इफिसियनमन 2:3 - सादरी नवाँ नियम

³ हमरे हों ओहेमन नियर ब्यवहार करत रही आउर हमर पापी स्वभाव केर इच्छामन के पूरा करत रही, आउर बाकी सोउब आदमीमन नियर बुरा रही आउर परमेश्‍वर केर दंड के पावेक लायक रही।

इफिसियनमन 2:3 Iomraidhean Croise

मरकुस 4:19

मगर दुनिया केर चिंता-फिकिर, आउर धन केर मोह-माया, आउर चीज-बसूत केर लोभ, उ मनक मन में भाइर जायला आउर बचन के दबाय देवेला, आउर उमन बेगर फार केर जिंदगी जियैना।

यूहन्ना 1:13

उमन ना तो आयो-आबा से, ना आदमी केर इच्छा से आउर ना आदमी केर संतान पावेक केर इच्छा से जनइम हैं, मगर उमन परमेश्‍वर से जनइम हैं।

यूहन्ना 8:44

तोहर आबा शैतान हेके आउर तोहरेमन उकर इच्छा के हें पूरा करेक चाहाला। उ तो शुरु से हें हत्यारा अहे। आउर उके सच्चाई से कोनों लेना-देना नखे, काले कि सच्चाई उकर में हइये नखे। जब उ झूठ बोलेला, तो अपन स्वभाव केर मोताबिक बोलेला, काले कि उ झूठा हेके आउर झूठ केर आबा हेके।

खास चेलामन केर काम 14:16

उ पहिले केर समय में सोउब जाइत केर आदमीमन के अपन-अपन डहर में चलेक देलक।

रोमानियनमन 1:24

इ लगिन परमेश्‍वर उमन के उ मनक मन केर बुरा इच्छामन केर मोताबिक अशुद्ध काम करेक लगिन छोइड़ देलक कि उमन आपस में बुरा काममन से अपन कायामन के अपवितर करोक।

रोमानियनमन 11:30

परमेश्‍वर सोउब आदमीमन के आगया नी मानेक लगिन छोइड़ देलक, ताकि सोउबमन उपरे दया करोक। एक समय तोहरे परजाइतमन परमेश्‍वर केर आगया के नी मानला से लगिन इसराइलीमन उपरे दया होलक, मगर एखन इसराइलीमन परमेश्‍वर केर आगया के नी मानाथैं, सेकर चलते तोहर उपरे दया होलक।

रोमानियनमन 13:14

बल्कि आवा हमरे हँथियार केर रूप में प्रभु यीशु मसीह के पिंध लेवब, आउर पापी स्वभाव केर इच्छामन के पूरा करेक केर कोशिश नी करब।

रोमानियनमन 2:14

फिन जब परजाइत आदमीमन जेमन ठिना मूसा केर नियम नखे, स्वभाव से हें मूसा केर नियम में चलैना, तो उमन ठिना मूसा केर नियम नी होवेक से हों उमन इ साबित करैना कि उमन केर मन में मूसा केर नियम अहे।

रोमानियनमन 5:10

काले कि जब हमरे परमेश्‍वर केर दुश्मन रही तब उकर बेटा केर माउत केर चलते परमेश्‍वर हमरे से मेल करलक, फिन मेल होई जाएक से मसीह केर जिंदगी केर चलते हमरे के काले नी बचाई?

रोमानियनमन 5:9

तो हमरे के अब परमेश्‍वर धरमी ठहराय हे काले कि मसीह हमरे केर लगिन अपन प्राण देलक आउर अपन लोहू के हमरे केर पाप क्षमा लगिन बहालक। तो मसीह हमरे के परमेश्‍वर केर खीस से जरूर हें बचाई।

रोमानियनमन 6:12

इ लगिन पाप तोहर मोरल काया में राइज ना करोक, ताकि तोहरेमन पाप केर इच्छा के पूरा नी करबा।

रोमानियनमन 7:18

काले कि मोंय जानोना कि मोर पापी स्वभाव में कोनों बेस चीज नी बसेला, भला काम करेक केर इच्छा तो मोर में अहे, मगर उके करेक मोर से नी होवेला।

रोमानियनमन 9:22

तो इकर में कोन सा ताजुब केर बात अहे? परमेश्‍वर अपन खीस के आउर अपन शक्ति के, उ सोउबमन के देखाएक चाहेला जेमन नाश होवेक केर लाएक अहैं। मगर उ धीरज से उमन के सहलक।

1 कुरिनथियनमन 4:7

केऊ तोहरे के दोसर से बगरा खास नी बनाय हे, काले कि उ सोउब कुछ जे तोहरे ठिना अहे, परमेश्‍वर बटले देवल जाय हे, से लगिन तोहरेमन के घमंड करेक केर अधिकार नखे।

2 कुरिनथियनमन 7:1

से लगिन हे दुलार बिसवासी भाईमन, जबकि हमरे के इ करारमन मिल हे, तो आवा, हमरे सोउब रकम केर दुष्ट काममन के करेक छोइड़ देवब, आउर परमेश्‍वर केर आदर करते हुए पूरा-पुरी पवितर जिंदगी जियेक केर कोशिश करब।

