इफिसियनमन 3:16 - सादरी नवाँ नियम

¹⁶ मोंय प्रार्थना करोना कि उ अपन महिमा से भरल धन केर मोताबिक तोहरेमन के इ दान देवोक कि तोहरेमन उकर आत्मा से अपन भीतरे शक्ति पाय के बलवान होई जबा।

इफिसियनमन 3:16 Iomraidhean Croise

मत्ती 6:13

आउर हमरे के परीक्षा में ना लान, मगर शैतान केर बहकाएक से बचाव, काले कि राइज आउर पराक्रम आउर महिमा सोउब बेरा तोर हें हेके। आमीन।

रोमानियनमन 2:29

एगो सच्चा यहूदी ओहे हेके जेकर मन परमेश्‍वर केर साथ सच्चा अहे, आउर सच्चा खतना सिरिफ मूसा केर नियम के मानेक ना लगे, बल्कि इ हिरदय के बदलेक (मन केर खतना) हेके। जे पवितर आत्मा से होवेला, एइसन आदमी, आदमीमन से निहीं बल्कि परमेश्‍वर से आदर पावेला।

रोमानियनमन 7:22

काले कि मोंय पूरा मन से तो परमेश्‍वर केर नियम से खुश रहोना।

रोमानियनमन 9:23

आउर दया पावल आदमीमन उपरे जेमन के परमेश्‍वर अपन महिमा केर लगिन पहिलेहें से तेयार काइर हे, अपन ढेइर महिमा के देखाई।

1 कुरिनथियनमन 16:13

जागते रहा, बिसवास में स्थिर रहा, साहसी आदमी नियर रहा, आउर बिसवास में मजबूत होवा।

2 कुरिनथियनमन 12:9

आउर प्रभु मोर से कहलक, “मोर किरपा तोर लगिन काफी अहे, काले कि मोर शक्ति कमजोरी में सिद्ध होवेला।” इ लगिन मोंय ढेइर खुशी से अपन कमजोरीमन उपरे घमंड करमूँ कि मसीह केर शक्ति मोर उपरे छाँई करते रहोक,

2 कुरिनथियनमन 4:16

इ लगिन हमरे हिम्मत नी हारिला, जबकि हमरे केर काया धीरे-धीरे मोइर जायला, फिन भी हमरे केर आत्मा रोज दिन नवाँ होते जायला।

इफिसियनमन 1:18

मोंय एहो प्रार्थना करोना कि परमेश्‍वर तोहरे केर दिमाग के खोइल देवोक, ताकि उकर बोलाएक में जे आसरा अहे उके आउर उकर महिमा से भरल आशीषमन के, जे सोउब पवितर आदमीमन लगिन अहे, जानेक पारबा।

इफिसियनमन 1:7

हमरे के परमेश्‍वर केर ढेइर किरपा से यीशु मसीह केर लोहू बहाएक केर चलते छुटकारा मिल हे, मतलब पापमन केर क्षमा मिल हे।

इफिसियनमन 2:7

परमेश्‍वर एइसन करलक जेकर से उ आवेक वाला दिन में दुनिया केर आदमीमन के इ देखाएक पारी कि उकर किरपा केतना बड़का अहे। जे किरपा के उ हमरे लगिन जेमन यीशु मसीह में एक होई जाय ही, सोउब कुछ काइर के देखालक।

इफिसियनमन 3:15

जे सोउब बिसवासीमन केर परिवार केर आबा हेके, जेमन स्वरग में आउर धरती उपरे अहैं।

इफिसियनमन 3:8

जबकि मोंय परमेश्‍वर केर आदमीमन में से सोउब से छोट अहों, फिन भी मोर उपरे परमेश्‍वर केर किरपा होलक कि मोंय परजाइत आदमीमन के मसीह केर शुभ समाचार सुनामूँ।

इफिसियनमन 6:10

तोहरेमन लगिन मोर आखरी गोइठ इ हेके, प्रभु केर शक्ति से आत्मा में मजबूत होवा।

फिलिप्पियनमन 4:13

यीशु मसीह, जे मोके शक्ति देवेला, उकर द्वारा मोंय सोउब कुछ करेक पारोना।

फिलिप्पियनमन 4:19

आउर मोर परमेश्‍वर हों अपन उ धन केर मोताबिक जे महिमा सहित यीशु मसीह में अहे, तोहर हरेक घटी के पूरा करी।

कुलुसियनमन 1:11

मोंय प्रार्थना करोना कि परमेश्‍वर अपन महिमा से भरल शक्ति से तोहरेमन के ढेइर मजबूत करोक ताकि तोहरे धीरज आउर आनंद से अपन दुःखमन के सहेक पारबा।

कुलुसियनमन 1:27

काले कि परमेश्‍वर चाहत रहे कि उकर आदमीमन इ जाइन लेवोक कि मसीह केर धन आउर महिमा तोहरे परजाइत आदमीमन लगिन हों अहे। आउर उ भेद इ हेके कि मसीह जे महिमा केर आसरा हेके तोहरे में रहेला।

कुलुसियनमन 2:2

आउर मोंय तोहरे सोउब के बिसवास में मजबूत करेक चाहोना जेकर से तोहरे प्रेम में एक संगे जोड़ल जबा आउर सच्चाई केर भरपूर समझ में धनवान बाइन जबा आउर परमेश्‍वर आबा केर लुकल गोइठ के जे मसीह हेके जाइन जबा।

2 तीमुथियुस 4:17

मोंय यीशु मसीह केर बारे में संदेश के परजाइत आदमीमन के सफा-सफा बताएक पारलों, ताकि उमन शुभ समाचार के सुनोक, मगर प्रभु मोर मदइतगार रहलक, आउर मोके शक्ति देलक ताकि मोर द्वारा पूरा-पूरा परचार होवोक, आउर सोउब जाइत केर आदमीमन सुइन लेवोक, मोंय तो बाघ केर मुँह से बचेक नियर माउत से छोड़ाल गेलों।

इब्रानीमन 11:34

आइग नी पोड़ालक, तलवाइर काटेक नी पारलक, उमन कमजोर रहैं मगर बलवान होई गेलैं, लड़ाई में बीर निकलैं, उमन दुश्मनमन केर फौजमन के कुदाय देलैं।

1 पतरस 3:4

तोहरे के खुद के एइसन गुणमन से सुंदर बनाएक चाही जे नी मेटेला, इ एगो नरम स्वभाव आउर शांत स्वभाव हेके, जे कि इ परमेश्‍वर लगिन ढेइर किमती अहे।