इफिसियनमन 2:11 - सादरी नवाँ नियम

¹¹ तोहरे याइद करा कि तोहरेमन परजाइत आदमीमन केर रूप में जनइम हा। (आउर जेमन काया में हाँथ केर करल खतना से खतना वाला कहायना, उमन तोहरेमन के बेगर खतना वाला कहैना)।

इफिसियनमन 2:11 Iomraidhean Croise

मत्ती 20:7

मालिक उमन से कहलक, ‘तोहरेमन हों मोर अंगूर केर बारी में जावा आउर काम करा।’

रोमानियनमन 11:17

इसराइली आदमीमन बेस जैतून गाँछ केर डाइरमन नियर आउर अब्राहम केर बंश हेकैं, इसहाक आउर याकूब गाँछ केर जाइरमन नियर हेकैं। जे नियर जंगली जैतून गाँछ केर डाइर के बेस जैतून गाँछ केर डाइर में कलम काइर के साटल जाएक से बेस जैतून केर डाइर बनेक केर फायदा मिलेला, ओहे नियर परजाइत आदमीमन के हों इसराइलीमन के मिलेक वाला फायदा मिलेला।

रोमानियनमन 2:26

से लगिन अगर केऊ बेगर खतना करल आदमी मूसा केर नियम केर रीतिमन के मानी, तो परमेश्‍वर एइसन आदमी के ओहे आदमी नियर देखेला जेकर खतना होई हे।

रोमानियनमन 2:27

आउर जे आदमी काया में खतना नी करवाहे मगर उ मूसा केर नियम के पूरा करेला, तो उ तोहरे के दोषी ठहराई, काले कि तोहरे ठिना मूसा केर नियम लिखल अहे फिन भी खतना करुवाय के मूसा केर नियम के पूरा नी कराला।

1 कुरिनथियनमन 12:2

तोहरेमन जानाला कि जब तोहरे परमेश्‍वर के नी जानत रहा, तब तोहरे के केऊ दोसर आदमी उ मूर्तिमन केर पूजा करेक लगिन चलात रहे, जे मूर्तिमन बोलेक नी पारेला।

1 कुरिनथियनमन 6:11

आउर तोहर में से थोरेक आदमीमन पहिले एइसनेहें रहैं, मगर अब तोहरेमन केर पापमन धोवाय गेलक, आउर अब तोहरे परमेश्‍वर लगिन अलग होई गेला, तोहरे परमेश्‍वर केर देखेक में धरमी ठहराल गेला काले कि प्रभु यीशु मसीह आउर परमेश्‍वर केर आत्मा तोहर लगिन एइसन काइर हे।

गलातियनमन 2:15

हमरे तो जनम से यहूदी हेकी, आउर पापी कहाएक वाला परजाइत आदमीमन में से ना लगी।

गलातियनमन 6:12

जेमन यहूदीमन के खुश करेक चाहैना, उमन तोहरे केर खतना करुवाएक लगिन कहैना, उमन एइसन इ लगिन करैना, ताकि उमन के इ बताएक केर चलते कि सिरिफ मसीह केर क्रूस उपरे भरसा करेक चाही, सताल ना जाओक।

इफिसियनमन 2:2

उ बेरा तोहरेमन इ दुनिया केर आदमी मनक रीति-रिवाज केर मोताबिक चलत रहा, जेमन परमेश्‍वर के नी जानैना। आउर तोहरेमन शैतान केर आगया के मानत रहा जे भूतमन केर उपरे आकाश में राइज करेला। जे एखनोहों उ आदमीमन के अपन कब्जा में करेक केर कोशिश कराथे, जेमन परमेश्‍वर केर आगया के नी मानैना।

इफिसियनमन 5:8

तोहरेमन तो पहिले शैतान केर कब्जा में रहा, मगर अब परमेश्‍वर केर होई गेला, से लगिन अब परमेश्‍वर केर संतानमन नियर चला।

फिलिप्पियनमन 3:3

काले कि असली खतना वाला तो हमरे हें हेकी, जे परमेश्‍वर केर आत्मा केर अगुवाई से भक्ति करिला आउर मसीह यीशु उपरे घमंड करिला, आउर अपन खुद केर काया से करल काम केर उपरे भरसा नी करिला।

कुलुसियनमन 1:21

तोहरेमन जे पहिले परमेश्‍वर से दूर रहा, आउर अपन बुरा काममन केर चलते उकर दुश्मन रहा।

कुलुसियनमन 2:11

जब तोहरे उकर में बिसवास करला तो तोहर खतना आदमीमन से निहीं मगर मसीह बटले करल जाय हे, जेकर से तोहर पापी स्वभाव के काइट के दूर करल जायला।

कुलुसियनमन 2:13

आउर परमेश्‍वर तोहरेमन के हों, जे अपन गुन्हामन आउर पापी स्वभाव केर चलते आत्मा में मोरल रहा, उकर संगे जियालक, आउर हमर सोउब पापमन के क्षमा करलक।

कुलुसियनमन 3:11

इ नवाँ जिंदगी पाय के अब तोहरे में ना तो यूनानी, ना यहूदी, ना खतना, ना बेगर खतना, ना देसी, ना बिदेसी, ना गुलाम आउर ना आजाद केर भेद अहे, मगर मसीह हें एकले सोउब कुछ हेके आउर सोउब में अहे।