इफिसियनमन 3:21 - सादरी नवाँ नियम

²¹ उकर महिमा कलीसिया में, आउर मसीह यीशु में पीढ़ी से पीढ़ी तक जुग-जुग होते रहोक। आमीन।

इफिसियनमन 3:21 Iomraidhean Croise

मत्ती 6:13

आउर हमरे के परीक्षा में ना लान, मगर शैतान केर बहकाएक से बचाव, काले कि राइज आउर पराक्रम आउर महिमा सोउब बेरा तोर हें हेके। आमीन।

लूका 2:14

“स्वरग में परमेश्‍वर केर महिमा होवोक आउर धरती में उ आदमीमन के शांति मिलोक, जेमन से उ खुश अहे।”

रोमानियनमन 11:36

काले कि सोउब कुछ उकरे बटे से आवेला, ओहे सोउब कुछ के बनाय हे, आउर उकरे लगिन सोउब कुछ अहे, उकरे महिमा जुग-जुग होते रहोक आमीन।

रोमानियनमन 16:27

एके गो बुद्धिमान परमेश्‍वर केर महिमा यीशु मसीह केर द्वारा जुग-जुग होते रहोक। आमीन।

गलातियनमन 1:5

मोंय प्रार्थना करोना कि परमेश्‍वर केर स्तुति जुग-जुग होते रहोक। आमीन।

इफिसियनमन 1:6

से लगिन हमरे समझ से बाहर उकर किरपा केर लगिन उकर बड़ाई करिला, काले कि हमरे के उ किरपा उकर एकलौता दुलार बेटा यीशु मसीह बटले मुफत में मिल हे।

इफिसियनमन 2:7

परमेश्‍वर एइसन करलक जेकर से उ आवेक वाला दिन में दुनिया केर आदमीमन के इ देखाएक पारी कि उकर किरपा केतना बड़का अहे। जे किरपा के उ हमरे लगिन जेमन यीशु मसीह में एक होई जाय ही, सोउब कुछ काइर के देखालक।

इफिसियनमन 4:1

मोंय प्रभु यीशु केर सेवा करोना से लगिन जेहेल में अहों। मोंय तोहरेमन से बिनती करोना कि परमेश्‍वर तोहरेमन के जइसन जिंदगी बिताएक ले बोलाय हे तइसनेहें जिंदगी बितावा।

फिलिप्पियनमन 1:11

आउर उ धरमी बनेक केर फार मतलब बेस गुणमन से जे यीशु मसीह देवेक पारेला, भरपूर होते जबा, जेकर से परमेश्‍वर केर महिमा आउर स्तुति होते रहोक।

फिलिप्पियनमन 2:11

आउर परमेश्‍वर आबा केर महिमा लगिन सोउब मनवा जाइत माइन लेवोक कि यीशु मसीह हें प्रभु हेके।

फिलिप्पियनमन 4:20

हमर आबा परमेश्‍वर केर महिमा जुग-जुग होते रहोक। आमीन।

2 तीमुथियुस 4:18

आउर प्रभु मोके हरेक बुरा काम से छुड़ाई, आउर अपन स्वरग राइज में छुटकारा काइर के पोंहचाई। उकरे महिमा जुग-जुग होते रहोक आमीन।

1 पतरस 5:11

उ माइन पावेक केर लायक अहे, काले कि उकर शक्ति केर कोनों आखरी नखे। आमीन।

2 पतरस 3:18

मगर हमर प्रभु आउर छुटकारा देवाइया यीशु मसीह केर किरपा आउर गेयान में बढ़ते जावा। उकरे महिमा एखन हों होवोक, आउर युग-युग होते रहोक। आमीन।

यहूदा 1:25

ओहे हमरे के यीशु मसीह जे कुछ हमरे लगिन काइर हे, उकर जरिया से छुटकारा देई हे। ओहे एक मात्र परमेश्‍वर हेके, उकरे ठिना महिमा, गौरव, पराक्रम आउर अधिकार शुरु से अहे, आउर एखन हो होवोक आउर जुग-जुग होते रहोक। आमीन।