इफिसियनमन 1:9 - सादरी नवाँ नियम

⁹ आउर जे कोनों यीशु मसीह हमर लगिन करलक, उकर से परमेश्‍वर अपन लुकल योजना के हमरे के देखालक।

इफिसियनमन 1:9 Iomraidhean Croise

मत्ती 13:11

यीशु जबाब देलक, “तोहरेमन के तो स्वरग राइज केर भेदमन के जानेक केर समझ देवल जाय हे, मगर उ आदमीमन के निहीं।

लूका 12:32

तोहरेमन भेड़ीमन केर एगो छोटका झूँड़ नियर अहा, से लगिन कोनोवें गोइठ से ना डरावा। काले कि तोहर आबा परमेश्‍वर केर इच्छा अहे कि उ तोहरेमन के राइज देवी।

लूका 2:14

“स्वरग में परमेश्‍वर केर महिमा होवोक आउर धरती में उ आदमीमन के शांति मिलोक, जेमन से उ खुश अहे।”

खास चेलामन केर काम 13:48

इ सुइन के परजाइत आदमीमन खुश होलैं, आउर परमेश्‍वर केर बचन केर बड़ाई करेक लगलैं। जेतना आदमीमन के जुग-जुग केर जिंदगी लगिन ठहराल जाय रहे, उमन बिसवास करलैं।

खास चेलामन केर काम 2:23

ओहे यीशु के, जे परमेश्‍वर केर ठहराल योजना आउर पहिले केर गेयान केर मोताबिक धरुवाल गेलक आउर तोहरे उके दुष्ट आदमीमन केर मदइत से काँटी ठुकवाय के क्रूस उपरे चढ़ुवाय के माइर मोराला।

खास चेलामन केर काम 4:28

उमन ओहे करलैं जेके तोर शक्ति आउर इच्छा आगे हें ठहराय देई रहे कि ओहे होवोक।

रोमानियनमन 11:25

हे बिसवासी भाईमन, मोंय चाहोना कि तोहरेमन इ भेद के बुझा, ताकि तोहरे खुद में घमंड ना करबा, थोरेक इसराइलीमन कठोर मन वाला अहैं, इ कठोर बनल रहेक तब तक रही, जब तक कि परजाइत आदमीमन केर मसीह में बिसवास करेक केर गिनती पूरा नी होवी।

रोमानियनमन 8:28

आउर हमरे जानिला कि जेमन परमेश्‍वर से प्रेम करैना, उमन लगिन सोउब गोइठमन मिल के भलाई के हें लानेला, मतलब ओहेमन लगिन जेमन उकर इच्छा केर मोताबिक चुनल जाय हैं।

1 कुरिनथियनमन 1:21

काले कि परमेश्‍वर अपन गेयान से पहिलेहें देइख हे कि दुनिया केर आदमीमन उके अपन गेयान से कहियो नी जानबैं, परमेश्‍वर बिसवास करेक वालामन के बचाएक लगिन हमर शुभ समाचार परचार के इस्तेमाल करलक, जबकि थोरेक आदमीमन इके बेकार गोइठ मतलब मूरख आदमी केर गोइठ समझैना।

गलातियनमन 1:12

काले कि इके मोंय हमर पुरखामन से नी सीख हों, आउर ना ही केऊ धरम केर अगुवामन मोके सिखाय हैं। मगर यीशु मसीह मोके इ शुभ समाचार के देखाय हे।

गलातियनमन 1:15

मगर परमेश्‍वर अपन बेटा के मोके देखालक, ताकि मोंय परजाइत आदमीमन के यीशु केर बारे में शुभ समाचार केर परचार करमूँ। परमेश्‍वर मोके मोर जनमेक से पहिलेहें चुइन लेलक, आउर अपन किरपा से मोके अपन सेवा करेक लगिन बोलालक। जब यीशु खुद के मोके देखालक, तो मोंय सलहा लेवेक लगिन केकरो ठिना नी गेलों,

इफिसियनमन 1:11

ओहे यीशु केर चलते जेकर से हमरे जुड़ल अही, बपौती अधिकार पावेक नियर हमरे परमेश्‍वर से अधिकार के पाली, जेकर लगिन उ अपन योजना केर मोताबिक पहिलेहें से हमरे के चुइन रहे।

इफिसियनमन 1:8

इ सोउब परमेश्‍वर केर पूरा समझ आउर बुद्धिमानी से हमरे के भरपूरी से मिल हे।

इफिसियनमन 3:11

इ योजना के परमेश्‍वर दुनिया केर सिरजन से पहिले हें बनाय रहे। जेके उ हमर प्रभु यीशु मसीह केर द्वारा पूरा करलक।

1 तीमुथियुस 3:16

आउर इकर में शंका नखे कि परमेश्‍वर जे शिक्षामन के खोइल देई हे, उ पूरा पुरी सच्चा अहे। मतलब, उ जे आदमी केर रूप में दिस्तार होलक, आउर उके पवितर आत्मा बटले परमेश्‍वर केर बेटा केर रूप में साबित करल गेलक, स्वरगदूतमन उके देखलैं, चेलामन दुनिया केर सोउब देस में उकर बारे में आदमीमन के खुश खबरी सुनालैं, दुनिया भइर केर आदमीमन उकर उपरे बिसवास करलैं, आउर परमेश्‍वर उके उपरे स्वरग में उठाय लेलक।

2 तीमुथियुस 1:9

जे हमरे के बचालक आउर पवितर जिंदगी जियेक लगिन बोलालक, उ हमरे के हमर बेस काममन केर चलते निहीं। मगर अपन योजना केर मोताबिक यीशु मसीह के हमर लगिन दुनिया में मोरेक ले भेजेक केर चलते हमर उपरे किरपा करलक।