इफिसियनमन 1:8 - सादरी नवाँ नियम

⁸ इ सोउब परमेश्‍वर केर पूरा समझ आउर बुद्धिमानी से हमरे के भरपूरी से मिल हे।

इफिसियनमन 1:8 Iomraidhean Croise

मत्ती 11:19

मगर मोंय आदमी केर बेटा खाते पिते आवाथों, सेकरो में उमन कहैना कि ‘देखा, पेटू आउर पियंक्कड़ आदमी, मालगुजारी लेवेक वालामन आउर पापी आदमीमन केर संग हेके।’ मगर आदमी केर उकर काममन से पता चलेला कि उ भला या बुरा आदमी हेके।”

रोमानियनमन 11:33

अहा! परमेश्‍वर केर धन आउर बुद्धि आउर गेयान कइसन गंभीर अहे! उकर बिचार के केऊ बखाइन करेक नी पारैना आउर उकर डहर के केऊ समझेक नी पारैना!

रोमानियनमन 5:15

मगर परमेश्‍वर केर किरपा आउर धरमी ठहराएक केर दान, एक हें आदमी मतलब यीशु मसीह बटले जेके उ हमरेमन लगिन देई हे, कहीं बगरा किमती अहे आउर ढेइर आदमीमन इके पालैं।

1 कुरिनथियनमन 2:7

मगर जे गेयान केर गोइठमन के हमरे गोठियाइला उ परमेश्‍वर केर लुकल गेयान हेके, इके एखन तक केऊ नी बुझलैं। इकर से पहिले कि परमेश्‍वर धरती के बनालक, उ पहिलेहें फैसला काइर चुइक रहे कि उकर गेयान से हमरे के महिमा मिली।

इफिसियनमन 1:11

ओहे यीशु केर चलते जेकर से हमरे जुड़ल अही, बपौती अधिकार पावेक नियर हमरे परमेश्‍वर से अधिकार के पाली, जेकर लगिन उ अपन योजना केर मोताबिक पहिलेहें से हमरे के चुइन रहे।

इफिसियनमन 1:7

हमरे के परमेश्‍वर केर ढेइर किरपा से यीशु मसीह केर लोहू बहाएक केर चलते छुटकारा मिल हे, मतलब पापमन केर क्षमा मिल हे।

इफिसियनमन 1:9

आउर जे कोनों यीशु मसीह हमर लगिन करलक, उकर से परमेश्‍वर अपन लुकल योजना के हमरे के देखालक।

इफिसियनमन 3:10

अब उकर मकसद एहे अहे कि कलीसिया केर द्वारा, परमेश्‍वर केर सोउब रकम केर गेयान, उ प्रधानमन आउर अधिकारीमन उपरे, जेमन स्वरगीय ठाँवमन में अहैं दिस्तार करल जाओक।

कुलुसियनमन 2:3

उ ओहे हेके जे परमेश्‍वर केर बुद्धि आउर गेयान के जनुवायला, जे उ खजाना केर धन नियर अहे जे लुकल अहे।

यहूदा 1:25

ओहे हमरे के यीशु मसीह जे कुछ हमरे लगिन काइर हे, उकर जरिया से छुटकारा देई हे। ओहे एक मात्र परमेश्‍वर हेके, उकरे ठिना महिमा, गौरव, पराक्रम आउर अधिकार शुरु से अहे, आउर एखन हो होवोक आउर जुग-जुग होते रहोक। आमीन।

प्रकाशितवाक्य 5:12

उमन ऊँचा शबद से कहत रहैं, “धाइन अहे उ मेमना जेके माइर मोराल जाय रहे। उ महिमा केर लायक अहे। उकर अधिकार महान अहे। उकर गेयान गहरा अहे। उ ढेइर शक्तिशाली अहे। आउर उ ढेइर धनवान अहे। आवा, हमरे उकर आदर आउर महिमा करब।”