इफिसियनमन 1:4 - सादरी नवाँ नियम

⁴ खास काइर के परमेश्‍वर हमरे के यीशु मसीह में एक होवेक केर चलते दुनिया केर सिरजन से पहिले चुइन लेई हे। ताकि हमरे उकर सामने पवितर आउर निरदोष रहब।

इफिसियनमन 1:4 Iomraidhean Croise

मत्ती 24:22

मगर परमेश्‍वर अपन चुनलमन केर खातिर उ दुःख-तकलीफ केर दिनमन के घटाय देई, अगर उ दिनमन के नी घटातक, तो केऊ हों नी बचतैं।

मत्ती 24:24

काले कि झूठा मसीह आउर झूठा परमेश्‍वर केर संदेश बताएक वालामन उइठ खड़ा होबैं उमन बड़का-बड़का चिन्हा आउर चमत्कार केर काममन के देखाबैं आउर होई सके तो उमन चुनलमन के हों बहकाय देबैं।

मत्ती 24:31

आउर मोंय अपन दूतमन के जोर से तुरही बजाते भेजमूँ, आउर उमन आकाश केर इ छोर से उ छोर तक, चाइरो दिशा से मोर चुनल आदमीमन के जमा करबैं।

मत्ती 25:34

तब मोंय राजा अपन भतखाइया बटे केर आदमीमन से कहमूँ, ‘हे मोर आबा केर धाइन आदमीमन, आवा, स्वरग राइज केर अधिकारी बाइन जावा, जे दुनिया केर शुरु से तोहर लगिन तेयार करल अहे।

यूहन्ना 10:16

मोर आउर हों भेड़ीमन अहैं, जे इ भेड़ी गोहर केर ना लगैं मोके ओहोमन के लानेक जरुरी अहे। उमन मोर आवाज के चिन्हबैं। तब एके गो झूँड़ आउर एके गो चरवाहा होवी।

यूहन्ना 15:16

तोहरेमन मोके नी चुनला मगर मोंय तोहरेमन के चुनलों आउर ठहरालों। ताकि तोहरेमन दुनिया केर आदमीमन ठिना जाय के फार लानबा आउर तोहर फार बनल रहोक, काले कि तोहरेमन मोर चेला हेका से लगिन तोहरेमन के जे कोनों चाही, उके मोर नाँव लेई के मोर आबा परमेश्‍वर से माँगबा, तो उ तोहरेमन के देई देवी।

यूहन्ना 17:24

हे आबा परमेश्‍वर, मोंय चाहाथों कि जेमन के तोंय मोके देई हिस, उमन जहाँ मोंय अहों हूवाँ मोर संगे रहोक, जेकर से उमन मोर महिमा के देखेक पारोक, जेके तोंय मोके देई हिस, काले कि तोंय दुनिया केर सिरजेक से आगे मोर से प्रेम काइर हिस।

खास चेलामन केर काम 13:48

इ सुइन के परजाइत आदमीमन खुश होलैं, आउर परमेश्‍वर केर बचन केर बड़ाई करेक लगलैं। जेतना आदमीमन के जुग-जुग केर जिंदगी लगिन ठहराल जाय रहे, उमन बिसवास करलैं।

खास चेलामन केर काम 15:18

इ गोइठमन के ओहे प्रभु कइह हे, जेकर बारे में दुनिया केर सिरजन से समाचार देते आय हे।’

खास चेलामन केर काम 18:10

मोंय तोर संगे अहों आउर केऊ हों तोर उपरे हमला काइर के तोके नोकसान पोंहचाएक नी पारी, काले कि इ शहर में ढेइर आदमीमन मोर उपरे बिसवास करबैं।”

रोमानियनमन 8:33

केऊ परमेश्‍वर केर भीरे हमरे के दोष लगाएक नी पारबैं, काले कि परमेश्‍वर हमरे के धरमी बनाय हे।

1 कुरिनथियनमन 1:8

परमेश्‍वर तोहरेमन के आखरी तक बिसवास में मजबूत हों करी, ताकि तोहरेमन उ दिन तक निरदोष रहबा, जब हमर प्रभु यीशु मसीह इ धरती में फिन से घूइर आवी।

गलातियनमन 5:13

हे बिसवासी भाईमन, तोहरेमन के परमेश्‍वर बटले आजाद होवेक लगिन चुनल जाय हे। अब तोहरे के मूसा केर नियम के मानेक केर जरुरत नखे। मगर इ आजादी तोहरे केर अपन काया केर इच्छामन के पूरा करेक केर मोका ना बाइन जाओक, से लगिन प्रेम से एक दोसर केर सेवा करा।

