इफिसियनमन 2:8 - सादरी नवाँ नियम

⁸ जब तोहरे बिसवास करला तब परमेश्‍वर तोहरे के अपन किरपा से बचाय लेलक। तोहरे खुद से नी बचता, इ तो परमेश्‍वर केर दान हेके।

इफिसियनमन 2:8 Iomraidhean Croise

मत्ती 16:17

यीशु उके जबाब देलक, “हे सिमोन योना केर बेटा, तोंय धाइन हेकिस, काले कि इ गोइठ केऊ आदमी बटले नी आय हे, मगर मोर आबा जे स्वरग में अहे, इ गोइठ के तोर उपरे दिस्तार काइर हे।

मत्ती 20:9

उमन आलैं, जेमन साँझ के लगभग घंटा भइर कमाय रहैं, उमन के हों दिन भइर केर मजूरी एक-एक गो चाँदी केर सिक्का देलक।

मरकुस 16:16

जे हों इ शुभ समाचार उपरे बिसवास करी आउर बपतिस्मा जल संस्कार लेवी, परमेश्‍वर उके उकर पाप केर सजा से बचाई, मगर जे बिसवास नी करी उके परमेश्‍वर सजा देई।

लूका 7:50

मगर यीशु जनाना से कहलक, “परमेश्‍वर तोके बचाय लेई हे, काले कि तोंय मोर उपरे बिसवास काइर हिस, शांति से चाइल जा।”

यूहन्ना 3:36

जे परमेश्‍वर केर बेटा उपरे बिसवास करेला, उ जुग-जुग केर जिंदगी पाय हे, मगर जे परमेश्‍वर केर बेटा उपरे बिसवास नी करेला, उके जुग-जुग केर जिंदगी नी मिली, मगर परमेश्‍वर केर खीस उकर उपरे बनल रहेला।

यूहन्ना 4:10

यीशु उके जबाब देलक, “अगर तोंय जानते कि परमेश्‍वर तोके का देवेक चाहाथे, आउर एहो जानते कि तोर से के पानी माँगाथे, तो तोंय मोर से इके माँगते आउर मोंय तोके जिंदगी देवेक वाला पानी देतो।”

यूहन्ना 5:24

मोंय तोहर से सच कहाथों, जे मोर बचन के सुनेला आउर सुइन के मोर भेजेक वाला केर उपरे बिसवास करेला, उके जुग-जुग केर जिंदगी मिल हे, उके सजा नी देवल जाई, मगर उ जुग-जुग ले मोरेक से बाइच के नवाँ जिंदगी पाय चुइक हे।

यूहन्ना 6:35

यीशु उमन से कहलक, “जिंदगी केर रोटी मोंय हेकों। जे मोर ठिना आवी, उ कहियो भूखे नी होवी आउर जे मोर उपरे बिसवास करी, उ कहियो पियासा नी होवी।

यूहन्ना 6:37

आबा परमेश्‍वर जेमन के मोके जिम्मा देवेला, उमन मोर ठिना आबैं आउर जेमन मोर ठिना आबैं, उमन के मोंय मोर ठिना सोउब दिन लगिन रखमूँ।

यूहन्ना 6:40

काले कि मोर आबा परमेश्‍वर केर इच्छा इ हेके कि जे केऊ बेटा के, मतलब मोके देइख के मोर उपरे बिसवास करी, उके जुग-जुग केर जिंदगी मिली आउर मोंय उके आखरी दिन फिन जिंदा करमूँ।”

यूहन्ना 6:44

केऊ मोर ठिना अपन से आवेक नी पारी, जब तक कि उके मोर आबा, जे मोके भेइज हे, उके खींच नी लानी, आउर मोंय उके आखरी दिन फिन जिंदा काइर देमूँ।

यूहन्ना 6:65

यीशु उमन से कहलक, “से लगिन मोंय तोहरेमन से कइह रहों कि जब तक केखो आबा परमेश्‍वर बटले इ बरदान ना देवल जाय, तब तक उ मोर ठिना आवेक नी पारी।”

खास चेलामन केर काम 13:39

आउर जे गोइठमन से तोहरे मूसा केर नियम से निरदोष बनेक नी पारला, ओहे सोउब गोइठ में हरेक बिसवास करेक वाला आदमी यीशु मसीह बटले निरदोष बनेला।

खास चेलामन केर काम 14:27

हूवाँ पोंहइच के उमन कलीसिया केर आदमीमन के जमा करलैं आउर बतालैं कि परमेश्‍वर हमर संगे होई के कइसन बड़का-बड़का काम काइर हे! आउर उ कइसन परजाइत आदमीमन लगिन यीशु मसीह केर उपरे बिसवास करेक लगिन दुरा खोइल देई हे।

खास चेलामन केर काम 15:11

हाँ, हमरे केर बिसवास तो इ अहे कि प्रभु यीशु केर किरपा से हमरे जे लेखे छुटकारा पाय ही, ओहे लेखे से उमन हों छुटकारा पाबैं।”

