इफिसियनमन 3:3 - सादरी नवाँ नियम

³ मतलब परमेश्‍वर केर लुकल योजना जे ढेइर पहिले लुकल रहे, मगर परमेश्‍वर मोके देखालक। मोंय पहिलेहें इकर बारे में थोरे-थोरे लीख चुइक हों।

इफिसियनमन 3:3 Iomraidhean Croise

खास चेलामन केर काम 22:17

जब मोंय यरुशलेम शहर में घुरलों आउर यहूदी मनक मंदिर में प्रार्थना करत रहों, तो मोंय एगो दर्शन देखलों।

खास चेलामन केर काम 22:21

आउर प्रभु यीशु मोर से कहलक, ‘चाइल जा, काले कि मोंय तोके सोउब जाइत केर आदमीमन ठिना दूर-दूर तक भेजमूँ।’”

खास चेलामन केर काम 23:9

इ लेखे मुरुक शोर-गूल होवेक लगलक, तब थोरेक फरीसी दल केर आदमीमन जे मूसा केर नियम के सिखाएक वाला रहैं, ठड़ाय गेलैं आउर इ कइह के बिरोध करलैं, “हमरे इ आदमी केर उपरे कोनों दोष नी पावाथी। अगर केऊ आत्मा चाहे स्वरगदूत उकर से कोनों कइह हे, तो फिन का?”

रोमानियनमन 11:25

हे बिसवासी भाईमन, मोंय चाहोना कि तोहरेमन इ भेद के बुझा, ताकि तोहरे खुद में घमंड ना करबा, थोरेक इसराइलीमन कठोर मन वाला अहैं, इ कठोर बनल रहेक तब तक रही, जब तक कि परजाइत आदमीमन केर मसीह में बिसवास करेक केर गिनती पूरा नी होवी।

रोमानियनमन 16:25

अब परमेश्‍वर केर स्तुति होवोक, जे तोहरेमन के बिसवास में मजबूत बनाएक पारेला, उ शुभ समाचार केर द्वारा आउर यीशु मसीह केर संदेश केर द्वारा जेके मोंय आदमीमन के बतावना। इ मसीह केर बारे में संदेश भेद केर गोइठ हेके, जे शुरु से लुकल रहे मगर अब दिस्तार होलक।

2 कुरिनथियनमन 12:1

घमंड करेक तो मोर लगिन ठीक नखे फिन भी करेक पड़ेला, इ लगिन मोंय प्रभु केर देवल दर्शनमन केर आउर भेदमन केर चरचा करमूँ।

गलातियनमन 1:12

काले कि इके मोंय हमर पुरखामन से नी सीख हों, आउर ना ही केऊ धरम केर अगुवामन मोके सिखाय हैं। मगर यीशु मसीह मोके इ शुभ समाचार के देखाय हे।

इफिसियनमन 1:17

मोंय प्रार्थना करोना कि हमर प्रभु यीशु मसीह केर आबा परमेश्‍वर जे महिमा से भरल अहे, तोहरेमन के आत्मिक बुद्धि आउर समझ देवी जेकर से तोहरे उके आउर बढ़ियाँ से जानेक पारबा।

इफिसियनमन 3:4

जब तोहरेमन चिट्ठी के पढ़बा तो यीशु मसीह केर बारे में लुकल योजना के जेके मोंय सफा-सफा समइझ गेलों, तोहरे हों समइझ जबा।

इफिसियनमन 3:6

मतलब परमेश्‍वर केर योजना इ हेके कि यीशु मसीह में जुड़ल जाएक केर चलते परजाइत आदमीमन हों ओहे आशीष के पाबैं, जेके यहूदीमन लगिन देवल जाय हे। अब उमन एके काया मतलब कलीसिया केर अंग होई गेलैं। आउर परमेश्‍वर केर करार जेके यहूदीमन लगिन देवल जाय रहे, उकरो हकदार होई गेलैं।

इफिसियनमन 3:9

आउर सोउब आदमीमन केर माझे परमेश्‍वर केर लुकल योजना के बखाइन करमूँ, जेके दुनिया केर सोउब चीजमन केर सिरजाएक वाला शुरु से लुकाय के राइख हे।

इफिसियनमन 6:19

तोहरे मोर लगिन हों प्रार्थना करा जेकर से गोठियाएक बेरा मोके एइसन गोइठ देवल जाओक कि मोंय निडर होई के शुभ समाचार केर भेद के बताएक पारमूँ।

कुलुसियनमन 2:2

आउर मोंय तोहरे सोउब के बिसवास में मजबूत करेक चाहोना जेकर से तोहरे प्रेम में एक संगे जोड़ल जबा आउर सच्चाई केर भरपूर समझ में धनवान बाइन जबा आउर परमेश्‍वर आबा केर लुकल गोइठ के जे मसीह हेके जाइन जबा।

कुलुसियनमन 4:3

आउर इकर संगे हें संगे हमर लगिन हों प्रार्थना करते रहा कि परमेश्‍वर हमर लगिन बचन परचार करेक ले एइसन दुरा खोइल देवोक कि हमरे मसीह केर उ भेद केर बखाइन करेक पारब, जेकर चलते मोंय एखन जेहेल में अहों।

इब्रानीमन 13:22

हे बिसवासी भाईमन, मोंय तोहरे से बिनती करोना कि इ संदेश के धीरज से सुना, जेके मोंय तोहरे के उसकाएक लगिन लीख हों।

1 पतरस 5:12

मोंय इ चिट्ठी थोरेक शबदमन में सीलास केर मदइत से लीख हों आउर तोहरे के भेइज हों। मोंय उके एक बिसवास लायक भाई केर रूप में मानोना। मोर इके लिखेक केर मकसद तोहरे के उसकाएक आउर बिसवास दिवाएक हेके कि जे कुछ हों तोहरे महसूस कराथा, उ सच में तोहर परती परमेश्‍वर केर किरपा केर हिस्सा हेके। इ किरपा में मजबूत बनल रहा।

2 पतरस 3:15

आउर अगर हमर प्रभु अपन धीरज केर खातिर देरी कराथे तो इके तोहरे अपन छुटकारा पावेक केर एगो मोका केर रूप में समझा, जइसन हमर दुलारा भाई पौलुस हों तोहरे के उ गेयान केर मोताबिक लिखलक, जे परमेश्‍वर उके देई हे, ओहो तोहरे के ओहे गोइठ बतालक जेके मोंय अपन चिट्ठी में बताय हों।