍वर एखन तक काम करते अहे, से लगिन मोंय हों लगातार काम करोना।”

यूहन्ना 5:19

यीशु यहूदी धरम केर अगुवामन से कहलक, “मोंय तोहरेमन से सच-सच कहाथों, बेटा, मतलब मोंय अपन से कोनों करेक नी पारोना, सिरिफ ओहे करेक पारोना जे काममन के मोंय आबा परमेश्‍वर के करते देखोना, काले कि जइसन मोर आबा परमेश्‍वर करेला ठीक तइसनेहें मोंय हों करोना।

खास चेलामन केर काम 15:18

इ गोइठमन के ओहे प्रभु कइह हे, जेकर बारे में दुनिया केर सिरजन से समाचार देते आय हे।’

रोमानियनमन 11:25

हे बिसवासी भाईमन, मोंय चाहोना कि तोहरेमन इ भेद के बुझा, ताकि तोहरे खुद में घमंड ना करबा, थोरेक इसराइलीमन कठोर मन वाला अहैं, इ कठोर बनल रहेक तब तक रही, जब तक कि परजाइत आदमीमन केर मसीह में बिसवास करेक केर गिनती पूरा नी होवी।

1 कुरिनथियनमन 2:7

मगर जे गेयान केर गोइठमन के हमरे गोठियाइला उ परमेश्‍वर केर लुकल गेयान हेके, इके एखन तक केऊ नी बुझलैं। इकर से पहिले कि परमेश्‍वर धरती के बनालक, उ पहिलेहें फैसला काइर चुइक रहे कि उकर गेयान से हमरे के महिमा मिली।

इफिसियनमन 1:4

खास काइर के परमेश्‍वर हमरे के यीशु मसीह में एक होवेक केर चलते दुनिया केर सिरजन से पहिले चुइन लेई हे। ताकि हमरे उकर सामने पवितर आउर निरदोष रहब।

इफिसियनमन 3:2

तोहरे जरूर सुइन हा परमेश्‍वर अपन किरपा से तोहरेमन के शुभ समाचार सुनाएक केर जिम्मेदारी मोके देई हे।

इफिसियनमन 6:19

तोहरे मोर लगिन हों प्रार्थना करा जेकर से गोठियाएक बेरा मोके एइसन गोइठ देवल जाओक कि मोंय निडर होई के शुभ समाचार केर भेद के बताएक पारमूँ।

कुलुसियनमन 1:23

अगर तोहरेमन केर बिसवास यीशु मसीह उपरे पोक्ता बनल रही, उ घर केर जइसन जे एगो मजबूत नेव केर उपरे खड़ा रहेला, आउर उ आसरा के नी छोड़बा जे शुभ समाचार उपरे बिसवास करेक से तोहरे के मिल हे, जेकर परचार आकाश केर हेंठे गोटा दुनिया में सोउब मनवा केर माझे करल जाय हे, आउर मोंय पौलुस ओहे शुभ समाचार केर परचार करोना।

कुलुसियनमन 1:26

मतलब उ लुकल गोइठ के जे ढेइर समय से आउर उ पुरखामन से जेमन गुजइर गेलैं लुकल रहे, परमेश्‍वर अब उके अपन पवितर आदमीमन उपरे दिस्तार काइर हे।

कुलुसियनमन 3:3

काले कि तोहरेमन तो पाप केर स्वभाव लगिन मोइर गेला, आउर अब तोहर नवाँ जिंदगी मसीह केर संगे परमेश्‍वर में लुकल अहे।

कुलुसियनमन 4:3

आउर इकर संगे हें संगे हमर लगिन हों प्रार्थना करते रहा कि परमेश्‍वर हमर लगिन बचन परचार करेक ले एइसन दुरा खोइल देवोक कि हमरे मसीह केर उ भेद केर बखाइन करेक पारब, जेकर चलते मोंय एखन जेहेल में अहों।

2 थिस्सलुनीकियनमन 2:13

हे प्रभु केर दुलारा भाईमन, इ उचित अहे कि हमरे लगातार तोहर लगिन परमेश्‍वर के धन्यबाद देवब। काले कि उ दुनिया केर सिरजन से पहिले तोहरे के चुइन लेई हे ताकि तोहरे के बचाएक पारोक। उ पवितर आत्मा केर काममन से जे तोहरे के शुद्ध करेला, आउर यीशु मसीह केर बारे में सच्चा संदेश उपरे तोहर बिसवास करेक केर चलते तोहरे के बचायला।

