इफिसियनमन 3:11 - सादरी नवाँ नियम

¹¹ इ योजना के परमेश्‍वर दुनिया केर सिरजन से पहिले हें बनाय रहे। जेके उ हमर प्रभु यीशु मसीह केर द्वारा पूरा करलक।

इफिसियनमन 3:11 Iomraidhean Croise

रोमानियनमन 9:11

आउर हिंयाँ तक कि उमन केर जनम से पहिले, या उमन केर भला आउर बुरा करेक से पहिले, परमेश्‍वर रिबका से कहलक “तोर बड़का बेटा छोटका बेटा केर सेवा करी” परमेश्‍वर एइसन इ देखाएक लगिन कहलक कि उ अपन इच्छा केर मोताबिक काम करेला, इ निहीं कि उमन कोनों काइर रहैं।

गलातियनमन 5:24

आउर जेमन छुटकारा देवेक वाला यीशु मसीह से जुड़ल अहैं, उमन अपन काया के उकर इच्छामन आउर लालसामन केर समेत क्रूस उपरे चढ़ाय देई हैं।

इफिसियनमन 1:11

ओहे यीशु केर चलते जेकर से हमरे जुड़ल अही, बपौती अधिकार पावेक नियर हमरे परमेश्‍वर से अधिकार के पाली, जेकर लगिन उ अपन योजना केर मोताबिक पहिलेहें से हमरे के चुइन रहे।

इफिसियनमन 1:4

खास काइर के परमेश्‍वर हमरे के यीशु मसीह में एक होवेक केर चलते दुनिया केर सिरजन से पहिले चुइन लेई हे। ताकि हमरे उकर सामने पवितर आउर निरदोष रहब।

इफिसियनमन 1:9

आउर जे कोनों यीशु मसीह हमर लगिन करलक, उकर से परमेश्‍वर अपन लुकल योजना के हमरे के देखालक।

इफिसियनमन 3:1

से लगिन मोंय पौलुस तोहरे परजाइत आदमीमन लगिन मसीह यीशु केर काम करेक केर चलते जेहेल घर में बंदी अहों।

2 तीमुथियुस 1:9

जे हमरे के बचालक आउर पवितर जिंदगी जियेक लगिन बोलालक, उ हमरे के हमर बेस काममन केर चलते निहीं। मगर अपन योजना केर मोताबिक यीशु मसीह के हमर लगिन दुनिया में मोरेक ले भेजेक केर चलते हमर उपरे किरपा करलक।