इफिसियनमन 3:10 - सादरी नवाँ नियम

¹⁰ अब उकर मकसद एहे अहे कि कलीसिया केर द्वारा, परमेश्‍वर केर सोउब रकम केर गेयान, उ प्रधानमन आउर अधिकारीमन उपरे, जेमन स्वरगीय ठाँवमन में अहैं दिस्तार करल जाओक।

इफिसियनमन 3:10 Iomraidhean Croise

रोमानियनमन 11:33

अहा! परमेश्‍वर केर धन आउर बुद्धि आउर गेयान कइसन गंभीर अहे! उकर बिचार के केऊ बखाइन करेक नी पारैना आउर उकर डहर के केऊ समझेक नी पारैना!

रोमानियनमन 8:38

काले कि मोंय पक्का जानोना कि कोनोवें चीज हमरे के परमेश्‍वर केर प्रेम से अलग करेक नी पारी। ना माउत, ना जिंदगी, ना स्वरगदूत, ना अधिकारी, ना आइज केर डार, ना काइल केर चिंता, आउर ना ही नरक केर शक्ति हमरे के परमेश्‍वर केर प्रेम से अलग करेक पारी,

1 कुरिनथियनमन 1:24

मगर जेमन के परमेश्‍वर अपन आदमी बनेक लगिन बोलाय हे, यहूदीमन, चाहे यूनानी आदमीमन, उमन केर भीरे एहे मसीह परमेश्‍वर केर शक्ति आउर परमेश्‍वर केर गेयान हेके।

1 कुरिनथियनमन 2:7

मगर जे गेयान केर गोइठमन के हमरे गोठियाइला उ परमेश्‍वर केर लुकल गेयान हेके, इके एखन तक केऊ नी बुझलैं। इकर से पहिले कि परमेश्‍वर धरती के बनालक, उ पहिलेहें फैसला काइर चुइक रहे कि उकर गेयान से हमरे के महिमा मिली।

इफिसियनमन 1:21

हूवाँ उकर नाँव सोउब रकम केर प्रधानता आउर अधिकार, आउर शक्ति, आउर प्रभुता केर उपरे, आउर हरेक नाँव केर उपरे, जे ना सिरिफ इ दुनिया में मगर आवेक वाला दुनिया में हों लेवल जाई।

इफिसियनमन 1:23

जे कलीसिया मसीह केर काया हेके, जेके उकरे से पूरा आउर भरपूर बनाल जाय हे, जे सोउब ठिना सोउब कुछ के भाइर देवेला।

इफिसियनमन 1:3

हमर प्रभु यीशु मसीह केर आबा परमेश्‍वर केर धन्यबाद होवोक कि उ मसीह केर द्वारा हमरे के स्वरग केर सोउब रकम केर आत्मिक आशीषमन के देई हे।

इफिसियनमन 1:8

इ सोउब परमेश्‍वर केर पूरा समझ आउर बुद्धिमानी से हमरे के भरपूरी से मिल हे।

इफिसियनमन 6:12

काले कि हमरे लोहू आउर माँस से बनल आदमीमन से नी लड़ाथी, मगर मुखियामन से आउर अधिकारीमन से, आउर अनदिस्तार शक्तिमन से जेमन उ आदमीमन उपरे राइज करैना, जेमन एखनो तक इ दुनिया केर अंधार में अहैं, आउर उ दुष्ट आत्मामन से जेमन फौजमन नियर आकाश में अहैं।

कुलुसियनमन 1:16

काले कि इ ओहे रहे जे सोउब कुछ के सिरजेक लगिन परमेश्‍वर केर संगे काम करलक। उकरे में समूचा चीजमन केर सिरजन होलक, स्वरग केर, चाहे धरती केर, देखल, चाहे बेगर देखल, सिंहासन होवोक चाहे राइज चलाइयामन, मालिकमन होवोक चाहे अधिकारमन, समूचा चीजमन उकरे बटले आउर उखे आदर देवेक लगिन सिरजाल जाय हे।

कुलुसियनमन 2:10

आउर तोहरेमन उकरे में भरपूर होई जाय हा जे समूचा शक्ति आउर अधिकार केर प्रधान हेके।

कुलुसियनमन 2:15

आउर परमेश्‍वर समूचा शक्ति आउर अधिकार के रद्द काइर देलक आउर क्रूस केर बिजय-जुलूस में उमन के दुनिया केर नजइर में नीचा देखालक।

1 तीमुथियुस 3:16

आउर इकर में शंका नखे कि परमेश्‍वर जे शिक्षामन के खोइल देई हे, उ पूरा पुरी सच्चा अहे। मतलब, उ जे आदमी केर रूप में दिस्तार होलक, आउर उके पवितर आत्मा बटले परमेश्‍वर केर बेटा केर रूप में साबित करल गेलक, स्वरगदूतमन उके देखलैं, चेलामन दुनिया केर सोउब देस में उकर बारे में आदमीमन के खुश खबरी सुनालैं, दुनिया भइर केर आदमीमन उकर उपरे बिसवास करलैं, आउर परमेश्‍वर उके उपरे स्वरग में उठाय लेलक।

1 पतरस 1:12

परमेश्‍वर अपन इ संदेश देवेक वालामन के बतालक कि इ संदेश उ मनक खुद लगिन निहीं बल्कि तोहर लगिन रहे। इ संदेश यीशु मसीह केर बारे में शुभ समाचार हेके जेके तोहरेमन एखन सुनला। परमेश्‍वर स्वरग से अपन पवितर आत्मा के भेजलक कि तोहरे के शुभ समाचार परचार करेक में आदमी मनक मदइत करोक। इ सोउब एतना अदभुत अहे कि स्वरगदूतमन हों लालसा से इ सोउब गोइठमन के होते देखत रहैं।

1 पतरस 3:22

आउर उ स्वरग में चाइल गेलक। अब उ हूवाँ परमेश्‍वर केर भतखाइया आरा खास ठाँव में अहे, आउर उ सोउब स्वरगदूतमन आउर सोउब अधिकारीमन आउर शक्तिमन उपरे राइज करेला।