इफिसियनमन 2:16 - सादरी नवाँ नियम

¹⁶ क्रूस उपरे अपन माउत से यीशु मसीह बैर भाव के नाश काइर के, इकर से दुयो के एक काया बनाय के परमेश्‍वर से मेल करुवाय देलक।

इफिसियनमन 2:16 Iomraidhean Croise

रोमानियनमन 5:10

काले कि जब हमरे परमेश्‍वर केर दुश्मन रही तब उकर बेटा केर माउत केर चलते परमेश्‍वर हमरे से मेल करलक, फिन मेल होई जाएक से मसीह केर जिंदगी केर चलते हमरे के काले नी बचाई?

रोमानियनमन 6:6

काले कि हमरे जानिला कि हमर पुरना पापी स्वभाव यीशु मसीह केर संगे क्रूस उपरे चढ़ाल गेलक, ताकि हमर काया केर पापी स्वभाव नाश होई जाई आउर हमरे पाप केर गुलाम में नी रहब।

रोमानियनमन 8:3

काले कि जे काम के मूसा केर नियम हमरे केर पापी स्वभाव केर चलते कमजोर होई के नी करेक पारलक, उके परमेश्‍वर करलक मतलब अपनेहें बेटा के हमरे नियर पापी बनाय के, आउर हमरे केर पापमन लगिन बलिदान होवेक ले भेइज के पापी काया केर बराबइर में, आउर पाप केर बलिदान होवेक लगिन भेइज के, परमेश्‍वर मसीह केर काया में पाप केर दंड देलक।

रोमानियनमन 8:7

काले कि पापी स्वभाव केर कब्जा में रहेक परमेश्‍वर केर दुश्मन बनेक हेके, काले कि पापी स्वभाव ना परमेश्‍वर केर नियम केर अधीन अहे आउर ना कहियो होवी।

1 कुरिनथियनमन 10:17

काले कि एके गो रोटी अहे जे मसीह हेके, जबकि हमरे ढेइर अही, तो हमरे एके गो काया बाइन जाइला काले कि हमरे सोउब ओहे एके गो रोटी के खाइला।

गलातियनमन 2:20

इ एइसन अहे जइसन मोंय मसीह केर संगे क्रूस उपरे मोइर गेलों, आउर अब मोंय जिंदा नी रहलों, बल्कि मसीह मोर में जिंदा अहे। आउर मोंय काया में अब जे जिंदा अहों, तो सिरिफ उ बिसवास से जिंदा अहों, जे परमेश्‍वर केर बेटा उपरे अहे, जे मोर से प्रेम करलक, आउर मोर लगिन खुद के देई देलक।

इफिसियनमन 2:15

आउर अपन माउत से उ मूसा केर नियम केर सोउब रीति रिवाज के मेटाय देलक, ताकि उ इसराइली आदमीमन आउर परजाइत आदमीमन केर माझे मेल काइर के एगो नवाँ झूँड़ बनाएक पारोक।

इफिसियनमन 3:6

मतलब परमेश्‍वर केर योजना इ हेके कि यीशु मसीह में जुड़ल जाएक केर चलते परजाइत आदमीमन हों ओहे आशीष के पाबैं, जेके यहूदीमन लगिन देवल जाय हे। अब उमन एके काया मतलब कलीसिया केर अंग होई गेलैं। आउर परमेश्‍वर केर करार जेके यहूदीमन लगिन देवल जाय रहे, उकरो हकदार होई गेलैं।

इफिसियनमन 4:4

हमरे सोउब एके गो काया में जुड़ल अही, (मतलब कलीसिया में) आउर हमरे सोउब के एके गो आत्मा मिल हे। जब तोहरेमन परमेश्‍वर केर आदमी बनेक लगिन चुनल गेला, तब तोहरे के जे आसरा मिल हे ओहे आसरा हमरेमन के हों मिल हे।

कुलुसियनमन 2:14

उ हमरे के दोषी ठहराएक वाला लिखल कागजात के रद्द काइर देलक, जे मूसा केर नियम केर चलते हमर बिरोध में लिखल रहे, आउर उके क्रूस उपरे काँटी से ठोइक के सामने से हटाय देलक।

कुलुसियनमन 3:15

आउर मसीह जे शांति देवेला उके तोहर दिल में राइज करेक देवा काले कि तोहरे सोउब एक हें काया केर अंग हेका, से लगिन तोहरे के एक दोसर केर संगे शांति से रहेक लगिन बोलाल जाय हे, आउर तोहरे धन्यबादी बनल रहा।