इफिसियनमन 2:6 - सादरी नवाँ नियम

⁶ परमेश्‍वर हमरे के मसीह यीशु केर संगे जियाय के स्वरग में उकर संगे राइज करेक लायक बनालक।

इफिसियनमन 2:6 Iomraidhean Croise

मत्ती 26:29

मोंय तोहर से कहाथों, ‘आइज केर पाछे अंगूर केर रस मोंय उ बेरा तक नी पीमूँ, जब तक कि मोंय अपन आबा केर राइज में तोहर संगे नवाँ अंगूर केर रस के नी पी लेमूँ।’”

लूका 12:37

धाइन अहैं उ धांगरमन, जेमन के मालिक अपन घूइर आवेक केर आसरा करते पावेला। मोंय तोहर से सच कहाथों कि उ धांगर नियर तेयार होई के, उमन के खाएक लगिन बइठाई, आउर भीरे आय के उ मनक सेवा करी।

यूहन्ना 12:26

अगर केऊ मोर सेवा करेक चाहेला तो मोर पिछे होई लेवोक आउर मोर चेला बाइन जाओक। तब जहाँ मोंय अहों, हूवाँ मोर सेवक हों रही। अगर केऊ मोर सेवा करी तो आबा परमेश्‍वर हों उकर माइन करी।

यूहन्ना 14:3

आउर ठाँव तेयार करेक केर पाछे मोंय फिन आमूँ आउर तोहरेमन के अपन संगे रहेक लगिन लेई जामूँ, ताकि जहाँ मोंय रहमूँ हूवाँ तोहरेमन हों रहबा।

इफिसियनमन 1:1

इ चिट्ठी के मोंय पौलुस जे परमेश्‍वर केर इच्छा से यीशु मसीह केर चुनल खास चेला हेकों, उ पवितर आउर मसीह यीशु में बिसवासी आदमीमन केर नाँव में लिखाथों। जेमन इफिसुस शहर में अहैं।

इफिसियनमन 1:3

हमर प्रभु यीशु मसीह केर आबा परमेश्‍वर केर धन्यबाद होवोक कि उ मसीह केर द्वारा हमरे के स्वरग केर सोउब रकम केर आत्मिक आशीषमन के देई हे।

इफिसियनमन 2:10

काले कि हमरे परमेश्‍वर केर बनाल हेकी, उ हमरे के यीशु मसीह में उकर भला काममन के करेक लगिन बनाय हे, जे काममन के करेक लगिन परमेश्‍वर हमरे के पहिले से तेयार काइर हे।

इफिसियनमन 2:13

एक समय रहे जब तोहरेमन परमेश्‍वर से दूर रहा मगर अब तो मसीह यीशु केर संगे एक होवेक केर चलते जे दूर रहा, परमेश्‍वर उ लोहू से जेके यीशु मसीह तोहर लगिन बहाय हे तोहरे के अपन ठिना लेई आनलक।

कुलुसियनमन 1:18

ओहे कलीसिया केर अगुवाई ओइसनेहें करेला, जइसन एगो आदमी केर मूँड़ उकर काया के चलायला। ओहे शुरु हेके, आउर मोरलमन में से जी उठेक वालामन में हों पहिला हेके कि सोउब गोइठमन में ओहे मुध ठहरोक।