इफिसियनमन 1:3 - सादरी नवाँ नियम

³ हमर प्रभु यीशु मसीह केर आबा परमेश्‍वर केर धन्यबाद होवोक कि उ मसीह केर द्वारा हमरे के स्वरग केर सोउब रकम केर आत्मिक आशीषमन के देई हे।

इफिसियनमन 1:3 Iomraidhean Croise

लूका 2:28

तब सिमोन बालक यीशु के अपन कोरा में लेलक, आउर परमेश्‍वर के धन्यबाद देई के कहलक,

यूहन्ना 14:20

जब मोंय फिन से जिंदा होई के घूइर आमूँ तब तोहरेमन जाइन जबा कि मोंय अपन आबा परमेश्‍वर में अहों आउर तोहरेमन मोर में अहा, आउर मोंय तोहरेमन में अहों।

यूहन्ना 17:21

कि उमन सोउब एक होई जाओक। हे आबा परमेश्‍वर, जइसन तोंय मोर में अहिस, आउर मोंय तोर में अहों, तइसनेहें उमन हों हमर में होई जाओक। जेकर से इ दुनिया केर आदमीमन इ बिसवास करोक कि तोंय हें मोके भेइज हिस।

यूहन्ना 20:17

यीशु उकर से कहलक, “मोके धाइर के ना रोक काले कि मोंय एखन तक आबा परमेश्‍वर ठिना स्वरग नी जाय हों। मगर तोंय मोर चेलामन ठिना जा, आउर उमन से इ कहबे कि मोंय अपन आबा, आउर तोहर आबा, आउर अपन परमेश्‍वर आउर तोहर परमेश्‍वर ठिना स्वरग जाथों।”

रोमानियनमन 12:5

तइसनेहें हमरे जे ढेइर अही, मसीह में बिसवास करेक केर चलते मसीह केर काया केर अंगमन हेकी, आउर हमरे सोउब एक दोसर से जुड़ल अही।

रोमानियनमन 15:6

ताकि तोहरेमन सोउब एक संगे परमेश्‍वर केर, जे हमरे केर प्रभु मसीह यीशु केर आबा हेके, उकर महिमा करबा।

1 कुरिनथियनमन 1:30

मगर परमेश्‍वर तोहरे के यीशु मसीह में एक काइर हे, जेकर से उ हमरे के अपन गेयान देई हे। आउर परमेश्‍वर हमरे के अपन देखेक में धरमी हों बनायला, यीशु मसीह केर चलते हमरे पवितर बनाल जाय ही आउर यीशु मसीह हमरे के पाप से छुटकारा देई हे।

1 कुरिनथियनमन 12:12

काले कि जे नियर काया तो एक अहे, आउर उकर अंगमन ढेइर अहैं, मगर उ एक काया केर सोउब अंगमन ढेइर होवेक से हों सोउब मिल के एके गो काया हेके, एहे नियर मसीह आउर ओहोमन अहैं जेमन उकर उपरे बिसवास करैना।

2 कुरिनथियनमन 1:3

हमरे केर प्रभु यीशु मसीह आउर आबा परमेश्‍वर केर धन्यबाद होवोक, जे दया करेक वाला आबा आउर सोउब रकम केर दुःख में दिलासा देवेक वाला परमेश्‍वर हेके।

2 कुरिनथियनमन 11:31

प्रभु यीशु केर परमेश्‍वर आउर आबा जे सोउब बेरा धाइन अहे, जानेला कि मोंय झूठ नी कहोना।

2 कुरिनथियनमन 5:17

अगर केकरो रिश्ता मसीह केर संगे अहे, तो उ नवाँ सिरजन हेके, पुरना पापी स्वभाव दूर होई गेलक, देखा, नवाँ जिंदगी केर शुरुवात होई गेलक।

