इफिसियनमन 3:4 - सादरी नवाँ नियम

⁴ जब तोहरेमन चिट्ठी के पढ़बा तो यीशु मसीह केर बारे में लुकल योजना के जेके मोंय सफा-सफा समइझ गेलों, तोहरे हों समइझ जबा।

इफिसियनमन 3:4 Iomraidhean Croise

मत्ती 13:11

यीशु जबाब देलक, “तोहरेमन के तो स्वरग राइज केर भेदमन के जानेक केर समझ देवल जाय हे, मगर उ आदमीमन के निहीं।

लूका 8:10

यीशु जबाब देलक, “तोहरेमन के तो परमेश्‍वर केर राइज केर भेदमन के जानेक केर समझ देवल जाय हे। मगर आउर आदमीमन के उदाहरन में सुनाल जायला, जेकर से कि उमन देखेक तो पारबैं मगर उमन के कोनों ना सुझोक, सुनेक तो पारबैं मगर कोनों ना बुझोक।

रोमानियनमन 11:25

हे बिसवासी भाईमन, मोंय चाहोना कि तोहरेमन इ भेद के बुझा, ताकि तोहरे खुद में घमंड ना करबा, थोरेक इसराइलीमन कठोर मन वाला अहैं, इ कठोर बनल रहेक तब तक रही, जब तक कि परजाइत आदमीमन केर मसीह में बिसवास करेक केर गिनती पूरा नी होवी।

रोमानियनमन 16:25

अब परमेश्‍वर केर स्तुति होवोक, जे तोहरेमन के बिसवास में मजबूत बनाएक पारेला, उ शुभ समाचार केर द्वारा आउर यीशु मसीह केर संदेश केर द्वारा जेके मोंय आदमीमन के बतावना। इ मसीह केर बारे में संदेश भेद केर गोइठ हेके, जे शुरु से लुकल रहे मगर अब दिस्तार होलक।

1 कुरिनथियनमन 13:2

आउर अगर मोंय परमेश्‍वर केर संदेश के परचार करमूँ, आउर सोउब भेदमन आउर सोउब रकम केर गेयान के समझमूँ, आउर मोर ठिना परमेश्‍वर उपरे एतना मजबूत बिसवास अहे कि मोंय पहारमन के हों हटाएक पारमूँ, मगर प्रेम नी करमूँ, तो बिलकुल मोर कोनों कीमत नखे।

1 कुरिनथियनमन 4:1

हमरेमन के मसीह केर शुभ समाचार केर सच्चाई आउर परमेश्‍वर केर भेदमन के खोइल के बताएक लगिन जिम्मा सोंपल जाय हे, जे लुकल अहे।

2 कुरिनथियनमन 11:6

मोंय बोलेक में चतूर नखों, मगर मोर ठिना मसीह केर बारे में आउर शुभ समाचार केर बारे में गेयान अहे, बल्कि मोंय अपन सिखाएक केर सोउब गोइठमन में अपन गेयान के देखाय हों।

इफिसियनमन 1:9

आउर जे कोनों यीशु मसीह हमर लगिन करलक, उकर से परमेश्‍वर अपन लुकल योजना के हमरे के देखालक।

इफिसियनमन 3:3

मतलब परमेश्‍वर केर लुकल योजना जे ढेइर पहिले लुकल रहे, मगर परमेश्‍वर मोके देखालक। मोंय पहिलेहें इकर बारे में थोरे-थोरे लीख चुइक हों।

इफिसियनमन 3:9

आउर सोउब आदमीमन केर माझे परमेश्‍वर केर लुकल योजना के बखाइन करमूँ, जेके दुनिया केर सोउब चीजमन केर सिरजाएक वाला शुरु से लुकाय के राइख हे।

इफिसियनमन 5:32

इ एगो किमती आउर गहरा शिक्षा हेके जेके हमरे हिंयाँ समझेक पारिला, मोंय इकर जोड़ी मसीह आउर उकर उपरे बिसवास करेक वालामन से करोना।

इफिसियनमन 6:19

तोहरे मोर लगिन हों प्रार्थना करा जेकर से गोठियाएक बेरा मोके एइसन गोइठ देवल जाओक कि मोंय निडर होई के शुभ समाचार केर भेद के बताएक पारमूँ।

कुलुसियनमन 1:26

मतलब उ लुकल गोइठ के जे ढेइर समय से आउर उ पुरखामन से जेमन गुजइर गेलैं लुकल रहे, परमेश्‍वर अब उके अपन पवितर आदमीमन उपरे दिस्तार काइर हे।

कुलुसियनमन 2:2

आउर मोंय तोहरे सोउब के बिसवास में मजबूत करेक चाहोना जेकर से तोहरे प्रेम में एक संगे जोड़ल जबा आउर सच्चाई केर भरपूर समझ में धनवान बाइन जबा आउर परमेश्‍वर आबा केर लुकल गोइठ के जे मसीह हेके जाइन जबा।

कुलुसियनमन 4:3

आउर इकर संगे हें संगे हमर लगिन हों प्रार्थना करते रहा कि परमेश्‍वर हमर लगिन बचन परचार करेक ले एइसन दुरा खोइल देवोक कि हमरे मसीह केर उ भेद केर बखाइन करेक पारब, जेकर चलते मोंय एखन जेहेल में अहों।

1 तीमुथियुस 3:16

आउर इकर में शंका नखे कि परमेश्‍वर जे शिक्षामन के खोइल देई हे, उ पूरा पुरी सच्चा अहे। मतलब, उ जे आदमी केर रूप में दिस्तार होलक, आउर उके पवितर आत्मा बटले परमेश्‍वर केर बेटा केर रूप में साबित करल गेलक, स्वरगदूतमन उके देखलैं, चेलामन दुनिया केर सोउब देस में उकर बारे में आदमीमन के खुश खबरी सुनालैं, दुनिया भइर केर आदमीमन उकर उपरे बिसवास करलैं, आउर परमेश्‍वर उके उपरे स्वरग में उठाय लेलक।

1 तीमुथियुस 3:9

मगर उके शुद्ध बिवेक से इ बिसवास करेक चाही कि परमेश्‍वर उके जे शिक्षामन के देई हे उ सच हेके।