इफिसियनमन 2:12 - सादरी नवाँ नियम

¹² तोहरेमन उ बेरा मसीह के नी जानत रहा आउर इसराइली, मतलब परमेश्‍वर केर चुनल आदमीमन केर रूप में उमन में शामिल नी रहा। आउर तोहरे उ बेस चीजमन के पावेक केर हों भागीदार नी रहा, जेके परमेश्‍वर इसराइलीमन के देवेक केर करार काइर रहे। तोहरे के इ दुनिया में कोनों आसरा नी रहे आउर तोहरे बेगर ईश्‍वर केर रहत रहा।

इफिसियनमन 2:12 Iomraidhean Croise

लूका 1:72

आउर हमर बाप-दादामन केर उपरे दया काइर के अपन पवितर करार के याइद करी।

यूहन्ना 10:16

मोर आउर हों भेड़ीमन अहैं, जे इ भेड़ी गोहर केर ना लगैं मोके ओहोमन के लानेक जरुरी अहे। उमन मोर आवाज के चिन्हबैं। तब एके गो झूँड़ आउर एके गो चरवाहा होवी।

यूहन्ना 15:5

मोंय अंगूर केर बुदा नियर अहों, तोहरेमन उकर लरंग नियर अहा, जे लेखे लरंग अंगूर केर बुदा में जुड़ल रहेला, तब उ फारेला, सेहे नियर जे मोर में बनल रहेला आउर मोंय उकर में बनल रहोना, तो उ बगरा फरेला, काले कि मोर से अलग होई के तोहरेमन कोनोवें करेक नी पारबा।

यूहन्ना 4:22

तोहरे सामरी आदमीमन जेके नी जानाला, उकर भक्ति कराला, मगर हमरे यहूदीमन जेके जानिला उकर भक्ति करिला, काले कि छुटकारा यहूदीमन में से अहे।

खास चेलामन केर काम 2:39

काले कि इ करार तोहर आउर तोहरेमन केर संतानमन लगिन अहे, आउर उ सोउब दूर-दूर केर आदमीमन लगिन हों अहे, जेमन के प्रभु हमर परमेश्‍वर अपन ठिना बोलाथे।”

खास चेलामन केर काम 28:20

मोंय तोहरे से मिलेक केर आगया इ लगिन लेई हों कि मोंय तोहरे से इकर बारे में गोठियामूँ। काले कि इसराइल केर आसरा लगिन जे कि मसीह हेके, मोंय इ सिकड़ से जकड़ल अहों।”

खास चेलामन केर काम 3:25

तोहरे सोउब परमेश्‍वर केर संदेश के बताएक वालामन केर संतान आउर उ करार केर भागीदार हेका, जेके परमेश्‍वर तोहर बाप दादामन से काइर हें, जब उ अब्राहम से कहलक, ‘तोर बंश से दुनिया केर सोउब आदमीमन आशीष पाबैं।’

रोमानियनमन 9:8

मतलब काया से जनमल संतान परमेश्‍वर केर संतान निहीं, मगर सिरिफ करार केर संतानमन अब्राहम केर संतान गिनल जायना।

गलातियनमन 4:8

जब तोहरेमन परमेश्‍वर के नी जानत रहा तब तोहरे उकर सेवा करत रहा, जे सचमुच में ईश्‍वर ना लगे।

इफिसियनमन 2:19

इ लगिन अब तोहरे परजाइतमन परदेसी आउर पराया ना लगा। मगर पवितर आदमीमन केर संगी देसी आउर परमेश्‍वर केर परिवार केर होई गेला।

इफिसियनमन 4:18

काले कि उमन सुनेक नी खोजैना, आउर उमन आगया नी मानेक वाला हेकैं, से लगिन बुझेक नी पारैना, उमन उ नवाँ जिंदगी से दूर अहैं जेके परमेश्‍वर देवेला।

कुलुसियनमन 1:21

तोहरेमन जे पहिले परमेश्‍वर से दूर रहा, आउर अपन बुरा काममन केर चलते उकर दुश्मन रहा।

कुलुसियनमन 1:27

काले कि परमेश्‍वर चाहत रहे कि उकर आदमीमन इ जाइन लेवोक कि मसीह केर धन आउर महिमा तोहरे परजाइत आदमीमन लगिन हों अहे। आउर उ भेद इ हेके कि मसीह जे महिमा केर आसरा हेके तोहरे में रहेला।