गलातियनमन 5:22

मगर उ गुणमन जे पवितर आत्मा से सिरजेला, इमन हेकैं: प्रेम, आनंद, शांति, धीरज,

गलातियनमन 5:6

अगर तोहरे मसीह यीशु केर चेलामन हेका तो इकर से कोनों फरक नी पड़ेला कि तोहरे केर खतना होई हे या निहीं। मगर खास गोइठ इ हेके कि हमरे मसीह उपरे बिसवास करिला, आउर परमेश्‍वर आउर दोसर आदमीमन से प्रेम करिला।

इफिसियनमन 2:10

काले कि हमरे परमेश्‍वर केर बनाल हेकी, उ हमरे के यीशु मसीह में उकर भला काममन के करेक लगिन बनाय हे, जे काममन के करेक लगिन परमेश्‍वर हमरे के पहिले से तेयार काइर हे।

इफिसियनमन 3:17

आउर बिसवास से मसीह तोहर भीतरे डेरा करोक जइसन कि तोहरेमन उकर में भरसा कराला, मोंय प्रार्थना करोना कि परमेश्‍वर लगिन आउर दोसरमन लगिन तोहर प्रेम तोहरे के मजबूत बनाओक आउर भटकेक से बचाओक।

इफिसियनमन 4:2

मतलब पूरा नरम भाव से छोट बाइन के प्रेम से दोसरमन केर गलती के साइह लेवा।

इफिसियनमन 5:2

मसीह केर पिछा करते दोसरमन लगिन प्रेम से भरल जिंदगी जिया, जे तोहर से प्रेम करलक आउर तोहर पापमन के उठाएक लगिन खुद के बलिदान काइर देलक। उकर से परमेश्‍वर खुश रहे, काले कि उ बलिदान उकर लगिन महकेक वाला सेंट नियर रहे।

इफिसियनमन 5:27

उ अपन कलीसिया केर सोउब आदमीमन लगिन मोइर गेलक, ताकि उमन के सिद्ध बनाएक पारोक, आउर सोउब के अपन हेदना लानेक पारोक, जेमन में कोनों दोष या पाप या आउर कोनों रकम केर बुराई नी होवी, बल्कि उमन पूरा पुरी पवितर आउर निरदोष होबैं।

फिलिप्पियनमन 2:15

होले तोहरेमन टेढ़ा आउर बिगड़ल आदमीमन से भरल दुनिया में परमेश्‍वर केर सिद्ध संतानमन नियर साफ सुथरा आउर निरदोष जिंदगी बिताबा। जेमन केर माझे तोहरे जुग-जुग केर जिंदगी केर बचन के लेई के दुनिया में दीया नियर बरते दिसाला।

कुलुसियनमन 1:22

परमेश्‍वर अब अपन बेटा यीशु मसीह के मनवा बनाय के, आउर उके क्रूस उपरे बलिदान काइर के तोहरेमन केर अपन संगे मेल जोल काइर लेलक, ताकि तोहरे के अपन ठिना पवितर, बेदाग आउर निरदोष बनाय के हाजिर करी।

कुलुसियनमन 2:2

आउर मोंय तोहरे सोउब के बिसवास में मजबूत करेक चाहोना जेकर से तोहरे प्रेम में एक संगे जोड़ल जबा आउर सच्चाई केर भरपूर समझ में धनवान बाइन जबा आउर परमेश्‍वर आबा केर लुकल गोइठ के जे मसीह हेके जाइन जबा।

कुलुसियनमन 3:12

इ लगिन जबकि परमेश्‍वर तोहरे के अपन पवितर आदमी बनेक लगिन चुइन हे आउर तोहरे से प्रेम करेला, तो तोहरे करुणा करेक वाला, भलाई करेक वाला, दीन बनेक वाला, नरम बनेक आउर सहेक केर शक्ति धारण करा।

1थिस्सलुनीकियनमन 3:12

हमरे एहो प्रार्थना करिला कि प्रभु यीशु एक दोसर से प्रेम करेक में तोहर मदइत करोक, आउर तोहर प्रेम बढ़ते जाओक जइसन हमर प्रेम हों तोहर लगिन पहिले से अहे।

1थिस्सलुनीकियनमन 4:7

काले कि परमेश्‍वर हमरे के अशुद्ध जिंदगी जियेक लगिन निहीं, मगर पवितर जिंदगी जियेक लगिन बोलाय हे।

2 तीमुथियुस 1:9

जे हमरे के बचालक आउर पवितर जिंदगी जियेक लगिन बोलालक, उ हमरे के हमर बेस काममन केर चलते निहीं। मगर अपन योजना केर मोताबिक यीशु मसीह के हमर लगिन दुनिया में मोरेक ले भेजेक केर चलते हमर उपरे किरपा करलक।