गलातियनमन 3:22

मगर पवितर किताब में लिखल अहे कि इ दुनिया केर सोउब आदमीमन पाप से बंधाल अहैं, ताकि जेमन यीशु मसीह उपरे बिसवास करैना, उमन के परमेश्‍वर उ दान के देवी जेके देवेक केर करार काइर हे।

इफिसियनमन 2:2

उ बेरा तोहरेमन इ दुनिया केर आदमी मनक रीति-रिवाज केर मोताबिक चलत रहा, जेमन परमेश्‍वर के नी जानैना। आउर तोहरेमन शैतान केर आगया के मानत रहा जे भूतमन केर उपरे आकाश में राइज करेला। जे एखनोहों उ आदमीमन के अपन कब्जा में करेक केर कोशिश कराथे, जेमन परमेश्‍वर केर आगया के नी मानैना।

इफिसियनमन 4:22

से लगिन तोहरेमन पिछला चाइल-चलन आउर पुरना पापी स्वभाव के छोइड़ देवा, जे तोहरे के बुरा इच्छामन में फँसाय के धोखा देलक आउर तोहर जिंदगी के बरबाद काइर देलक।

कुलुसियनमन 1:21

तोहरेमन जे पहिले परमेश्‍वर से दूर रहा, आउर अपन बुरा काममन केर चलते उकर दुश्मन रहा।

1थिस्सलुनीकियनमन 4:13

हे भाईमन, हमरे चाहिला कि तोहरेमन उ बिसवासीमन केर बारे में जेमन मोइर जाय हैं, जाइन लेवा कि उ मनक संगे का होवी, एइसन ना होवोक कि तोहरे के दोसरमन नियर शोक करेक पड़ी, जेमन के मोरल पाछे फिन से जियेक केर आसरा नखे।

1थिस्सलुनीकियनमन 5:6

इ लगिन हमरे के दोसरमन नियर निंदाते नी रहेक चाही मगर जागते आउर सावधान रहेक चाही।

1 तीमुथियुस 6:9

मगर जेमन धनी होवेक चाहैना उमन सोउब रकम केर पाप करेक लगिन सहजे धोखा खाय जायना, आउर एगो शिकार नियर शिकारी केर फँसरी में फाँइस जायना। उमन एइसन चीजमन के करेक खोजैना जे बेकार आउर नोकसान करेक वाला हेके, जे उमन के बरबाद आउर नाश काइर देवी।

तीतुस 3:3

काले कि हमरे हों बिसवासी बनेक से पहिले निरबुद्धि, आउर आगया नी मानेक वाला, आउर भ्रम में पड़ल रही, आउर लगातार रकम-रकम केर बुरा काममन के करत रही, आउर सुख बिलास केर काममन के करेक में बंधाल रही, आउर हमरे अपन समय के दुष्ट काममन के करेक में बितात रही, आउर दोसरमन से हिसिंगा-डाह करेक में जिंदगी के बितात रही, दोसरमन हमरे से नफरत करत रहैं आउर हमरे एक दोसर संगे नफरत करत रही।

1 पतरस 1:14

आउर परमेश्‍वर केर आगया के माना जइसन कि बेस छउवामन अपन आबा केर आगया के मानैना। आउर उ बुरा काममन के ना करा जेके तोहरे उ बेरा करेक चाहत रहा, जब तोहरे परमेश्‍वर केर सच्चाई के नी जानत रहा।

2 पतरस 2:14

उमन हर एक जनाना केर संगे गलत संबंध रखेक चाहैना, जेके उमन देखैना। उमन पाप करेक केर मोका सोउब बेरा खोजते रहैना, उमन उ आदमीमन के धोखा देवैना जेमन मसीह में मजबूती से भरसा नी करैना, आउर उमन के पाप बटे लेई जायना। उमन केर बगरा से बगरा चीजमन के पावेक केर लालसा केर खातिर परमेश्‍वर उमन के दंड देवी।

2 पतरस 2:18

जब उमन आदमीमन के गेयान देवैना, तो उमन बेकार आउर घमंड से भरल शबदमन केर इस्तेमाल करैना। उमन आदमीमन के बतायना कि उमन उ लज्जा केर काममन के करेक लगिन आजाद अहैं जेके उमन केर काया करेक चाहेला आउर उमन के फिर से पाप करेक लगिन भरमाय देवैना, जे एखन-एखन दुष्ट जिंदगी से बाइच के निकइल हैं।

1 यूहन्ना 2:16

काले कि जे कोनों दुनिया में अहे मतलब काया केर लालसा आउर आँइख केर लालसा आउर धन सम्पति केर घमंड, उ आबा परमेश्‍वर बटले निहीं मगर दुनिया बटले हें हेके।

1 यूहन्ना 2:8

मगर अब जे आगया मोंय लिखाथों उ नवाँ आगया हेके, काले कि इकर सच्चाई मसीह में दिस्तार देलक आउर तोहरेमन में हों दिस्तार देवेला, काले कि अंधार मेटते जायला आउर सच्चाई केर इंजोत एखन चमकेक लाइग हे।