इफिसियनमन 3:8 - सादरी नवाँ नियम

⁸ जबकि मोंय परमेश्‍वर केर आदमीमन में से सोउब से छोट अहों, फिन भी मोर उपरे परमेश्‍वर केर किरपा होलक कि मोंय परजाइत आदमीमन के मसीह केर शुभ समाचार सुनामूँ।

इफिसियनमन 3:8 Iomraidhean Croise

लूका 14:22

धांगर जाय के तइसनेहें आदमीमन के बतालक, फिन घूइर आय के मालिक से कहलक, ‘हे मालिक, जइसन तोंय कइह रहिस, तइसनेहें मोंय करलों, मगर भोज घर में आउर हें ठाँव बचल अहे।’

यूहन्ना 1:16

काले कि उकर भरपूरी में से हमरे आशीष उपरे आशीष पाली।

खास चेलामन केर काम 5:41

खास चेलामन महासभा से इ कइह के खुशी मनाते चाइल गेलैं कि हमरे यीशु केर चलते बेइज्जत होवेक केर लायक तो बनली।

खास चेलामन केर काम 9:15

मगर प्रभु यीशु उकर से कहलक, “तोंय चाइल जा। उ मोर चुनल आदमी हेके। उ परजाइत आदमीमन, राजामन, आउर इसराइली आदमीमन केर माझे मोर बारे में परचार करी।

रोमानियनमन 11:33

अहा! परमेश्‍वर केर धन आउर बुद्धि आउर गेयान कइसन गंभीर अहे! उकर बिचार के केऊ बखाइन करेक नी पारैना आउर उकर डहर के केऊ समझेक नी पारैना!

रोमानियनमन 12:10

एक दोसर से अपन परिवार केर आदमी नियर प्रेम करा, बाइढ़ चाइढ़ के एक दोसर के आदर करा।

रोमानियनमन 2:4

का तोहरे परमेश्‍वर केर दया, आउर सहन करेक, आउर धीरज रुपी धन के तुच्छ जानाला? आउर का, इ नी बुझाला कि परमेश्‍वर केर दया तोहरेमन के पाप करेक के छोड़ेक ले सिखायला?

1 कुरिनथियनमन 1:30

मगर परमेश्‍वर तोहरे के यीशु मसीह में एक काइर हे, जेकर से उ हमरे के अपन गेयान देई हे। आउर परमेश्‍वर हमरे के अपन देखेक में धरमी हों बनायला, यीशु मसीह केर चलते हमरे पवितर बनाल जाय ही आउर यीशु मसीह हमरे के पाप से छुटकारा देई हे।

1 कुरिनथियनमन 15:9

काले कि मोंय यीशु केर चुनल खास चेलामन में सोउब से छोट हेकों, बल्कि चेला कहाएक केर लायक हों नखों, काले कि मोंय परमेश्‍वर केर कलीसिया केर बिसवासीमन के सताय रहों।

1 कुरिनथियनमन 2:9

जइसन कि पवितर किताब में लिखल अहे, “जे कहियो आँइख से दिस्तार नी देलक, आउर जेके केऊ कहियो नी सुनलैं आउर केऊ कहियो नी बुझलैं, ओहे बेस चीजमन के परमेश्‍वर अपन से प्रेम करइयामन लगिन तेयार काइर हे।”

गलातियनमन 2:8

काले कि जे परमेश्‍वर पतरस के यहूदीमन केर माझे यीशु केर चुनल खास चेला बनेक लगिन ठहरालक, ओहे परमेश्‍वर मोके परजाइत आदमीमन केर माझे यीशु केर चुनल खास चेला बनेक लगिन ठहराय हे।

इफिसियनमन 2:7

परमेश्‍वर एइसन करलक जेकर से उ आवेक वाला दिन में दुनिया केर आदमीमन के इ देखाएक पारी कि उकर किरपा केतना बड़का अहे। जे किरपा के उ हमरे लगिन जेमन यीशु मसीह में एक होई जाय ही, सोउब कुछ काइर के देखालक।

इफिसियनमन 3:1

से लगिन मोंय पौलुस तोहरे परजाइत आदमीमन लगिन मसीह यीशु केर काम करेक केर चलते जेहेल घर में बंदी अहों।

इफिसियनमन 3:16

मोंय प्रार्थना करोना कि उ अपन महिमा से भरल धन केर मोताबिक तोहरेमन के इ दान देवोक कि तोहरेमन उकर आत्मा से अपन भीतरे शक्ति पाय के बलवान होई जबा।

इफिसियनमन 3:19

मोंय प्रार्थना करोना कि मसीह हमरे से कइसन प्रेम करेला इके तोहरे जानेक पारबा जे आदमी केर समझ से बाहरे अहे, ताकि तोहरे केर स्वभाव परमेश्‍वर केर स्वभाव नियर बाइन जाओक।

इफिसियनमन 3:2

तोहरे जरूर सुइन हा परमेश्‍वर अपन किरपा से तोहरेमन के शुभ समाचार सुनाएक केर जिम्मेदारी मोके देई हे।

फिलिप्पियनमन 2:3

स्वार्थ आउर झूठा बड़ाई लगिन कोनों ना करा मगर नरम भाव से एक दोसर के अपन से बगरा बेस समझा।

फिलिप्पियनमन 4:19

आउर मोर परमेश्‍वर हों अपन उ धन केर मोताबिक जे महिमा सहित यीशु मसीह में अहे, तोहर हरेक घटी के पूरा करी।

कुलुसियनमन 1:27

काले कि परमेश्‍वर चाहत रहे कि उकर आदमीमन इ जाइन लेवोक कि मसीह केर धन आउर महिमा तोहरे परजाइत आदमीमन लगिन हों अहे। आउर उ भेद इ हेके कि मसीह जे महिमा केर आसरा हेके तोहरे में रहेला।

1 तीमुथियुस 1:13

मोंय तो बिसवासी बनेक से पहिले मसीह केर बारे में निंदा करेक वाला, आउर बिसवासीमन के सताएक वाला, आउर उमन केर नोकसान करेक वाला रहों, फिन भी परमेश्‍वर केर दया मोर उपरे होलक, काले कि इ काम मोंय अनजाने में करत रहों आउर यीशु मसीह उपरे बिसवास नी करत रहों।

1 तीमुथियुस 1:15

इ गोइठ सच आउर सोउब रकम से मानेक केर लाएक अहे कि मसीह यीशु हमरे पापीमन के बचाएक लगिन दुनिया में आलक, जेमन में से सोउब से बगरा पापी मोंय हेकों।

1 तीमुथियुस 2:7

मोंय सच कहाथों, झूठ नी कहाथों, परमेश्‍वर मोके शुभ समाचार केर परचारक, आउर अपन खास चेला बनेक लगिन चुइन हे। उ मोके परजाइत आदमीमन के बिसवास आउर सच्चाई केर बारे में सिखाएक लगिन हों चुइन हे।

2 तीमुथियुस 1:11

इ शुभ समाचार केर लगिन परमेश्‍वर मोके एगो परचार करेक वाला, सिखाएक वाला, आउर एगो खास चेला केर रूप में चुइन हे।

प्रकाशितवाक्य 3:18

से लगिन मोंय तोके सलहा देवोना कि आइग केर भट्ठी में धिपाय के शुद्ध करल सोना मोर से कीन ले कि तोंय धनी होई जाबे, आउर चरका लुगा लेई ले कि पिंध के तोके अपन नंगापन केर लज्जा ना होवोक, आउर अपन आँइखमन में लगाएक लगिन सुरमा ले कि तोंय देखेक पारबे।