2 तीमुथियुस 2:10

जेमन के परमेश्‍वर चुइन हे, मोंय उमन केर फायदा लगिन सोउब रकम केर दुःख सहोना। ताकि उमन हों यीशु मसीह उपरे बिसवास करोक आउर छुटकारा पाओक, आउर उ महिमा के पाओक जे जुग-जुग लगिन अहे।

2 तीमुथियुस 2:19

फिन भी परमेश्‍वर केर आदमीमन एगो नेव नियर अहैं, जे नी हिलेला। उ नेव उपरे इ लिखल रहेला, “प्रभु जानेला कि उकर आदमीमन केमन हेकैं” आउर एहो जानेला “जे केऊ परमेश्‍वर केर आराधना करेला उके बुराई करेक नी चाही।”

याकूब 2:5

हे मोर भाईमन सुना, का परमेश्‍वर इ दुनिया केर गरीबमन के नी चुनलक कि उमन बिसवास में धनी आउर उ राइज केर अधिकारी होबैं, जेकर करार परमेश्‍वर उमन से काइर हे जेमन उकर से प्रेम करैना?

1 पतरस 1:2

आबा परमेश्‍वर ढेइर पहिलेहें से तोहरेमन के चुइन लेलक आउर पवितर आत्मा केर द्वारा पवितर करलक। परमेश्‍वर एइसन इ लगिन करलक कि तोहरे यीशु मसीह केर आगया मानबा आउर उकर लोहू से शुद्ध होई जबा। मोंय प्रार्थना करोना कि परमेश्‍वर तोहरे के भरपूरी से किरपा आउर शांति देओक।

1 पतरस 1:20

इ दुनिया केर सिरजाल जाएक से पहिले, परमेश्‍वर पहिलेहें से ठहराय लेई रहे कि यीशु मसीह छोड़ाएक वाला होवी। मगर उ तोहर मदइत करेक लगिन इ आखरी दिनमन में धरती में आलक।

1 पतरस 2:9

मगर तोहरेमन एइसन नखा, काले कि तोहरे परमेश्‍वर केर चुनल आदमी हेका, तोहरे परमेश्‍वर केर पुरोहित हेका जे राजा हेके, तोहरेमन एइसन आदमी हेका जेमन खुद के परमेश्‍वर केर सेवा लगिन सोंइप देई हा, आउर तोहरे परमेश्‍वर केर हेका, तोहरे के परमेश्‍वर अंधार में से चुइन के अपन इंजोत में लाइन हे, ताकि तोहरे उकर अदभुत काममन केर परचार करबा।

2 पतरस 3:14

इ लगिन, हे दुलार बिसवासी भाई-बहिनमन, जबकि तोहरेमन इ गोइठमन केर होवेक केर आसरा देखाथा, तो एइसन जिंदगी जियेक लगिन सोउब लेखे से कोशिश करा, जे परमेश्‍वर के खुश करेला। आउर तोहरे शुद्ध, निरदोष आउर एक दोसर केर संगे शांति से रहा।

1 यूहन्ना 4:16

हमरेमन बेस लेखे जानिला आउर बिसवास हों करिला कि परमेश्‍वर हमरेमन से प्रेम करेला। परमेश्‍वर प्रेम हेके, आउर जे प्रेम में बनल रहेला उ परमेश्‍वर में बनल रहेला, आउर परमेश्‍वर उकर में बनल रहेला।

प्रकाशितवाक्य 13:8

धरती केर उपरे रहेक वाला सोउब आदमीमन राक्षस केर पूजा करेक लगलैं। सिरिफ ओहेमन उकर पूजा नी करलैं, जेमन केर नाँव दुनिया केर सिरजन होवेक से पहिलेहें से जिंदगी केर किताब में लिखल जाय रहे। इ जिंदगी केर किताब उ मेमना केर किताब हेके, जेके बलिदान केर रूप में माइर देवल जाय रहे।

प्रकाशितवाक्य 17:8

जे जानवर तोंय देइख हिस, उ पहिले तो रहे, मगर अब नखे, मगर उ बेथाह गढ़हा से निकइल के आवी, सेहे बेरा उकर बिनाश होई जाई। आउर धरती केर रहेक वाला आदमीमन जेमन केर नाँव दुनिया केर सिरजेक बेरा से जिंदगी केर किताब में लिखल नखे, इ जानवर केर इ दशा देइख के कि पहिले रहे, आउर अब नखे आउर फिन आय जाई, ताजुब करबैं।