इफिसियनमन 2:10 - सादरी नवाँ नियम

¹⁰ काले कि हमरे परमेश्‍वर केर बनाल हेकी, उ हमरे के यीशु मसीह में उकर भला काममन के करेक लगिन बनाय हे, जे काममन के करेक लगिन परमेश्‍वर हमरे के पहिले से तेयार काइर हे।

इफिसियनमन 2:10 Iomraidhean Croise

मत्ती 5:16

ओहे लेखे तोहरेमन केर ब्यवहार आदमीमन केर सामने चमकोक जेकर से उमन तोहरेमन केर भला काममन के देइख के तोहरेमन केर आबा केर, जे स्वरग में अहे, बड़ाई करोक।

यूहन्ना 3:21

मगर जे सच्चाई उपरे चलेला, उ इंजोत केर पासे आवेला, जेकर से इ दिस्तार होवोक कि उकर काम परमेश्‍वर बटले करल जाय हे।”

खास चेलामन केर काम 9:31

अब समूचा यहूदिया परदेस, गलील परदेस, आउर सामरिया परदेस में कलीसिया केर आदमीमन के चैन मिललक, आउर उ मनक बिसवास मजबूत होते गेलक, काले कि उमन प्रभु केर डार में जिंदगी बितात रहैं, उमन पवितर आत्मा केर मदइत से शांति पालैं आउर बिसवासीमन केर गिनती बढ़ते गेलक।

खास चेलामन केर काम 9:36

याफा नगर में तबिता नाँव केर एगो बिसवासी जनाना चेला रहत रहे, यूनानी भाषा में उकर नाँव दोरकास रहे। उ ढेइर बेस-बेस काम आउर गरीब आदमीमन केर मदइत करत रहे।

रोमानियनमन 8:1

से लगिन अब जेमन मसीह यीशु में अहैं, उमन के परमेश्‍वर दंड नी देवी। (काले कि उमन काया केर मोताबिक निहीं बल्कि आत्मा केर मोताबिक चलैना।)

रोमानियनमन 8:29

काले कि जेमन के उ पहिले से चुइन लेई हे, उमन केर लगिन पहिले से फैसला हों काइर लेई हे कि उमन उकर बेटा नियर बाइन जाबैं, ताकि उकर बेटा ढेइर भाईमन में पहिलौठा बनोक।

1 कुरिनथियनमन 3:9

काले कि हमरे परमेश्‍वर केर संगे काम करेक वाला हेकी, आउर तोहरेमन एगो खेत नियर अहा जे परमेश्‍वर केर हेके।

2 कुरिनथियनमन 5:17

अगर केकरो रिश्ता मसीह केर संगे अहे, तो उ नवाँ सिरजन हेके, पुरना पापी स्वभाव दूर होई गेलक, देखा, नवाँ जिंदगी केर शुरुवात होई गेलक।

2 कुरिनथियनमन 5:5

आउर जे हमरे के इ नवाँ काया लगिन तेयार काइर हे, उ, ओहे परमेश्‍वर हेके जे हमरे के बेयाना केर रूप में पवितर आत्मा हों देई हे।

2 कुरिनथियनमन 9:8

आउर परमेश्‍वर तोहरे के तोहर जरुरत से बगरा आशीष देवेक पारेला, ताकि तोहरे ठिना हर समय सोउब कुछ रही, जेकर तोहरे के जरुरत अहे, आउर दोसरमन के बाँटेक लगिन ढेइर बचल हों रही।

गलातियनमन 6:15

काले कि खतना करुवाएक से चाहे नी करुवाएक से कोनों फरक नी पड़ेला, मगर परमेश्‍वर पवितर आत्मा केर शक्ति से तोहरे के एगो नवाँ आदमी बनाय हे, एहे खास गोइठ हेके।

इफिसियनमन 1:1

इ चिट्ठी के मोंय पौलुस जे परमेश्‍वर केर इच्छा से यीशु मसीह केर चुनल खास चेला हेकों, उ पवितर आउर मसीह यीशु में बिसवासी आदमीमन केर नाँव में लिखाथों। जेमन इफिसुस शहर में अहैं।