2 कुरिनथियनमन 5:21

मसीह, जे पाप से अनजान रहे, उखे परमेश्‍वर हमर लगिन पाप ठहरालक, ताकि हमरे उकर नजइर में धरमी बनेक पारब, काले कि मसीह हमरे केर पापमन केर दंड के अपन उपरे उठाय लेलक।

गलातियनमन 3:9

से लगिन जेमन उ नियर परमेश्‍वर उपरे बिसवास करैना जइसन अब्राहम करलक, उ बिसवासीमन अब्राहम केर संगे आशीष पाबैं।

इफिसियनमन 1:10

आउर उकर योजना इ हेके कि ठीक समय में परमेश्‍वर सोउब चीजमन के, जे स्वरग में अहे आउर जे धरती में अहे, यीशु मसीह केर अधिकार में काइर देवी।

इफिसियनमन 1:17

मोंय प्रार्थना करोना कि हमर प्रभु यीशु मसीह केर आबा परमेश्‍वर जे महिमा से भरल अहे, तोहरेमन के आत्मिक बुद्धि आउर समझ देवी जेकर से तोहरे उके आउर बढ़ियाँ से जानेक पारबा।

इफिसियनमन 1:20

जे शक्ति के परमेश्‍वर मसीह में देखालक, जब उ उके मोरलमन में से जियाय के स्वरग में अपन भतखाइया आरा बइठालक।

इफिसियनमन 2:6

परमेश्‍वर हमरे के मसीह यीशु केर संगे जियाय के स्वरग में उकर संगे राइज करेक लायक बनालक।

इफिसियनमन 3:10

अब उकर मकसद एहे अहे कि कलीसिया केर द्वारा, परमेश्‍वर केर सोउब रकम केर गेयान, उ प्रधानमन आउर अधिकारीमन उपरे, जेमन स्वरगीय ठाँवमन में अहैं दिस्तार करल जाओक।

इफिसियनमन 6:12

काले कि हमरे लोहू आउर माँस से बनल आदमीमन से नी लड़ाथी, मगर मुखियामन से आउर अधिकारीमन से, आउर अनदिस्तार शक्तिमन से जेमन उ आदमीमन उपरे राइज करैना, जेमन एखनो तक इ दुनिया केर अंधार में अहैं, आउर उ दुष्ट आत्मामन से जेमन फौजमन नियर आकाश में अहैं।

फिलिप्पियनमन 2:11

आउर परमेश्‍वर आबा केर महिमा लगिन सोउब मनवा जाइत माइन लेवोक कि यीशु मसीह हें प्रभु हेके।

इब्रानीमन 8:5

इ धरती केर पुरोहितमन जे काम के करैना उ तो स्वरग केर सिरिफ एगो नकल आउर नमूना हेके, मगर जे स्वरग में अहे उकर नियर नखे, से लगिन जब मूसा परमेश्‍वर केर तंबू के बनाएक ले तेयार रहे, तो परमेश्‍वर उके इ चेतावनी देलक, “देख, जे नमूना तोके पहार उपरे देखाल जाय रहे, उकरे मोताबिक सोउब कुछ के बनाबे।”

इब्रानीमन 9:23

इ लगिन तंबू आउर आराधना केर चीजमन के जे स्वरग केर चीजमन केर नमूना हेके, शुद्ध करेक ले जानवर के बलिदान करेक जरुरी अहे, मगर स्वरग केर असली चीजमन के शुद्ध करेक लगिन जानवरमन केर लोहू से हों आउर बढ़ियाँ बलिदान केर जरुरत अहे।

1 पतरस 1:3

हमर प्रभु यीशु मसीह केर आबा आउर परमेश्‍वर केर धन्यबाद होवोक, जे अपन बड़का दया से आउर प्रभु यीशु मसीह केर मोरल में से जी उठेक केर द्वारा से हमरे के नवाँ जिंदगी देई हे, आउर जुग-जुग केर जिंदगी केर आसरा देई हे।