खास चेलामन केर काम 16:14

उ जनानामन में से थुआतीरा नगर केर रहेक वाला एगो लुदिया नाँव केर जनाना रहे। उ किमती बैगनी लुगा केर बेपार करेक वाला आउर परमेश्‍वर केर भक्त रहे। उ हमर गोइठ सुनत रहे। प्रभु उकर मन के खोललक ताकि उ पौलुस केर गोइठमन के धेयान से सुनोक।

खास चेलामन केर काम 16:31

उमन कहलैं, “तोंय प्रभु यीशु मसीह केर उपरे बिसवास कर तो तोंय आउर तोर परिवार छुटकारा पावी।”

रोमानियनमन 10:14

मगर इकर से पहिले कि आदमीमन उकर से मदइत माँगबैं, उमन के प्रभु उपरे बिसवास करेक होवी, आउर इकर से पहिले कि उमन प्रभु उपरे बिसवास करबैं, उमन के प्रभु केर बारे में सुनेक होवी, आउर आदमीमन प्रभु केर बारे में सुनबैं, इकर लगिन केखो प्रभु केर बारे में उकर उपरे बिसवास करेक लगिन बताएक होवी।

रोमानियनमन 10:17

बिसवास तब आवेला जब तोहरे संदेश के सुनाला, आउर संदेश मसीह केर बचन हेके।

रोमानियनमन 4:16

करार परमेश्‍वर उपरे बिसवास में टिकल अहे, परमेश्‍वर अपन करार केर आसरा अपन किरपा से देवेला। इ करार ना सिरिफ अब्राहम केर बंशमन लगिन अहे जेमन मूसा केर नियम के मानैना, मगर जेमन अब्राहम केर नियर परमेश्‍वर उपरे बिसवास करैना उमन सोउब अब्राहम केर बंश हेकैं। उ हमरे सोउब केर पुरखा हेके।

रोमानियनमन 4:5

मगर जे आदमी धरमी ठहरेक लगिन काम नी करेला, बल्कि पापी आदमी के धरमी ठहराएक वाला उपरे बिसवास करेला, उकर बिसवास उके धरमी ठहरायला।

रोमानियनमन 9:16

परमेश्‍वर उके चुनेला जेकर में उ अपन दया देखाएक चाहेला, उकर चुनेक इकर में टिकल नखे कि आदमीमन का चाहैना या का करेक खोजैना।

गलातियनमन 3:14

एइसन इ लगिन होलक कि अब्राहम केर आशीष मसीह यीशु में परजाइत आदमीमन तक पोंहचोक। आउर हमरे बिसवास केर चलते उ आत्मा के पावब जेकर करार होई हे।

गलातियनमन 3:22

मगर पवितर किताब में लिखल अहे कि इ दुनिया केर सोउब आदमीमन पाप से बंधाल अहैं, ताकि जेमन यीशु मसीह उपरे बिसवास करैना, उमन के परमेश्‍वर उ दान के देवी जेके देवेक केर करार काइर हे।

इफिसियनमन 1:19

मोंय चाहोना कि तोहरे उ महान आउर सोउब कुछ करेक वाला शक्ति केर बारे में जाना जे परमेश्‍वर ठिना हमरेमन लगिन अहे, जेमन उकर उपरे बिसवास करिला।

इफिसियनमन 2:10

काले कि हमरे परमेश्‍वर केर बनाल हेकी, उ हमरे के यीशु मसीह में उकर भला काममन के करेक लगिन बनाय हे, जे काममन के करेक लगिन परमेश्‍वर हमरे के पहिले से तेयार काइर हे।

फिलिप्पियनमन 1:29

इ सोउब दया मसीह केर चलते तोहर उपरे होलक कि तोहरे ना सिरिफ उकर उपरे बिसवास करा, मगर उकर लगिन दुःख हों उठावा।

कुलुसियनमन 2:12

आउर जब तोहरे बपतिस्मा जल संस्कार लेला तो मसीह केर संगे गड़ाल गेला, आउर उकरे संगे परमेश्‍वर केर शक्ति उपरे बिसवास काइर के, जे मसीह के मोरलमन में से जियालक, जी हों उठला।

2 थिस्सलुनीकियनमन 1:9

उमन जुग-जुग लगिन प्रभु से अलग होई जबैं आउर उकर तेज चमक केर शक्ति में भागीदार नी होबैं। प्रभु यीशु उमन के जुग-जुग लगिन बिनाश केर दंड देवी।

इब्रानीमन 6:4

काले कि जेमन अपन बिसवास से दूर होई जायना, उमन दोबारा पाप करेक छोइड़ के वापस घुरेक नी पारबैं, उमन एक बेर परमेश्‍वर केर सच्चाई के जानलैं आउर स्वरग से बरदान के पालैं, आउर उमन दोसरमन से एके संगे पवितर आत्मा के हों पालैं,

1 पतरस 1:5

आउर परमेश्‍वर अपन महान शक्ति से तोहरे के संभराय के राइख हे, काले कि तोहरे यीशु में भरसा कराला, उ तोहरे के मसीह केर घूइर आवेक दिन तक संभराय के राखी, तब तोहरेमन जानबा कि पाप आउर माउत से परमेश्‍वर तोहर पूरा पुरी छुटकारा काइर हे।