इफिसियनमन 1:4

खास काइर के परमेश्‍वर हमरे के यीशु मसीह में एक होवेक केर चलते दुनिया केर सिरजन से पहिले चुइन लेई हे। ताकि हमरे उकर सामने पवितर आउर निरदोष रहब।

इफिसियनमन 2:13

एक समय रहे जब तोहरेमन परमेश्‍वर से दूर रहा मगर अब तो मसीह यीशु केर संगे एक होवेक केर चलते जे दूर रहा, परमेश्‍वर उ लोहू से जेके यीशु मसीह तोहर लगिन बहाय हे तोहरे के अपन ठिना लेई आनलक।

इफिसियनमन 2:15

आउर अपन माउत से उ मूसा केर नियम केर सोउब रीति रिवाज के मेटाय देलक, ताकि उ इसराइली आदमीमन आउर परजाइत आदमीमन केर माझे मेल काइर के एगो नवाँ झूँड़ बनाएक पारोक।

इफिसियनमन 2:2

उ बेरा तोहरेमन इ दुनिया केर आदमी मनक रीति-रिवाज केर मोताबिक चलत रहा, जेमन परमेश्‍वर के नी जानैना। आउर तोहरेमन शैतान केर आगया के मानत रहा जे भूतमन केर उपरे आकाश में राइज करेला। जे एखनोहों उ आदमीमन के अपन कब्जा में करेक केर कोशिश कराथे, जेमन परमेश्‍वर केर आगया के नी मानैना।

इफिसियनमन 2:6

परमेश्‍वर हमरे के मसीह यीशु केर संगे जियाय के स्वरग में उकर संगे राइज करेक लायक बनालक।

इफिसियनमन 4:1

मोंय प्रभु यीशु केर सेवा करोना से लगिन जेहेल में अहों। मोंय तोहरेमन से बिनती करोना कि परमेश्‍वर तोहरेमन के जइसन जिंदगी बिताएक ले बोलाय हे तइसनेहें जिंदगी बितावा।

इफिसियनमन 4:24

आउर नवाँ स्वभाव के अपनाय लेवा, जेके परमेश्‍वर सचमुच में धरमी आउर पवितर बनेक लगिन सिरजाय हे।

फिलिप्पियनमन 1:6

आउर मोके इ गोइठ केर भरसा अहे कि परमेश्‍वर जे तोहर में बेस काम शुरु काइर हे, ओहे उके यीशु मसीह केर घूइर आवेक दिन तक पूरा करी।

फिलिप्पियनमन 2:13

काले कि परमेश्‍वर तोहरे में काम कराथे, आउर इच्छा आउर शक्ति देवाथे कि तोहरेमन ओहे काम करबा जेकर से परमेश्‍वर खुश होवेला।

कुलुसियनमन 1:10

आउर तोहरे एइसन जिंदगी जियेक पारबा जइसन प्रभु चाहेला, आउर तोहर चाइल-चलन प्रभु केर आदमीमन केर चाइल-चलन नियर होवोक ताकि तोहरेमन सोउब रकम से प्रभु के खुश करबा, आउर तोहरे लगातार सोउब रकम केर अच्छा काम करते रहबा। आउर परमेश्‍वर के जानेक में लगातार बढ़ते जबा।

कुलुसियनमन 3:10

आउर अब तोहरे नवाँ स्वभाव के अपनाय लेई हा, इकर सिरजाएक वाला परमेश्‍वर इके आउर बगरा अपन स्वभाव में बदलते जाथे, ताकि तोहरे उके बेस लेखे जानेक पारबा।

2 थिस्सलुनीकियनमन 2:17

उ तोहरे केर मन में साहस देवोक आउर जे बेस काम हेके उके लगातार करते रहेक लगिन तोहरेमन के बचन में मजबूत करोक।

1 तीमुथियुस 2:10

मगर उमन के दोसरमन लगिन भला काम काइर के खुद के सुन्दर बनाएक चाही, काले कि परमेश्‍वर केर नजइर में भक्ति करेक वाला जनानामन के एहे उचित अहे।

1 तीमुथियुस 5:10

आउर उकर नाँव भला काम करेक वाला केर रूप में जानल जायला, जे छउवा पुतामन केर ठीक से पालन-पोषण काइर हे, गोतियामन केर सेवा काइर हे, आउर परेशानी में पड़ल आदमी मनक मदइत काइर हे, आउर सोउब रकम केर भला काम के करेक में मन लगाएक वाला हेके।