1 तीमुथियुस 3:16

आउर इकर में शंका नखे कि परमेश्‍वर जे शिक्षामन के खोइल देई हे, उ पूरा पुरी सच्चा अहे। मतलब, उ जे आदमी केर रूप में दिस्तार होलक, आउर उके पवितर आत्मा बटले परमेश्‍वर केर बेटा केर रूप में साबित करल गेलक, स्वरगदूतमन उके देखलैं, चेलामन दुनिया केर सोउब देस में उकर बारे में आदमीमन के खुश खबरी सुनालैं, दुनिया भइर केर आदमीमन उकर उपरे बिसवास करलैं, आउर परमेश्‍वर उके उपरे स्वरग में उठाय लेलक।

2 तीमुथियुस 1:9

जे हमरे के बचालक आउर पवितर जिंदगी जियेक लगिन बोलालक, उ हमरे के हमर बेस काममन केर चलते निहीं। मगर अपन योजना केर मोताबिक यीशु मसीह के हमर लगिन दुनिया में मोरेक ले भेजेक केर चलते हमर उपरे किरपा करलक।

2 तीमुथियुस 4:17

मोंय यीशु मसीह केर बारे में संदेश के परजाइत आदमीमन के सफा-सफा बताएक पारलों, ताकि उमन शुभ समाचार के सुनोक, मगर प्रभु मोर मदइतगार रहलक, आउर मोके शक्ति देलक ताकि मोर द्वारा पूरा-पूरा परचार होवोक, आउर सोउब जाइत केर आदमीमन सुइन लेवोक, मोंय तो बाघ केर मुँह से बचेक नियर माउत से छोड़ाल गेलों।

तीतुस 1:2

जेकर से उमन परमेश्‍वर केर संगे जुग-जुग रहेक लगिन आसरा करैना, काले कि परमेश्‍वर जे कहियो झूठ नी बोलेला दुनिया के सिरजाएक से पहिले करार काइर रहे कि उकर आदमीमन जुग-जुग लगिन जीते रहबैं।

1 पतरस 1:20

इ दुनिया केर सिरजाल जाएक से पहिले, परमेश्‍वर पहिलेहें से ठहराय लेई रहे कि यीशु मसीह छोड़ाएक वाला होवी। मगर उ तोहर मदइत करेक लगिन इ आखरी दिनमन में धरती में आलक।

प्रकाशितवाक्य 13:8

धरती केर उपरे रहेक वाला सोउब आदमीमन राक्षस केर पूजा करेक लगलैं। सिरिफ ओहेमन उकर पूजा नी करलैं, जेमन केर नाँव दुनिया केर सिरजन होवेक से पहिलेहें से जिंदगी केर किताब में लिखल जाय रहे। इ जिंदगी केर किताब उ मेमना केर किताब हेके, जेके बलिदान केर रूप में माइर देवल जाय रहे।

प्रकाशितवाक्य 14:6

फिन मोंय एक आउर स्वरगदूत के आकाश केर माझे में उड़ते देखलों, जेकर ठिना धरती केर रहेक वाला आदमीमन केर हर एक जाइत, गोतर, भाषा आउर आदमीमन के सुनाएक लगिन जुग-जुग केर शुभ समाचार रहे।

प्रकाशितवाक्य 17:8

जे जानवर तोंय देइख हिस, उ पहिले तो रहे, मगर अब नखे, मगर उ बेथाह गढ़हा से निकइल के आवी, सेहे बेरा उकर बिनाश होई जाई। आउर धरती केर रहेक वाला आदमीमन जेमन केर नाँव दुनिया केर सिरजेक बेरा से जिंदगी केर किताब में लिखल नखे, इ जानवर केर इ दशा देइख के कि पहिले रहे, आउर अब नखे आउर फिन आय जाई, ताजुब करबैं।

प्रकाशितवाक्य 4:11

“हे हमर प्रभु आउर परमेश्‍वर, तोंय हें महिमा आउर आदर आउर शक्ति केर लायक अहिस, काले कि तोंय हें सोउब चीजमन के सिरजाले आउर उमन तोर हें चाह से रहे, आउर सिरजाल गेलक।”