इफिसियनमन 1:5 - सादरी नवाँ नियम

⁵ काले कि परमेश्‍वर हमरे के प्रेम करलक आउर अपन इच्छा आउर भला मकसद केर मोताबिक, हमरे के अपन लगिन पहिले से ठहरालक कि हमरे यीशु मसीह केर बटले उकर बाल-पोस बेटा बनब।

इफिसियनमन 1:5 Iomraidhean Croise

मत्ती 1:25

आउर जब तक मरियम बेटा के नी जनम देलक तब तक यूसुफ उकर संगे नी सुतलक आउर उ बेटा केर नाँव यीशु रखलक।

मत्ती 11:26

हाँ, हे परमेश्‍वर आबा, काले कि तोके एहे बेस लगलक।

लूका 10:21

ओहे बेरा यीशु पवितर आत्मा में होई के खुशी से भाइर गेलक, आउर कहलक, “हे परमेश्‍वर आबा, आकाश आउर धरती केर प्रभु, मोंय तोर धन्यबाद करोना कि इ गोइठमन के गेयानीमन, आउर समझदार आदमीमन से लुकाय के रखले। आउर उ आदमी मनक उपरे दिस्तार काइर हिस, जेमन छउवामन नियर बचन के सुइन के उकर में बिसवास करैना। हाँ, हे परमेश्‍वर आबा, काले कि तोके एहे बेस लगलक।

लूका 11:32

नीनवे नगर केर आदमीमन न्याय केर दिन तोहर संगे ठड़ाय के तोहरेमन के दोषी ठहराबैं, काले कि उमन तो योना केर परचार के सुइन के पाप करेक छोइड़ देलैं, हिंयाँ तो मोंय योना से हों बाड़ अहों, मगर मोर परचार के सुइन के हों तोहरेमन पाप करेक नी छोड़ाथा।

लूका 12:32

तोहरेमन भेड़ीमन केर एगो छोटका झूँड़ नियर अहा, से लगिन कोनोवें गोइठ से ना डरावा। काले कि तोहर आबा परमेश्‍वर केर इच्छा अहे कि उ तोहरेमन के राइज देवी।

यूहन्ना 1:12

मगर जेतना आदमीमन उके अपनालैं आउर उकर उपरे बिसवास करलैं, उ सोउबमन के परमेश्‍वर केर संतान बनेक केर अधिकार देलक।

यूहन्ना 11:52

आउर यीशु ओहेमन लगिन सिरिफ नी मोरी, मगर उ परमेश्‍वर केर आउरो संतानमन लगिन मोरी, जेमन छितराल अहैं ताकि उमन के जमा करोक।

यूहन्ना 20:17

यीशु उकर से कहलक, “मोके धाइर के ना रोक काले कि मोंय एखन तक आबा परमेश्‍वर ठिना स्वरग नी जाय हों। मगर तोंय मोर चेलामन ठिना जा, आउर उमन से इ कहबे कि मोंय अपन आबा, आउर तोहर आबा, आउर अपन परमेश्‍वर आउर तोहर परमेश्‍वर ठिना स्वरग जाथों।”

खास चेलामन केर काम 13:48

इ सुइन के परजाइत आदमीमन खुश होलैं, आउर परमेश्‍वर केर बचन केर बड़ाई करेक लगलैं। जेतना आदमीमन के जुग-जुग केर जिंदगी लगिन ठहराल जाय रहे, उमन बिसवास करलैं।

रोमानियनमन 8:23

आउर सिरिफ सिरजाल चीजमन भइर नी कुंहराथैं, मगर हमरेमन हों जेमन आवेक वाला महिमा केर सवाद के चखेक लगिन पवितर आत्मा के परमेश्‍वर केर पहिला चीज केर रूप में पाय ही खुद हें कुंहराथी, मगर अब हमरे परमेश्‍वर केर आसरा देखाथी कि उ हमरे के अपन नीज संतान केर रूप में अपनाय लेवोक, इ सोउब तब होवी जब परमेश्‍वर हमरे केर इ कायामन के नवाँ काया बनाय के छुटकारा काइर देवी।

