इफिसियनमन 3:2 - सादरी नवाँ नियम

² तोहरे जरूर सुइन हा परमेश्‍वर अपन किरपा से तोहरेमन के शुभ समाचार सुनाएक केर जिम्मेदारी मोके देई हे।

इफिसियनमन 3:2 Iomraidhean Croise

खास चेलामन केर काम 13:2

जब इमन उपास काइर के प्रभु केर भक्ति करत रहैं, तो पवितर आत्मा उमन से कहलक, “मोर उ काम लगिन बरनाबास आउर शाऊल के अलग करा, जेकर लगिन मोंय उमन के बोलाय हों।”

खास चेलामन केर काम 13:46

तब पौलुस आउर बरनाबास निडर होई के कहलैं, “जरुरी रहे कि परमेश्‍वर केर बचन पहिले तोहरे के सुनाल जातक: मगर तोहरे सुनेक नी चाहाला आउर खुद के जुग-जुग केर जिंदगी के पावेक लाएक नी बनाथा। से लगिन हमरे परजाइत आदमीमन केर बटे जाथी।

खास चेलामन केर काम 22:21

आउर प्रभु यीशु मोर से कहलक, ‘चाइल जा, काले कि मोंय तोके सोउब जाइत केर आदमीमन ठिना दूर-दूर तक भेजमूँ।’”

खास चेलामन केर काम 9:15

मगर प्रभु यीशु उकर से कहलक, “तोंय चाइल जा। उ मोर चुनल आदमी हेके। उ परजाइत आदमीमन, राजामन, आउर इसराइली आदमीमन केर माझे मोर बारे में परचार करी।

रोमानियनमन 1:5

उकरे लेई के मोके किरपा, आउर यीशु केर चुनल खास चेला बाइन के उकर सेवा करेक केर मोका परमेश्‍वर बटले देवल जाय हे, ताकि उकर नाँव केर चलते सोउब जाइतमन यीशु मसीह उपरे बिसवास काइर के उकर आगया मानोक।

रोमानियनमन 11:13

मोंय तोहरे परजाइत आदमीमन से इ गोइठमन के कहोना, जबकि मोंय परजाइत आदमीमन लगिन यीशु केर चुनल खास चेला हेकों, इकर लगिन मोंय अपन सेवा केर घमंड करोना।

रोमानियनमन 12:3

मोंय उ किरपा केर चलते जे मोके मिल हे तोहर में से हरेक झन से कहोना, तोहरे के जइसन समझेक चाही उकर से बाइढ़ के केऊ हों खुद के ना समझबा, मगर जइसन परमेश्‍वर हरेक के बिसवास केर मात्रा बाँइट देई हे तइसनेहें बेस बुद्धि केर संगे खुद के समझबा।

1 कुरिनथियनमन 4:1

हमरेमन के मसीह केर शुभ समाचार केर सच्चाई आउर परमेश्‍वर केर भेदमन के खोइल के बताएक लगिन जिम्मा सोंपल जाय हे, जे लुकल अहे।

गलातियनमन 1:13

तोहरेमन सुइन हा कि कइसन मोंय यहूदीमन केर नियम के मानत रहों, आउर परमेश्‍वर केर कलीसिया केर बिसवासीमन के ढेइर हें सतात रहों आउर नाश करेक केर कोशिश करत रहों।

इफिसियनमन 1:10

आउर उकर योजना इ हेके कि ठीक समय में परमेश्‍वर सोउब चीजमन के, जे स्वरग में अहे आउर जे धरती में अहे, यीशु मसीह केर अधिकार में काइर देवी।

इफिसियनमन 3:7

आउर मोंय परमेश्‍वर केर मुफत दान से जे उकर किरपा आउर शक्ति से देवल जाय हे, उकर शुभ समाचार परचार करेक केर सेवक बनलों।

इफिसियनमन 3:8

जबकि मोंय परमेश्‍वर केर आदमीमन में से सोउब से छोट अहों, फिन भी मोर उपरे परमेश्‍वर केर किरपा होलक कि मोंय परजाइत आदमीमन के मसीह केर शुभ समाचार सुनामूँ।

इफिसियनमन 3:9

आउर सोउब आदमीमन केर माझे परमेश्‍वर केर लुकल योजना के बखाइन करमूँ, जेके दुनिया केर सोउब चीजमन केर सिरजाएक वाला शुरु से लुकाय के राइख हे।

इफिसियनमन 4:21

बल्कि जे कोनों तोहरेमन यीशु मसीह केर बारे में सुइन हा, आउर जे कोनों तोहर सिखाएक वालामन तोहरे के सिखाय हैं, ओहे मसीह केर सच्चा संदेश हेके।

इफिसियनमन 4:7

मसीह हमर में से हरेक झन के उकर काम करेक लगिन अलग-अलग खास खूबी देई हे।

कुलुसियनमन 1:4

काले कि हमरे सुइन ही कि मसीह यीशु उपरे तोहर बिसवास अहे, आउर सोउब पवितर आदमीमन से प्रेम कराला।

कुलुसियनमन 1:6

जे शुभ समाचार तोहर ठिना पोंहइच हे, आउर जइसन गोटा दुनिया भइर में फाइल जाथे, आउर ढेइर आदमीमन बिसवासी बाइन जाथैं, आउर तोहरे उके सुनला आउर उ सच्चा संदेश के पूरा पुरी बुइझ गेला कि परमेश्‍वर केतना किरपा से भरल अहे, आउर बिलकुल एहे गोइठ तोहर माझे में उ बेरा से होवाथे जब तोहरे पहिली बेर संदेश सुइन रहा।

1 तीमुथियुस 1:11

इ शिक्षा उ शुभ समाचार केर उपरे टिकल अहे, जे उ महिमा केर बारे में बतायला, जे धाइन परमेश्‍वर से जुड़ल अहे, जेके सुनाएक लगिन मोके जिम्मा देवल जाय हे।

1 तीमुथियुस 2:7

मोंय सच कहाथों, झूठ नी कहाथों, परमेश्‍वर मोके शुभ समाचार केर परचारक, आउर अपन खास चेला बनेक लगिन चुइन हे। उ मोके परजाइत आदमीमन के बिसवास आउर सच्चाई केर बारे में सिखाएक लगिन हों चुइन हे।

2 तीमुथियुस 1:11

इ शुभ समाचार केर लगिन परमेश्‍वर मोके एगो परचार करेक वाला, सिखाएक वाला, आउर एगो खास चेला केर रूप में चुइन हे।