इफिसियनमन 3:12 - सादरी नवाँ नियम

¹² हमर यीशु मसीह में बिसवास करेक केर चलते आउर बिसवास में उकर संगे एक होवेक केर चलते, अब हमरे साहस से आउर पूरा भरसा केर साथ परमेश्‍वर केर हेदना आवेक पारिला।

इफिसियनमन 3:12 Iomraidhean Croise

यूहन्ना 14:6

यीशु उकर से कहलक, “डहर आउर सच्चाई आउर जिंदगी मोंय हें हेकों, बिना मोर से होई के केऊ आबा परमेश्‍वर ठिना पोंहचेक नी पारी।

रोमानियनमन 3:22

मतलब परमेश्‍वर हमरे के तब धरमी ठहरायला जब हमरे यीशु मसीह उपरे बिसवास करिला, चाहे हमरे यहूदी हेकी चाहे परजाइत हेकी, इकर कोनों भेद-भाव नखे।

रोमानियनमन 5:2

जेकर से बिसवास करेक केर चलते, यीशु मसीह हमरे के उ किरपा केर नीचे लाइन हे जहाँ हमरे एखन खड़ा अही, आउर हमरे पूरा आसरा आउर आनंद से परमेश्‍वर केर महिमा के बाँटते आगे देखाथी।

2 कुरिनथियनमन 3:4

हमरे एइसन इ लगिन कहिला, काले कि मसीह केर चलते परमेश्‍वर उपरे हमरे केर पक्का भरसा अहे।

इफिसियनमन 2:18

काले कि मसीह केर चलते हमरे सोउब एक हें आत्मा से आबा परमेश्‍वर ठिना पोंहचेक पारिला।

इब्रानीमन 10:35

से लगिन बिसवास करेक ना छोड़ा ताकि तोहरे परमेश्‍वर से बड़का इनाम के पाबा।

इब्रानीमन 3:6

मसीह एगो बेटा नियर परमेश्‍वर केर परिवार में बिसवास लायक अहे, अगर हमरे अपन साहस आउर उ आसरा में बिसवास के बनाय के राखिला, तो हमरे उकर परिवार हेकी।

1 पतरस 3:18

मोंय इ कहोना काले कि मसीह हों हमरे केर पापमन केर खातिर दुःख सहलक आउर मोइर गेलक। उ बस एक बेर मोरलक उके दोबारा फिन से मोरेक केर जरुरत नखे, उ एगो धरमी आदमी रहे जे पापी आदमीमन लगिन मोरलक कि उ हमरे के आबा परमेश्‍वर में लेगेग पारोक, उमन उकर काया के तो माइर मोरालैं मगर परमेश्‍वर उके पवितर आत्मा केर शक्ति से फिन से जिंदा काइर देलक।

1 यूहन्ना 2:28

से लगिन हे दुलार छउवामन, मसीह में बनल रहा कि जेखन उ दिस्तार होवी, तो हमरेमन के साहस होवोक आउर हमरे उकर आवेक से उकर सामने लाजिम नी होवब।

1 यूहन्ना 3:21

हे दुलार भाईमन, अगर हमरेमन केर मन हमरे के दोष नी देवी तो हमरे के परमेश्‍वर केर सामने आवेक केर साहस होवेला।