1 कुरिनथियनमन 1:1

इ चिट्ठी के मोंय पौलुस लिखाथों, मोंय परमेश्‍वर केर इच्छा से यीशु मसीह केर चुनल खास चेला बनेक लगिन बोलाल जाय हों, मोंय हिंयाँ हमर संगी बिसवासी भाई सोस्थिनेस केर संगे अहों जे मोर मदइत कराथे।

1 कुरिनथियनमन 1:21

काले कि परमेश्‍वर अपन गेयान से पहिलेहें देइख हे कि दुनिया केर आदमीमन उके अपन गेयान से कहियो नी जानबैं, परमेश्‍वर बिसवास करेक वालामन के बचाएक लगिन हमर शुभ समाचार परचार के इस्तेमाल करलक, जबकि थोरेक आदमीमन इके बेकार गोइठ मतलब मूरख आदमी केर गोइठ समझैना।

2 कुरिनथियनमन 6:18

आउर मोंय तोहर आबा नियर होमूँ, आउर तोहरेमन मोर बेटा आउर बेटीमन नियर होबा, इ सर्वशक्तिमान प्रभु परमेश्‍वर केर बचन हेके।”

गलातियनमन 3:26

जब तोहरे यीशु मसीह केर नाँव से बपतिस्मा जल संस्कार लेला, तो तोहरे मसीह केर नवाँ जिंदगी के पिंध लेला, जइसन एगो आदमी नवाँ लुगा के पिंध लेवेला, से लगिन जब तोहरे सोउब यीशु मसीह उपरे बिसवास करला तो परमेश्‍वर केर संतान बाइन गेला।

इफिसियनमन 1:11

ओहे यीशु केर चलते जेकर से हमरे जुड़ल अही, बपौती अधिकार पावेक नियर हमरे परमेश्‍वर से अधिकार के पाली, जेकर लगिन उ अपन योजना केर मोताबिक पहिलेहें से हमरे के चुइन रहे।

इफिसियनमन 1:9

आउर जे कोनों यीशु मसीह हमर लगिन करलक, उकर से परमेश्‍वर अपन लुकल योजना के हमरे के देखालक।

फिलिप्पियनमन 2:13

काले कि परमेश्‍वर तोहरे में काम कराथे, आउर इच्छा आउर शक्ति देवाथे कि तोहरेमन ओहे काम करबा जेकर से परमेश्‍वर खुश होवेला।

कुलुसियनमन 1:19

काले कि परमेश्‍वर आबा केर खुशी इकरे में अहे कि परमेश्‍वर केर समूचा स्वभाव मसीह में मौजूद अहे।

2 थिस्सलुनीकियनमन 1:11

इ लगिन हमरे लगातार तोहरे ले प्रार्थना हों करिला, ताकि परमेश्‍वर तोहरेमन के उके करेक केर लाएक बनाओक, जेके करेक लगिन उ तोहरे के बोलाय हे, आउर उ अपन शक्ति से तोहर हर भला इच्छा के पूरा करोक आउर हर उ काम के सफल करोक, जे तोहरे केर बिसवास केर बदली में अहे।

इब्रानीमन 2:4

आउर इकर अलावा परमेश्‍वर हों अपन इच्छा केर मोताबिक चिन्हामन आउर चमत्कार, आउर अचरज केर काममन, आउर सोउब रकम केर शक्ति केर काममन, आउर पवितर आत्मा केर बरदानमन के बाँटेक से इकर सबूत देते रहलक।

1 यूहन्ना 3:1

सोचा तो आबा परमेश्‍वर हमरेमन से कइसन प्रेम काइर हे। हमरेमन परमेश्‍वर केर संतान कहाइला आउर हकीकत में हमरेमन हेकी। मगर जेमन इ दुनिया केर हेकैं उमन नी जानैना कि हमरेमन परमेश्‍वर केर संतान हेकी, काले कि उमन परमेश्‍वर के हों नी जानैना।

प्रकाशितवाक्य 21:7

जे जीत जाई, ओहे इ चीजमन केर हकदार होवी। आउर मोंय उकर परमेश्‍वर होमूँ, आउर उ मोर बेटा होवी।