इफिसियनमन 1:22 - सादरी नवाँ नियम

²² परमेश्‍वर सोउब चीजमन के मसीह केर शक्ति केर हेंठे काइर देलक, आउर उके सोउब चीजमन केर उपरे अधिकारी ठहराय के कलीसिया के देई देलक।

इफिसियनमन 1:22 Iomraidhean Croise

मत्ती 16:18

आउर मोंय हों तोर से कहाथों कि तोर नाँव पतरस हेके, जेकर मतलब हेके चट्टाइन आउर मोंय इ चट्टाइन उपरे अपन कलीसिया बनामूँ आउर मरणलोक केर शक्ति इ कलीसिया के हराएक नी पारी।

खास चेलामन केर काम 20:28

से लगिन तोहरे खुद केर आउर उ दल केर रखवाली करा जेकर लगिन पवितर आत्मा तोहरे के अगुवा चुइन हे, ताकि तोहरे परमेश्‍वर केर कलीसिया केर देखभाल करबा, जेके उ अपन बेटा केर लोहू देई के कीन लेई हे।

1 कुरिनथियनमन 11:3

मगर एगो गोइठ अहे, मोंय चाहोना कि तोहरेमन इके जाइन लेवा, हरेक मरदाना केर मूँड़ मसीह हेके आउर एक जनाना केर मूँड़ उकर पति हेके, आउर मसीह केर मूँड़ परमेश्‍वर हेके।

इफिसियनमन 3:21

उकर महिमा कलीसिया में, आउर मसीह यीशु में पीढ़ी से पीढ़ी तक जुग-जुग होते रहोक। आमीन।

इफिसियनमन 5:23

काले कि पति जनाना केर मूँड़ हेके जइसन कि मसीह कलीसिया केर मूँड़ हेके, आउर मसीह कलीसिया केर छुटकारा देवाइया हेके, आउर कलीसिया मसीह केर काया हेके।

कुलुसियनमन 1:18

ओहे कलीसिया केर अगुवाई ओइसनेहें करेला, जइसन एगो आदमी केर मूँड़ उकर काया के चलायला। ओहे शुरु हेके, आउर मोरलमन में से जी उठेक वालामन में हों पहिला हेके कि सोउब गोइठमन में ओहे मुध ठहरोक।

कुलुसियनमन 1:8

ओहे हमरे के उ प्रेम केर बारे में हों बतालक जेके पवितर आत्मा तोहरे के परमेश्‍वर केर आदमीमन केर परती देई हे।

कुलुसियनमन 2:10

आउर तोहरेमन उकरे में भरपूर होई जाय हा जे समूचा शक्ति आउर अधिकार केर प्रधान हेके।

कुलुसियनमन 2:19

आउर इ लेखे उ मसीह से जुड़ल रहेक नी पारेला, जे समूचा काया केर मूँड़ हेके। जे लेखे मूँड़ समूचा काया के चलायला ओहे लेखे मसीह अपन सोउब आदमीमन के चलायला ताकि उमन एके संगे रहबैं। जे लेखे काया केर सोउब जोड़मन आउर साँस लेवेक वाला अंगमन काया में जुड़ल रहेला आउर परमेश्‍वर बटले बढ़ते जायला।

1 तीमुथियुस 3:15

कि अगर मोर आवेक में देरी होवी, तो तोंय जाइन ले कि परमेश्‍वर केर परिवार केर दोसर सदस्यमन केर संगे कइसन ब्यवहार करेक चाही। इ परिवार उ सोउबमन से मिल के बाइन हे जेमन यीशु मसीह उपरे बिसवास करैना, आउर जेके कलीसिया कहैना। इ बिसवासीमन सच्चा शिक्षामन के स्थिर रखेक में मदइत करैना, जइसन नेव आउर पाया मिल के घर के मजबूत रखेक में मदइत करेला।

इब्रानीमन 2:8

तोंय सोउब चीजमन केर उपरे उके अधिकार देई हिस, इ लगिन जबकि परमेश्‍वर सोउब कुछ के उकर अधिकार में काइर देई हे, तो एइसन कोनोवें नखे जे उकर अधिकार में नखे, मगर हमरे आइज तक सोउब कुछ उकर अधिकार में नी देखिला।