1 तीमुथियुस 5:25

ओइसनेहें थोरेक आदमीमन केर भला काम दोसर बिसवासीमन के खुल्लम खुल्ला दिसेला। आउर अगर उ एक बेर में खुल्लम खुल्ला नी दिसेला फिन भी दिसिये जाई।

1 तीमुथियुस 6:18

उमन के बेस काम करेक लगिन कह, आउर ढेइर बगरा भलाई करेक लगिन, आउर दयालु बनेक लगिन कह, आउर दोसर आदमीमन के जे कोनों बेस चीजमन केर जरुरत अहे, उ चीजमन के देवेक लगिन तेयार रहोक।

2 तीमुथियुस 2:21

से लगिन अगर केऊ खुद के उ सोउब से जे मइला अहे सफा करी, तो उ आदर केर बासन नियर पवितर गिनाई, जेके खास मोका में इस्तेमाल करल जायला। आउर उ अपन मालिक केर काम में आवेक लायक बाइन जाई, आउर हरेक बेस काम के करेक लगिन तेयार होवी।

2 तीमुथियुस 3:17

ताकि इके पालन काइर के परमेश्‍वर केर आदमी हर रकम से बेस काम करेक लगिन तेयार रहोक।

तीतुस 2:14

जे खुद के हमर लगिन बलिदान काइर देलक, आउर हमरे के सोउब रकम केर अधरम से छुटकारा देलक आउर शुद्ध काइर के हमरे के अपन लगिन खास आदमी बनाय लेलक, जे भला काम करेक लगिन पूरा पुरी तेयार रहोक।

तीतुस 2:7

तोके सोउब गोइठमन में एगो नमूना नियर बेस काम काइर के दोसरमन के देखाएक चाही, ताकि दोसरमन हों उके करबैं। जब तोंय सिखाबे तो सही नीयत आउर आदर पावेक लायक सिखाबे

तीतुस 3:1

बिसवासीमन के याइद दिवाव कि उमन हाकिममन आउर अधिकारीमन केर आदर करोक, आउर उमन केर आगया के मानोक, आउर दोसरमन लगिन बेस काम के करोक।

तीतुस 3:14

तोंय सिरिफ बिसवासीमन केर धेयान के अपन बटे करेक लगिन ना सिखाव, मगर उमन के भला काम करेक लगिन कड़ा मेहनइत करेक हों सिखाव। ताकि जे आदमीमन केर जरुरत अहे उमन केर जरुरत के पूरा करल जाओक, इ चीज बिसवासीमन के एगो मकसद केर साथ जियेक में मदइत करी।

तीतुस 3:8

इ गोइठ सच हेके आउर मोंय चाहोना कि तोंय इ गोइठमन केर बारे में बिसवासीमन के पोक्ता से सिखाबे, इ लगिन कि जेमन परमेश्‍वर उपरे बिसवास काइर हैं, उमन भला काममन के करते रहेक में धेयान देवोक, इ गोइठमन बेस आउर आदमीमन लगिन फायदा केर हेके।

इब्रानीमन 10:24

आवा हमरे एक दोसर के प्रेम करेक लगिन उसकाते रहब आउर भला काममन के करते रहब।

1 पतरस 2:12

परजाइत आदमीमन में तोहर चाइल-चलन भला होवोक, काले कि जे गोइठमन में उमन तोहरे के बुरा जाइन के बदनाम करैना, उमन तोहर भला काममन के देइख के, ओहे काममन केर चलते, न्याय केर दिन उमन परमेश्‍वर केर महिमा करोक।

1 यूहन्ना 1:7

मगर, अगर जइसन परमेश्‍वर इंजोत में अहे, तइसनेहें हमरे हों इंजोत में चलब, तो उकर से मिलल रहिला आउर उकर बेटा यीशु मसीह केर किमती लोहू हमरे के सोउब पापमन से शुद्ध करेला।

1 यूहन्ना 2:6

अगर जे केऊ इ कहेला कि मोंय परमेश्‍वर में बनल रहोना, तो उके खुद ओइसनेहें रहेक चाही जइसन यीशु रहलक।