कुलुसियनमन 1:5

तोहर इ बिसवास आउर प्रेम उ आसरा हेके, जे तोहरेमन लगिन स्वरग में रखल अहे। जेकर चरचा तोहरे उ शुभ समाचार केर सच्चा बचन में पहिलेहें से सुइन चुइक हा।

1थिस्सलुनीकियनमन 4:13

हे भाईमन, हमरे चाहिला कि तोहरेमन उ बिसवासीमन केर बारे में जेमन मोइर जाय हैं, जाइन लेवा कि उ मनक संगे का होवी, एइसन ना होवोक कि तोहरे के दोसरमन नियर शोक करेक पड़ी, जेमन के मोरल पाछे फिन से जियेक केर आसरा नखे।

1थिस्सलुनीकियनमन 4:5

आउर इ काम काया केर लालसा से करेक नखे, आउर ना उ जाइतमन नियर जेमन परमेश्‍वर के नी जानैना।

2 थिस्सलुनीकियनमन 2:16

हमरे हमर प्रभु यीशु मसीह से आउर हमर आबा परमेश्‍वर से प्रार्थना करिला, जे हमरे से प्रेम करेला, आउर अपन किरपा से जुग-जुग केर शांति आउर सोउब से बेस आसरा देई हे।

1 तीमुथियुस 1:1

इ चिट्ठी मोंय पौलुस बटले हेके। मोंय हमरे केर छुटकारा देवाइया परमेश्‍वर आउर यीशु मसीह जेकर में हमरे आसरा करिला, उकर अधिकार से यीशु मसीह केर एगो चुनल खास चेला हेकों।

इब्रानीमन 11:34

आइग नी पोड़ालक, तलवाइर काटेक नी पारलक, उमन कमजोर रहैं मगर बलवान होई गेलैं, लड़ाई में बीर निकलैं, उमन दुश्मनमन केर फौजमन के कुदाय देलैं।

इब्रानीमन 6:18

तो फिन हिंयाँ दूई गो गोइठ अहे, उकर करार आउर किरिया जे कहियो नी बदली, जेकर बारे में परमेश्‍वर कहियो झूठ नी बोलेला। इ लगिन हमरे जे परमेश्‍वर ठिना अपन रक्षा करेक ले आय ही आउर जे आसरा उ हमरे के देई हे, उके ढेइर हें उत्साह केर साथ धाइर ही।

इब्रानीमन 8:6

मगर जे महापुरोहित केर काम यीशु मसीह के देवल जाय हे, उ दोसर पुरोहितमन के देवल काम से बाइढ़ के अहे, काले कि उ जे करार के मिलाएक वाला हेके, उ पुरना करार से बेस अहे आउर बेस-बेस करारमन से टिकल अहे।

1 पतरस 1:21

यीशु मसीह जे हमर लगिन करलक उकर चलते तोहरे अब परमेश्‍वर उपरे आसरा कराला। उ ओहे हेके जे यीशु मसीह के मोरेक केर पाछे फिन जिंदा करलक आउर उके महिमा देलक। से लगिन तोहरे बिसवास कराला आउर परमेश्‍वर उपरे तोहर उमीद अब पक्का अहे।

1 पतरस 1:3

हमर प्रभु यीशु मसीह केर आबा आउर परमेश्‍वर केर धन्यबाद होवोक, जे अपन बड़का दया से आउर प्रभु यीशु मसीह केर मोरल में से जी उठेक केर द्वारा से हमरे के नवाँ जिंदगी देई हे, आउर जुग-जुग केर जिंदगी केर आसरा देई हे।

1 पतरस 3:15

मगर मसीह के प्रभु माइन के उकर आराधना करा, अगर केऊ उ आसरा केर बारे में पूछी जेके बिसवासी होवेक केर चलते हमरे सोउब आपस में साझा करिला, तो सोउब बेरा उके समझाएक लगिन तेयार रहा, मगर इके नरम आउर आदर से करबा।

1 यूहन्ना 3:3

आउर जे केऊ मसीह उपरे इ आसरा रखेला उ खुद के तइसनेहें पवितर करेला जइसन उ पवितर अहे।